វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 440 នាក់
ម្សិលមិញ 5378 នាក់
សរុប 14079733 នាក់
ភ្នំពេញ៖ស្ថានឯកអគ្គរាជទូតកម្ពុជា ប្រចាំសាធារណរដ្ឋសហភាពមីយ៉ាន់ម៉ា បានចេញសេចក្តីជូនដំណឹងមួយដល់បងប្អូនប្រជាពលរដ្ឋខ្មែរទាំងអស់ដែលកំពុងរស់នៅប្រទេសមីយ៉ាន់ម៉ា ហើយមានបំណងចង់វិលត្រឡប់មកកម្ពុជាវិញ សូមធ្វើការទំនាក់ទំនងមកស្ថានទូត ព្រោះចុងខែនេះ នឹងមានជើងហោះហើរមួយពីមីយ៉ាន់ម៉ា មកកាន់កម្ពុជា។
ស្ថានទូតកម្ពុជាបានសហការជាមួយភាគីមីយ៉ាន់ម៉ា រៀបចំជើងហោះហើរសង្គ្រោះលើកទី៧ (Relief Flight) ដើម្បីធ្វើមាតុភូមិនិវត្តន៍ប្រជាជនមីយ៉ាន់ម៉ា ពីប្រទេសកម្ពុជា នៅថ្ងៃទី២៨ ខែកញ្ញា ឆ្នាំ២០២១ តាមរយៈក្រុមហ៊ុនអាកាសចរណ៍មីយ៉ាន់ម៉ាអន្តរជាតិ (Myanmar Airways International – MAI)។
បើបងប្អូនខ្មែរដែលមានបំណងធ្វើដំណើរត្រឡប់ទៅកាន់ប្រទេសកម្ពុជាវិញ តាមរយៈជើងហោះហើរខាងលើ សូមធ្វើការចុះឈ្មោះជាមួយស្ថានឯកអគ្គរាជទូតកម្ពុជា ឲ្យបានឆាប់រួសរាន់ជាមួយ លោក ម៉ៅ ដារ៉េត លេខាធិការទី១ ដែលមានលេខទូរស័ព្ទ +95 9 445 399 399 យ៉ាងយូរត្រឹមថ្ងៃអង្គារ ទី២១ ខែកញ្ញា ឆ្នាំ២០២១ វេលាម៉ោង ០៤៖០០ នាទីរសៀល ដើម្បីស្ថានឯកអគ្គរាជទូត ចាត់ចែងបន្តបានទាន់ពេលវេលា។
ព័ត៌មានផ្ទាល់ខ្លួនសម្រាប់ការចុះឈ្មោះ រួមមាន៖១. លិខិតឆ្លងដែន និងទិដ្ឋាការស្នាក់នៅក្នុងប្រទេសមីយ៉ាន់ម៉ា២. អាសយដ្ឋាននៅប្រទេសមីយ៉ាន់ម៉ា និងអាសយដ្ឋាននៅប្រទេសកម្ពុជា។៣. លេខទូរស័ព្ទ ដែលអាចទំនាក់ទំនងបាននៅមីយ៉ាន់ម៉ា (លេខទូរស័ព្ទផ្ទាល់ខ្លួន) និងនៅប្រទេសកម្ពុជា (លេខទូរស័ព្ទផ្ទាល់ខ្លួន គ្រួសារ ឬសាច់ញាតិ)។៤. តួនាទី និងឈ្មោះ ទីកន្លែងធ្វើការនៅមីយ៉ាន់ម៉ា។
សូមបញ្ជាក់ថាសព្វថ្ងៃនេះប្រទេសមីយ៉ានម៉ាមានរដ្ឋាភិបាលពីរហើយ។មួយរដ្ឋាភិបាលយោធានិងមួយទៀតរដ្ឋាភិបាលឈ្នះឆ្នោតដែលត្រូវបានរបបយោធាធ្វើរដ្ឋប្រហារដែលមានកម្លាំងប្រដាប់អាវុធជាជនជាតិភាគតិចមួយចំនួននិងមានបរទេសគាំទ្រខ្លះៗផងដែរ។រដ្ឋាភិបាលក្រៅប្រទេសនេះទើបបានប្រកាសសង្គ្រាមកាលពីដើមខែកញ្ញានេះជាមួយរបរបសឹកដឹកនាំដោយឧត្តមសេនីយ៍មីនអ៊ុងឡាំងដែលចង់ឬមិនចង់អសន្តិសុខក្នុងប្រទេសនឹងកើតឡើងដោយនឹកស្មានមិនដល់បើទោះជាអាស៊ានមានបេសកជនជួយសម្របសម្រួលកដោយ៕