វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 690 នាក់
ម្សិលមិញ 6359 នាក់
សរុប 14087323 នាក់
ប្រទេសភូមា៖រដ្ឋាភិបាលស្រមោលដែលបង្កើតឡើងដោយ ក្រុមអ្នកប្រឆាំងរបផ្តាច់ការយោធាភូមាបានអំពាវនាវឱ្យមានចលនាបះបោរមួយរួមមានទាំងការកៀរគរកងកម្លាំងប្រដាប់អាវុធ, កងទ័ពជនជាតិដើមភាគតិច និងជំរុញឱ្យមន្ត្រីមីយ៉ាន់ម៉ាឈប់ទៅធ្វើការ ដើម្បីប្រឆាំងនឹងរបបយោធាបន្តទៀត ។
ទីភ្នាក់ងារព័ត៌មាន Reuters នៅរសៀលថ្ងៃអង្គារ ទី០៧ ខែសីហា ឆ្នាំ២០២១បានឲ្យដឹងថា៖លោក ឌូវ៉ា ឡាស៊ី ឡា (Duwa Lashi La) ដែលជាប្រធានាធិបតីស្ដីទីនៃរដ្ឋាភិបាលស្រមោល ដែលហៅកាត់ថា NUG បាននិយាយនៅក្នុងសុន្ទរកថាមួយនៅថ្ងៃអង្គារនេះថា រដ្ឋាភិបាលស្រមោលរបស់លោក បានប្រកាសដាក់ប្រទេសមីយ៉ាន់ម៉ាក្នុងភាពអាសន្ន ហើយអំពាវនាវឱ្យប្រជាជនមីយ៉ាន់ម៉ា មកពីគ្រប់ទិសទីទាំងអស់ចូលរួមក្នុងចលនាបះបោរ ប្រឆាំងនឹងរបបយោធា ដឹកនាំដោយលោក មីង អោង ហ្លេង ដែល Duwa ផ្ទាល់ហៅជា «ក្រុមភេរវករ»។
បន្ថែមពីលើនេះ ក៏បានជំរុញឱ្យកងកម្លាំងជនជាតិដើមភាគតិចនៅតាមតំបន់ព្រំដែនបើកការវាយប្រហារលើយោធាមីយ៉ាន់ម៉ាផងដែរ។ការប្រយុទ្ធគ្នា រវាងកងទ័ពភូមា និងកងជីវពល ឬក្រុមប្រដាប់អាវុធ ជនជាតិភាគតិច បានកើតមានជាហូរហែ ដោយភាគីម្ខាងៗបានអះអាងសម្លាប់ទាហានរបស់គូសត្រូវៗរៀងៗខ្លួន។ ផ្ទុយទៅវីក្នុងបទសម្ភាសន៍មួយជាមួយទីភ្នាក់ងារព័ត៌មានជប៉ុន Kyodo ប្រេសិតអាស៊ានសម្រាប់បញ្ហាភូមា បាននិយាយថា របបសឹកភូមា បាននិយាយសន្យាថា នឹងអនុវត្តបទឈប់បាញ់ រហូតដល់ចុងឆ្នាំ។ ប៉ុន្តែ ប្រធានាធិបតីស្តីទីរបស់រដ្ឋាភិបាលស្រមោលភូមា បានព្រមានប្រាប់កុំឲ្យគេជឿទុកចិត្តសំដី របស់មេដឹកនាំរបបសឹក។
យោធាមីយ៉ាន់ម៉ាដែលប្រកាសចាត់ទុករដ្ឋាភិបាលស្រមោលជា «ក្រុមភេរវករ» ដូចគ្នាដែរនោះ មិនទាន់បញ្ចេញប្រតិកម្មអ្វីនៅឡើយទេ។ លោក មីន អោង ហ្លេង ដែលបានឡើងកាន់តំណែងជានាយករដ្ឋមន្ត្រី នៃរដ្ឋាភិបាលបណ្ដោះអាសន្នមីយ៉ាន់ម៉ាបានសន្យាថា នឹងរៀបចំការបោះឆ្នោតថ្មីមួយនៅឆ្នាំ២០២៣។ យ៉ាងណាក៏ដោយ អង្គការសហប្រជាជាតិ (UN) និងសហរដ្ឋអាមេរិក រួមទាំងប្រទេសធំៗជាច្រើនទៀត ជាពិសេសនៅអឺរ៉ុប បានប្រកាសមិនទទួលស្គាល់ការដឹកនាំរបស់លោក មីន អោង ហ្លេង នោះឡើយ ខណៈទណ្ឌកម្មជាច្រើនត្រូវបានដាក់ជាបន្តបន្ទាប់។
បេសកជនពិសេសតំណាងអាស៊ាន ប្រចាំប្រទេសមីយ៉ាន់ម៉ា បានថ្លែងប្រាប់បណ្តាញសារព័ត៌មានថា រូបលោកបានស្នើសុំឱ្យមានបទឈប់បាញ់ ពីសំណាក់គ្រប់ភាគីទាំងអស់នៅក្នុ្ងងប្រទេស។ ការស្នើសុំឱ្យមានបទឈប់បាញ់នេះ បេសកជនពិសេសតំណាងអាស៊ាន ប្រចាំមីយ៉ាន់ម៉ា បានលើកឡើងថា ដើម្បីធានាសុវត្ថិភាព និងបង្កភាពងាយស្រួលដល់ការដឹកជញ្ជូនជំនួយមកកាន់ប្រទេសនេះ និងពុំមានពាក់ព័ន្ធនឹងបញ្ហានយោបាយទេ។
ការស្នើសុំឱ្យមានបទឈប់បាញ់ ពីសំណាក់បេសកជនពិសេសតំណាងអាស៊ាន ត្រូវបានយល់ព្រមដោយរដ្ឋមន្ត្រីការបរទេសមីយ៉ាន់ម៉ា រួចរាល់ហើយ។ ចំណែកជំនួយមនុស្សធម៌ផ្តល់ដោយប្រទេសទាំង១០ នៅក្នុងតំបន់អាស៊ាន ក៏កំពុងរៀបចំជាបណ្តើរៗនិងត្រៀមដឹកទៅកាន់ប្រទេសមីយ៉ាន់ម៉ាផងដែរ។
ជំនួយដំបូងដែលត្រូវដឹកបន្ទាន់ទៅកាន់ប្រទេសមីយ៉ាន់ម៉ា រួមមានដូចជាម៉ាស៊ីនអុកស៊ីហ្សែន និងឧបករណ៍ការពារមួយចំនួនទៀត ដែលត្រូវប្រើប្រាស់សំខាន់នៅក្នុងប្រតិបត្តិការប្រយុទ្ធនឹងជំងឺកូវីដ១៩។ ជំហានបន្ទាប់ ជំនួយមនុស្សធម៌ដែលត្រូវដឹកទៅមិយ៉ាន់ម៉ា អាចជាវ៉ាក់សាំងការពារវីរុសកូវីដ១៩៕
មេដឹកនាំរបបសឹកភូមា លោកមីន អ៊ុងឡាំងកាលពីខែមុនបានប្រកាសតាំងខ្លួន ជានាយករដ្ឋមន្ត្រី ដឹកនាំរដ្ឋាភិបាលយោធារហូតដល់មានការរៀបចំបោះឆ្នោត សាជាថ្មី នៅភូមា ដែលរបបសឹកបានសន្យានឹងរៀបចំ នៅឆ្នាំ ២០២៣។