» ក្រសួងពាណិជ្ជកម្ម​ទម្លាក់​កំហុស​ប្រេង​ឡើង​ថ្លៃថា​មក​ពី​ប្រទេសក្រៅ​! » រដ្ឋមន្ត្រីការបរទេស​ម៉ាឡេស៊ី​ផ្តល់​អនុសាសន៍​ឲ្យ​អាស៊ាន​គិត​ឡើងវិញ​អំពី​គោលនយោបាយ​មិន​ជ្រៀតជ្រែក​កិច្ចការ​ផ្ទៃក្នុង​ » ក្រសួងអប់រំប្រកាសពីការបើក​សាលារៀន​ឡើងវិញ​នា​ថ្ងៃទី​១​វិច្ឆិកា​ខាងមុខ​ » បុរស​ថៅកែ​ហាង​សាំង​មាន​បញ្ហា​លុយកាក់​មិន​ខ្ចី​រក​គ្រូ​ជោគជ័យ​សុខចិត្ត​បាញ់សម្លាប់​ខ្លួន​! » មិនទាន់មាន​ការបើក​ឲ្យ​រៀប​អា​ពា​ហ៍​ពី​ពា​ហ៍​នៅឡើយ​ទេកុំអាលជ្រួសជ្រើម! » មន្ទីរ​ធនធានទឹក​និង​ឧតុនិយម​ខេត្តកំពង់ស្ពឺ​ដឹកនាំ​មន្ត្រី​បច្ចេកទេស បាន​សហការ​ជាមួយ​ទីប្រឹក្សា​ប្រតិបត្តិ​គម្រោង​កសិកម្ម​ធម្មជាតិ​ » គ្រូ​ជោគជ័យ​សៀវ​សុផល​បង្ហាញ​បញ្ជីរ​លុយ​ជំពាក់​គេ និង​ទ្រព្យ​របស់​ខ្ញុង​សុទ្ធតែ​បញ្ចាំ និង​បង់​រំលស់ មេបក្សនយោបាយ​មួយ​ថា​ខុសច្បាប់​ » ចិន​ពង្រាយ​ប្រព័ន្ធ​មី​ស៊ី​ល​សំដៅទៅ​ព្រំដែន​ប្រទេស​ឥណ្ឌា​ » យោធា​មី​យ៉ាន់​ម៉ា​ដោះលែង​អ្នកទោសនយោបាយ​រាប់រយ​នាក់​បន្ទាប់ពី អាស៊ាន​មិន​ឲ្យ​ចូលប្រជុំ​ជាមួយ​ » អ្នកនាង​គ្រ​ត​និង​លោក​ខេ​វិ​ន​ដាក់​១​ម៉ាត់​ម្នាក់​រឿង​នាង​ខ្ញុង​ប្រកាស​សុំ​១​ដុល្លារ​សងបំណុល​ជាង​៥៧​ម៉ឺន​ដុល្លារ​ដែល​ខ្ចី​មក​ស៊ីចាយ​! » ដឹង​មុខ​ហើយ​ជើង​ខ្លាំង កាង​ទីតាំង​សៃ​វៀន​ជល់ មាន់​គ្មាន​ច្បាប់​នៅក្នុង​ស្រុក​បាទី បញ្ជា​អោយ​កូនចៅ​វ៉ៃ​អ្នក កាសែត គឺ ឧកញ៉ា គង់ ចាន់​ដេ​ត ? » នាយ​ឧ​ត្ត​ម​សេនីយ៍ មាស វិ​រិ​ទ្ធ​៖ ទោះ​ជួប​វិបត្តិ​កូ​វីដ​តែ​បណ្តា​រដ្ឋ​អាស៊ាន​ទាំងអស់​នៅ បន្ត​យកចិត្តទុកដាក់​ប្រយុទ្ធប្រឆាំង​គ្រឿងញៀន​ » ស្មូនឆ្នាំង​ប្រឈម​និង​ការ​អស់​ដី​ស្មូន​នាំគ្នា​តវ៉ា​ឲ្យ​អាជ្ញាធរ​ជួយ​ » នាយករដ្ឋមន្ត្រី​ថៃ​៖ អ្នកទេសចរ​ចាក់​វ៉ាក់សាំង​រួចរាល់​មិនចាំបាច់​ឆ្លងកាត់​ការត្រួតពិនិត្យ​សុខាភិបាល​ឬ​ធ្វើ​ច​ត្តា​ឡី​ស័ក​ឡើយ​! » បង្វឹក​ឆ្មាំ​សមុទ្រ​ដើម្បី ជួយសង្គ្រោះ​ពលរដ្ឋ និង​ភ្ញៀវទេសចរ​នៅ​ឆ្នេរ​សមុទ្ទ​ក្រុងព្រះសីហនុ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 4616 នាក់

