» កម្ពុជា​បញ្ជូន​តំណាង​ទៅ លើកទឹកចិត្ត​ដល់​វិនិយោគិន​កូរ៉េ ឱ្យ​បន្ត​ស្វែងរក​ឱកាស​វិនិយោគ នៅ​កម្ពុជា​ » រដ្ឋមន្ត្រីការបរទេស​វៀតណាម​ទៅ​ធានា​នៅ​អាមេរិក​ថា​គ្មាន​បញ្ហា​រឿង​ប្រធានាធិបតី​លាលែង​! » ខ្មាន់កាំភ្លើង​ខ្លី​បាន​បាញ់រះ​ចំនួន​០៦​គ្រាប់ ទម្លុះ​ទ្វារផ្ទះ​អ្នកលក់​ទូរស័ព្ទ និង​គ្រឿងអគ្គិសនី​មួយកន្លែង​ម្ចាសផ្ទះ​ថា​អត់​ដឹង​ហង​! » មន្ត្រី​សុរិយោដី​ស្រុក​សំរោង​ទង ស្រវឹងស្រា​បើកឡាន​បុក​ផ្ទាំង​ផ្សាយពាណិជ្ជកម្ម​នៅ​សួនច្បារ​សម្តេចព្រះសង្ឃរាជ ជួន ណាត » ក្រុមហ៊ុនចិន១៧ស្វែងយល់ពីឱកាសវិនិយោគនៅកម្ពុជា » លោក​កើត រិ​ទ្ធ រដ្ឋមន្ត្រីក្រសួង​យុ​ត្តិ​ធ​ម៍​ប្រកាស​បើក​យុទ្ធនាការ​លុប​ពាក្យ​បណ្តាសា ត្រី​មួយ​កន្ត្រក​ស្អុយ​មួយ ស្អុយ​ទាំងអស់​ក្នុង​ប្រព​ន្ធ័​យុ​ត្តិ​ធ​ម៍​ » រុស្ស៊ី​ធ្វើ​សមយុទ្ធ​ក្នុង​សមុទ្រ​ក្បែរ​កោះ​ជប៉ុន​និង​បាន​ព្រមាន​ជប៉ុន​រឿង​លក់​អាវុធ​ចេញ​! » រកឃើញ​ត្រី​លក់​នៅ​ផ្សារ​សាម​គ្គិ​ស្ទឹងត្រែង​មាន​ជាតិពុល​ » រកឃើញ​កន្លែង​បន្លំ​ធ្វើ​ឈាមជ្រូក​និង​សណ្តែកបណ្តុះ​មាន​ជាតិគីមី​ » អ្នកស្រុក​ក្រុង​ហុងកុង នាំគ្នា​តវ៉ា​ប្រឆាំងនឹង​ច្បាប់​សន្តិសុខ​ជាតិ​ថ្មី​ដែល​ទើបបាន​អនុ​ម័​ដែលបិទសេរីភាព » តើករណីយ៍ក្រុមហ៊ុនវិនិយោគCICបោកលុយប្រជាពលរដ្ឋសមត្តកិចរដ្ឋចង់អូសបន្លាយ? » បំបែកសំណុំរឿង​ឃាតកម្ម​សម្លាប់​ញាត់​សព​ក្នុង​វ៉ា​លី​នៅ​ភ្នំពេញ យកទៅ​បោះចោល​នៅ​ខេត្តកោះកុង​ » ក្រសួង​វប្ប​ធ​ម៍​និងឧបនាយករដ្ឋមន្ត្រីហ៊ុនម៉ានីប្រតិកម្ម​រឿង​មិន​រៀបចំ​ស​ង្ក្រា​ន​​ទូរទស្សន៍​ហង្ស​មាស​សុំទោស​ » ហ្វីលីពីន​ថា​៖​ចិន​ថា​កំពុង​ធើ្វ​ការដាក់​ពង្រាយ​របាំង​អណ្តែត​ទឹក​ក្នុង​តំបន់​ជម្លោះ​សមុទ្រ​ចិន​ខាងត្បូង​ » ក្រៅពី​ចុះ​អនុស្សរណៈ​យោគយល់​គ្នា លើ​ឯកសារ​ចំនួន ៧​ជាមួយ​ឡាវ​នាក​យក​រដ្ឋមន្ត្ក្រីកម្ពុជាប្រកាស​ជួយ​១​លាន​ដុល្លារ​ផងដែរ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 5500 នាក់

