វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3367 នាក់
ម្សិលមិញ 6359 នាក់
សរុប 14090000 នាក់
ថៃ៖ស្នូគ្រាប់បែកផ្ទុះជាច្រើនគ្រាប់ត្រូវបានគេឮនៅ ក្នុងទីក្រុងបាងកក ប្រទេសថៃ កាលពីព្រឹកថ្ងៃសុក្រ ទី២ សីហា ឆ្នាំ២០១៩ បណ្តាលឲ្យមនុស្សចំនួន៣នាក់បានរងរបួស ពេលថៃជាធ្វើចាម្ចាស់ផ្ទះ រៀបចំកិច្ចប្រជុំរដ្ឋមន្ត្រីការបរទេសប្រចាំតំបន់អាស៊ានបូក ដែលមានការចូលរួមពីលោក Mike Pompeo រដ្ឋមន្ត្រីក្រសួងការបរទេសអាមេរិកផងដែរ។
សារព័ត៌មាន Reutersដកស្រង់សម្តីមន្ត្រីប៉ូលីសផ្សាយ ថា គ្រាប់បែកសរុបចំនួន៦គ្រាប់ ត្រូវបានផ្ទុះឡើងនៅទីតាំងចំនួន៣ និងឧបករណ៍ផ្ទុះមួយត្រូវបានរកឃើញជាមុនផងដែរ (មុនផ្ទុះ)។
លោកវរសេនីយ៍ឯក Kamtorn Uicharoen បានមានប្រសាសន៍ថា គ្រាប់បែកចំនួន៣គ្រាប់ ត្រូវបានផ្ទុះឡើងនៅឯមជ្ឈមណ្ឌលរដ្ឋាភិបាល Chaeng Watthana Government Complex ខណៈឯមួយគ្រាប់ផ្សេងទៀតមិនត្រូវបានផ្ទុះ និង២គ្រាប់ផ្សេងទៀតនៅស្ថានីយរភ្លើងផ្លូវអាកាស BTS Chong Nonsi ។
«គ្រាប់បែកនៅទីតាំងទាំងពីរកន្លែងនេះ គឺជាគ្រឿងផ្ទុះកែច្នៃ (ឬគ្រាប់បែកកែច្នៃ) ដែលមានកំណត់ពេលវេលា (ឬម៉ោងកំណត់ឲ្យផ្ទុះ)។ ចំណែកឯ គ្រាប់បែកមួយផ្សេងទៀត (Ping-pong bomb) បំផ្ទុះនៅតំបន់ Suan Luang (ផ្លូវ Rama IX)» ។
ជុំវិញនឹងហេតុការណ៍នេះ លោកនាយករដ្ឋមន្ត្រីថៃ ប្រាយុទ្ធ ចាន់អូចា ក៏បានបញ្ជាឲ្យបើកការស៊ើបអង្កេតភ្លាមៗជាបន្ទាន់ ដើម្បីធានាសន្តិសុខសាធារណៈ ខណៈចំណាត់ការសន្តិសុខក្នុងទីក្រុង ក៏ត្រូវបានរឹតបន្ដឹង និងសូមឲ្យសាធារណៈជនទាំងអស់កុំភ័យស្លន់ស្លោផងដែរ។
មានការកត់សម្គាល់ថា ការបំផ្ទុះនេះត្រូវបានគេដឹងថា បានកើតឡើង នៅពេលដែលលោក Mike Pompeo រដ្ឋមន្ត្រីក្រសួងការបរទេសអាមេរិក កំពុងតែថ្លែងសុន្ទរកថា ក្នុងរដ្ឋធានីនៃទីក្រុងបាងកក នៅក្នុងកិច្ចប្រជុំរដ្ឋមន្ត្រីការបរទេសអាស៊ាន។
ទោះជាយ៉ាងណាមានបុរសពីរនាក់ដែលត្រូវបានចាប់ខ្លួន ក្រោយមានករណីបង្កៃគ្រាប់បែកក្លែងក្លាយ ។នេះបើតាមការដកស្រង់ការផ្សាយចេញពីសារព័ត៌មាន CNA នៅយប់ថ្ងៃសុក្រ ទី០២ ខែសីហា ឆ្នាំ២០១៩។បើតាមអាជ្ញាធរថៃ ជនសង្ស័យទាំងពីរនាក់នោះ មកពីតំបន់ភាគខាងត្បូង ជាប់នឹងប្រទេសម៉ាឡេស៊ី ដែលជាកន្លែងមានការវាយប្រហារជាញឹកញាប់ពីក្រុមសកម្មប្រយុទ្ធ ប៉ុន្តែមិនទាន់ច្បាស់ទេថា ពួកគេមានទំនាក់ទំនងជាមួយពួកឧទ្ទាមដែរឬក៏អត់ឡើយ។
បញ្ហាអសន្តិសុខនៅភាគខាងត្បូងប្រទេសថៃ បានអូសបន្លាយអស់រយៈពេលប្រមាណ ១៥ឆ្នាំមកហើយ និងបានផ្តាច់ជីវិតមនុស្សសរុប ៧,០០០នាក់។ រាជរដ្ឋាភិបាលថៃកន្លងមកនេះ ក៏ធ្លាប់បានព្យាយាមចរចាជាមួយពួកឧទ្ទាមភាគខាងត្បូងនោះផងដែរ ប៉ុន្តែមិនបានជោគជ័យ។ សម្រាប់ខេត្តបីរបស់ថៃនៅភាគខាងត្បូង ដែលមានករណីវាយប្រហារច្រើនជាងគេនោះមានដូចជា ផាត់តានី យ៉ាឡា និងណារ៉ាត់ធីវ៉ាត់៕