វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5044 នាក់
ម្សិលមិញ 11068 នាក់
សរុប 16675012 នាក់
បន្ទាយមានជ័យ៖លោកវេជ្ជបណ្ឌិត ច័ន្ទ វិឌ្ឍីណាវុឌ្ឍប្រធានមន្ទីរពេទ្យ មិត្តភាពកម្ពុជា- ជប៉ុន មង្គលបូរី ត្រូវបានដកចេញពីតំណែង ដាក់ជំនួសដោយលោកវេជ្ជបណ្ឌិត ទុ បារាំងឡើងជាប្រធានវិញហើយ ។មូលហេតុគឺមកពីដឹងតែពីលុយខ្វះទំនួលខុសត្រូវក្នុងការគ្រប់គ្រង ក្នុងតួនាទីលោកវេជ្ជបណ្ឌិត ច័ន្ទ វិឌ្ឍីណាវុឌ្ឍ ជាប្រធានមន្ទីរពេទ្យខេត្តមិត្តភាពកម្ពុជា-ជប៉ុនមង្គល បូរី ។
លោក វេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាលខេត្តបន្ទាយមានជ័យបាន ឲ្យដឹងថា ក្រោយពីមាន រឿង ក្នុងករណីខ្វះ ទំនួលខុសត្រូវក្នុងការគ្រប់គ្រងរបស់លោកប្រធានមន្ទីរពេទ្យខេត្តមិត្តភាពកម្ពុជា-ជប៉ុន មង្គលបូរី រួចមកមន្ទីរសុខាភិបាលខេត្ត បន្ទាយមានជ័យ បានបើកកិច្ចប្រជុំក្រុមប្រឹក្សាវិន័យហើយបាន បោះស្ទាបស្ទង់មតិផ្គូរផ្គងស្នើសុំជាបេក្ខជនត្រូវធ្វើជាប្រធានថ្មី ក្នុងនោះ មតិភាគច្រើនបានស្នើសុំផ្តល់ទំនុកចិត្ត ដល់លោក ចក្ខុបណ្ឌិត ទុ បារាំង អនុប្រធានឲ្យឡើងជាប្រធានថ្មី។
សូមបញ្ជាក់ថា រឿងហេតុដែលឈានដល់ដកហូតតំណែងលោកវេជ្ជបណ្ឌិតច័ន្ទ វិឌ្ឍីណាវុឌ្ឍ ពីប្រធានមន្ទីរពេទ្យ មិត្តភាពកម្ពុជា ជប៉ុនមង្គលបូរីនេះ បានកើតឡើងក្រោយ លោកអ៊ុ រាត្រី អភិបាលខេត្តបន្ទាយមានជ័យបាន ទៅបរិច្ចាគឈាមដើម្បីជួយវរសេនីយ៍ទោម្នាក់ជាអង្គរក្សសម្តេចតេជោដែលរលាកខ្នែងពោះវៀនកម្រឹតធ្ងន់ ហើយត្រូវវះកាត់ ប៉ុន្តែក្នុងឃ្លាំងឈាមនៃមន្ទីរពេទ្យ ថាគ្មានឈាម។លោកអិន លីអាន មានឋានន្តរស័ក្តិវរសេនីយ៍ទោ ជាក្រុមការងារអង្គរក្សសម្តេចតេជោដែលមានបេសកកម្មនៅខេត្តបន្ទាយមានជ័យ ដែលត្រូវធ្វើការវះកាត់នៅមន្ទីរពេទ្យខេត្តមង្គលបូរី ។ក្នុងករណីយ៍នេះ លោកប្រធានមន្ទីរពេទ្យបានប្រាប់ថា ជាគោលការណ៍ត្រូវរកអ្នក ឲ្យឈាមជំនួស និងបង់ថ្លៃសេវាជាមុនធ្វើការវះកាត់ ទោះអ្នកជំងឺធ្ងន់ក៏ដោយ ដែលមិនគិតពីក្រមសីលធម៌ និងមិនចេះចាត់ចែងការងារ។
ការពិតរឿងចឹងមិនមែនមានតែនៅពេទ្យមង្គលបុរីនោះទេសូម្បីតែនៅមន្ទីរពេទ្យកាលម៉ែត្រកណ្តាលក្រុងភ្នំពេញបើគ្មាលុយបង់មុនទេកុំសង្ឃឹមថាពេទ្យយកភ្នែកមើលចុះ។