ម្សិលមិញ 5544 នាក់

សរុប 13946597 នាក់

មេដឹកនាំ​បក្សប្រឆាំង​ស្រីលង្កា​ចូលចិត្តចិន​ជាប់ឆ្នោត​ជា​ប្រធានាធិបតី​ថ្មី

 


​ស្រីលង្កា​៖​លទ្ធផល​ជា​បណ្តោះអាសន្ន​ដែល​បានប្រកាស​កាលពី​ថ្ងៃ ទី​១៧​វិច្ឆិកា បង្ហាញថា អតីត​មេទ័ព​ក្នុង​សង្គ្រាមស៊ីវិល​ស្រីលង្កា​ទទួល​ជ័យជំនះ យ៉ាង​ធំធេង នៅក្នុង​ការបោះឆ្នោត​ប្រធានាធិបតី ។a srey langka2 

លោក ហ្គូ​តា​បា​យ៉ា រ៉ា​ចា​ប៉ាក់​សេ (Gotabaya Rajapaksa) ដែលជា​ប្អូនប្រុស​របស់​អតីត​ប្រធានាធិបតី ម៉ា​ហិន​ដា រ៉ា​ចា​ប៉ាក់​សេ បានទទួល​សំឡេងឆ្នោត ៥២% ចំណែក គូប្រជែង មកពី​គណបក្សកាន់អំណាច​ប្រកាស​ចុះចាញ់ តាំង​ពីមុន​ការប្រកាស​លទ្ធផល​ឆ្នោត​ទទួល​សំឡេងឆ្នោត តែ​៤១%​ប៉ុណ្ណោះ​។ នេះ​បើតាម​គណៈកម្មការ​បោះឆ្នោត ស្រីលង្កា ទើបបាន​ប្រកាស​ជា​ផ្លូវការ​។​តាម​គម្រោង លោក​ហ្គូ​តា​បា​យ៉ា​នឹងត្រូវ​ស្បថ​ចូលកាន់​តំណែង​ប្រធានាធិបតី​ស្រីលង្កា នៅ​ថ្ងៃ​ចន្ទ​ស្អែក​។​ការបោះឆ្នោត​ជ្រើសរើស​ប្រធានាធិបតី ស្រីលង្កា​បានចាប់ផ្តើម កាលពី​ថ្ងៃទី​១៦​ខែវិច្ឆិកា ដោយមាន​ពលរដ្ឋ ជាង​១៦​លា​នាក់​ទៅ​ចូលរួម​បោះឆ្នោត​។​​នៅពេល​លោក សា​ជិត ប្រេ​មា​ដា​សា បេក្ខជន​បក្ស​កាន់អំណាច​សព្វថ្ងៃ មាន​ទំនោរ​ទៅខាង​ប្រទេស​ឥណ្ឌា ហើយ​និង​អាមេរិក បេក្ខជន​បក្សប្រឆាំង លោក​ហ្គោ​តា​បា​យ៉ា ធ្លាប់បាន​និយាយ​ដោយ​មិន​លាក់លៀម​ថា ប្រសិនបើ​លោក​ឈ្នះឆ្នោត នោះ​រដ្ឋាភិបាល របស់លោក​នឹង​ស្តារឡើងវិញ ទំនាក់ទំនង​ជាមួយ​ស​ម្ព័​ន្ធ​មិត្ត​ចិន​។​

