វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1605 នាក់
ម្សិលមិញ 6359 នាក់
សរុប 14088238 នាក់
មីយ៉ាន់ម៉ា៖ របបយោធាមីយ៉ាន់ម៉ាបានដោះលែងអ្នកទោសនយោបាយរាប់រយនាក់ពីពន្ធនាគារអ៊ីនសេន (Insein) នៅថ្ងៃចន្ទ័ទី១៩តុលាដែលក្នុងនោះរួមមានអ្នកនាំពាក្យម្នាក់របស់គណបក្សលោកស្រី អ៊ុង សានស៊ូជី (Aung San Suu Kyi) និងតារាកំប្លែងដ៏ល្បីឈ្មោះគឺលោក ហ្សាកាណា (Zarganar) ។
ប្រព័ន្ធផ្សព្វផ្សាយក្នុងតំបន់បានរាយការណ៍ថាការដោះលែងបានធ្វើឡើងតែប៉ុន្មាននាទីបន្ទាប់ពីការថ្លែងសុន្ទរកថារបស់មេដឹកនាំរបបយោធាលោក មីន អ៊ុងឡាំង (Min Aung Hlaing) កាលពីថ្ងៃចន្ទ,។ ទូរទស្សន៍រដ្ឋមីយ៉ាន់ម៉ាបានប្រកាសថាមនុស្សជាង៥,៦០០នាក់ដែលត្រូវបានចាប់ខ្លួន ឬជាប់សង្ស័យនៅក្នុងការតវ៉ាប្រឆាំងនឹងរដ្ឋប្រហារនឹងត្រូវបានដោះលែងក្រោមហេតុផលមនុស្សធម៍។
សកម្មជនខ្លះបានពណ៌ការដោះលែងនាថាជាល្បិចកលរបស់យោធាដើម្បីព្យាយាមស្តារកេរ្តិ៍ឈ្មោះលើឆាកអន្តរជាតិឡើងវិញបន្ទាប់ពីអាស៊ាន (ASEAN) បានសម្រេចមិនអនុញ្ញាតឲ្យលោក មីន អ៊ុងឡាំង (Min Aung Hlaing) ចូលរួមកិច្ចប្រជុំកំពូលនាពេលខាងមុខ។អ្នករាយការណ៍ពិសេសរបស់អង្គការសហប្រជាជាតិលោក ថម អេនឌ្រូ (Tom Andrews) បានសរសេរនៅលើគណនីធ្វីតធ័រ (Twitter) ថា «របបយោធាមីយ៉ាន់ម៉ាកំពុងដោះលែងអ្នកទោសនយោបាយមិនមែនដោយសារការផ្លាស់ប្តូរចិត្តទេ ប៉ុន្តែដោយសារសម្ពាធ។»
ក្រៅពីលោក ម៉ូនីវ៉ា អ៊ុងស៊ីន (Monywa Aung Shin) ដែលជាអ្នកនាំពាក្យឲ្យគណបក្សសម្ព័ន្ធជាតិដើម្បីប្រជាធិបតេយ្យ (NLD) របស់លោកស្រី ស៊ូជី, អ្នកទោសនយោបាយជាច្រើននាក់ទៀតរួមទាំងអ្នកតំណាងរាស្ត្រនិងអ្នកកាសែតក៏ត្រូវបានដោះលែងពីពន្ធនាគារផ្សេងទៀតផងដែរដូចជានៅទីក្រុងម៉ាន់ដាឡេ (Mandalay), សង្កាត់ឡាស៊ីអូ (Lashio), ទីក្រុងមេកទីឡា (Meiktila) និងទីក្រុងមីអេក (Myeik) ។
ប៉ុន្តែយោងតាមវិទ្យុសម្លេងប្រជាធិបតេយ្យភូមា (DVB) អ្នកទោស១១នាក់ក្នុងចំណោម៣៨នាក់ដែលត្រូវបានដោះលែងពីពន្ធនាគារនៅទីក្រុងមេកទីឡា (Meiktila) ត្រូវបានចាប់ខ្លួនមកវិញ។ទីភ្នាក់ងារព័ត៌មាន Reuters មិនអាចផ្ទៀងផ្ទាត់ព័ត៌មាននេះដោយឯករាជ្យបានទេ៕