​នៅក្នុង​អាណត្តិ​ដឹកនាំ​របស់លោក​ម៉ា​ហិន​ដា រ៉ា​ចា​ប៉ាក់​សេ ដែលជា​បងប្រុស​របស់​លោក​ហ្គូ​តា​បា​យ៉ា ប្រទេស​ចិន​បានផ្តល់​ប្រាក់កម្ចី រាប់ពាន់​លាន​ដុល្លារ ដល់​រដ្ឋាភិបាល​ស្រីលង្កា ដែល​ក្នុងនោះ​ភាគច្រើន ជា​គម្រោង​វិនិយោគ​ហេដ្ឋារចនាសម្ព័ន្ធ​។ ក្រុមហ៊ុន​ចិន​ជាច្រើន​ត្រូវបាន​គេ​ចោទប្រកាន់ថា ជា​អ្នក​ចិញ្ចឹម​អំពើពុករលួយ​របស់​មន្ត្រី​រដ្ឋាភិបាល ស្រីលង្កា លួច​ផ្តល់ជំនួយ​ហិរញ្ញវត្ថុ ដើម្បី ជំរុញ​ប្រជាប្រិយភាព​របស់​បេក្ខជន​គណបក្សនយោបាយ និង​លួច​បញ្ចូល ចំណុច ដែល​អាច​រំលោភ​អធិបតេយ្យភាព​ស្រីលង្កា​ក្នុង​កិច្ចសន្យា​វិនិយោគ​ជាមួយ រដ្ឋាភិបាល​ស្រីលង្កា​។ ជាប់​វ័ណ្ឌក នឹង​ប្រាក់​បំណុល​របស់​ចិន ស្រីលង្កា​ដែល​គ្មាន​សមត្ថភាព​សង​ការប្រាក់ បំណុល រាប់ពាន់​លាន​ដុល្លារ​របស់​ចិន បានប្រគល់ កំពង់ផែ​ទឹក​ជ្រៅ នៅក្នុង​មហាសមុទ្រ​ឥណ្ឌា ទៅ​ឲ្យ​ចិន​គ្រប់គ្រង​រយៈពេល ៩៩​ឆ្នាំ​។​

​បេក្ខជន​បក្សប្រឆាំង គឺ​លោក​ហ្គូ​តា​បា​យ៉ា រ៉ា​ចា​ប៉ាក់​សេ ទទួល​ជ័យជំនះ នៅក្នុង​ការបោះឆ្នោត លើក​នេះ គឺអាច​មានន័យ​ច្រើនយ៉ាង សម្រាប់​ស្រីលង្កា​។​
​ទី​១ ស្រីលង្កា ត្រូវ​ត្រលប់មក​ធ្លាក់​ក្នុង​កណ្តាប់ដៃ​គ្រប់គ្រង​របស់​ត្រកូល​រ៉ា​ចា​ប៉ាក់​សេសា​ជាថ្មី​។ បងប្រុស​របស់លោក​ហ្គូ​តា​បា​យ៉ា រ៉ា​ចា​ប៉ាក់​សេ គឺ​លោក​ម៉ា​ហិន​ដា រ៉ា​ចា​ប៉ាក់​សេ​ធ្លាប់​ធ្វើជា​ប្រធានាធិបតី ស្រីលង្កា​ដល់​ទៅ​ពីរ​អាណត្តិ ពី​ឆ្នាំ ២០០៥ ដល់​ឆ្នាំ ២០១៥​។ នៅក្នុង​អាណត្តិ​ដឹកនាំ​របស់​ប្រធានាធិបតី​ដែលជា​បងប្រុស លោក​ហ្គូ​តា​បា​យ៉ា ជា​មេទ័ព ដឹកនាំ ធ្វើសង្គ្រាម បង្ក្រាប​ទាំងស្រុង ពួក​ឧទ្ទាម​ខ្លា​តា​មូល​។​

​នៅក្នុង​យុទ្ធនាការ​ឃោសនាបោះឆ្នោត​កន្លងមក លោក​ហ្គូ​តា​បា​យ៉ា​ធ្លាប់​បានបង្ហាញ​ពី​ក្តី​ប្រាថ្នា ចង់​ឲ្យ​បងប្រុស​គឺ​លោក​ម៉ា​ហិន​ដា រ៉ា​ចា​ប៉ាក់​សេ ដែល​ធ្លាប់​ធ្វើជា​ប្រធានាធិបតី កាន់តំណែង​នាយករដ្ឋមន្ត្រី​។ ទោះបីជា​តំណែង​នាយករដ្ឋមន្ត្រី ត្រូវ​ជ្រើសតាំង​ចេញពី​ការបោះឆ្នោត​សភា នៅ​ឆ្នាំក្រោយ ប៉ុន្តែ ជាមួយនឹង​សំឡេង គាំទ្រ​ខ្លាំង​សព្វថ្ងៃ នេះ គណបក្សប្រឆាំង របស់លោក​ហ្គូ​តា​បា​យ៉ា នឹង​អាច​សម្រេច​មហិច្ឆតា​មួយ ដែល​នឹងធ្វើ​ឲ្យ​ត្រកូល​រ៉ា​ចា​ប៉ាក់​សេ ក្តោប​ក្តាប់​អំណាច​ទាំងស្រុង នៅ​ស្រីលង្កា​។ អាច​ថា អំណាច​ត្រូវ​ចែកចាយ​តែ​រវាង​បងប្អូន​គ្រួសារ​រ៉ា​ចា​ប៉ាក់​សេ​។ បងប្រុស​ធ្លាប់​ធ្វើជា​ប្រធានាធិបតី ត្រូវ​មក​ធ្វើជា​នាយករដ្ឋមន្ត្រី ចំណែក ប្អូនប្រុស ដែល​ធ្លាប់ជា​មេទ័ព ឡើងមក​ធ្វើជា ប្រធានាធិបតី វិញ​តែប៉ុណ្ណោះ​។​

ទី​២ ភាពភ័យខ្លាច​ពី​ការរំលោភ​សិទ្ធិមនុស្ស ហើយ​និង ភាព​តានតឹង​រវាង​សហគមន៍​សាសនា និង​ជនជាតិភាគតិច​នឹង​អាច​ត្រលប់មក​កើតឡើង​វិញ​សាជាថ្មី​។ តាមរយៈ​ការរាប់​សន្លឹកឆ្នោត ថ្ងៃនេះ គេ​ឃើញថា លោក ហ្គូ​តា​បា​យ៉ា ដែលជា​អ្នកនយោបាយ​ជាតិនិយម​បានទទួល​សំឡេងឆ្នោត គាំទ្រ​ច្រើន នៅក្នុង​តំបន់​ដែល​សំបូរ ជនជាតិ​ស្រីលង្កា កាន់សាសនា ព្រះពុទ្ធ​។​​ចំណែក នៅក្នុង​តំបន់​ភាគ​ខាងជើង ដែល​សំបូរ​ប្រជា​ជនតា​មូល ហើយ​និង​ប្រជាជន​កាន់សាសនា​អ៊ីស្លាម លោក​ហ្គូ​តា​បា​យ៉ា ចាញ់​សំឡេង​ដាច់ បើ​ប្រៀបធៀប​នឹង​គូប្រជែង មកពី​គណបក្សកាន់អំណាច​។ ទាំង​ប្រជា​ជនតា​មូល ហើយ​និង​អ្នក​កាន់សាសនា​អ៊ីស្លាម មិន​ប្រាថ្នា​ចង់​ឲ្យ​លោក​ហ្គូ​តា​បា​យ៉ា អ្នកនយោបាយ​ជាតិនិយម ឈ្នះឆ្នោត​នោះទេ ព្រោះថា លោក​ហ្គូ​តា​បា​យ៉ា នេះឯង ធ្លាប់ជា​អ្នក​បាន​ដឹកនាំ​ធ្វើសង្គ្រាម សម្លាប់​ពួក​ឧទ្ទាម​ខា្ល​តា​មូល​កាលពី ១០​ឆ្នាំមុន នៅក្នុង​អាណត្តិ​ដឹកនាំ​របស់លោក​ប្រធានាធិបតី ម៉ា​ហិន​ដា ដែលជា​បងប្រុស​។​សង្គ្រាម​ធ្វើ​ឲ្យ​មាន​ស្លាប់​ប្រជាជន​ស៊ីវិល ១​សែន​នាក់​បាន​ស្លាប់​ដោយ​មិនទាន់​រកបាន​អ្ន​មក​ទទួលខុសត្រូវ​ឡើយ​៕a srey langka1