ម្សិលមិញ 14451 នាក់

សរុប 8049152 នាក់

ភូ​កេ​ត​តំបន់​ទេសចរណ៍​ប្រទេស​ថៃ​ទទួល​អ្នកទេសចរ​បរ​ទេស​ដំបូង

 

​ថៃ​៖​អ្នកទេសចរ​ដំបូង​បាន​ទៅកាន់​ភូ​កេ​ត​ប្រទេស​ថៃ តាម​កម្មវិធី​លើកលែង​ការធ្វើ​ច​ត្តា​ឡី​ស័ក​ពេ​សម្រាប់អ្នកទេសចរ​ដែល​បាន​ចាក់​វ៉ាក់សាំង​រួចរាល់​។ នេះ​ជា​សកម្មភាព​នយោបាយ​ដើម្បី​ដំណើរការ​វិស័យ​ទេសចរណ៍​ឡើងវិញ​នៅក្នុង​ប្រទេស​ថៃ បើទោះបី​នៅមាន​ការឆ្លង​កូ​វីដ​-១៩​កើនឡើង​ខ្ពស់​ក្តី ។​a phou ket 

 អ្នកទេសចរ​២៤៩ នាក់​មកពី​ប្រទេស​អ៊ីស្រាអែល និង​បណ្តា​ប្រទេស​អារ៉ាប់ ក្នុងនោះ​មាន អារ៉ាប់​រួម កាតារ សិង្ហ​បុរី បាន​ចូល​ទៅដល់​ភូ​កេ​ត​នៅ​ថ្ងៃទី​១​ខែកក្កដា​។ ជាមួយគ្នា​ន​នេះដែរ ក្រុមហ៊ុន​អាកាសចរណ៍ Etihad Airways មាន​អ្នកទេសចរ​២៥​នាក់​ក៏បាន​មកកាន់​ភូ​កេ​ត​ផងដែរ​។​​មជ្ឈមណ្ឌល​ទប់ស្កាត់​កូ​វីដ​-១៩ របស់​ថៃ​CCSA បានឱ្យដឹងថា វិធានការ​តឹងតែង​បំផុត​ត្រូវបាន​អនុវត្ត​ក្នុងពេល​បើកទ្វារ​ទេសច​រណ៍​ភូ​កេ​ត ដើម្បី​ធានា​មិនមាន​ការឆ្លង​កូ​វីដ​-១៩​។ មុនពេល​ឡើង​យន្តហោះ ទៅកាន់​ប្រទេស​ថៃ អ្នកទេសចរ​ត្រូវតែមាន​លិខិត​ផ្ទាល់ខ្លួន​ដល់​ទៅ​៥​ប្រភេទ ពិសេស​គឺ​លិ​ចិត​បញ្ជាក់​អវិជ្ជមាន​កូ​វីដ​ក្នុង​រយៈពេល​៧២​ម៉ោង និង​លិខិតធានា​រ៉ាប់រង​កូ​វីដ​-១៩​មានតម្លៃ​១​សែន​ដុល្លារ និង​លិខិត​ទទួលស្គាល់​ពី​ការចាក់​វ៉ាក់សាំង​រួចរាល់ យ៉ាងតិច​១៤​ថ្ងៃ​។​

​ពេលមកដល់ ពួកគេ​ពុំមាន​កាតព្វកិច្ច​ធ្វើ​ច​ត្តា​ឡី​ស័ក​ទេ ក៏ប៉ុន្តែ គឺ​ត្រូវ​នៅលើ​កោះ​ភូ​កេ​ត​នេះ រយៈពេល​យ៉ាងហោច​១៤​ថ្ងៃ​សិន មុននឹង​អាចធ្វើ​ដំណើរ ទៅ​ទីកន្លែង​ផ្សេងទៀត នៅក្នុង​ប្រទេស​ថៃ​។ ក្នុងអំឡុងពេល​ស្នាក់​នៅលើ​កោះ​ភូ​កេ​ត ភ្ញៀវ​ទេសចរណ៍​ត្រូវធ្វើ​តេស្ត (PCR) រក​កូ​វីដ ចំនួន​៣​ដង​។ មួយវិញទៀត មិនមែន​គ្រប់​ភ្ញៀវ​ទេសចរណ៍​បរទេស សុទ្ធតែ​អាចមក​បានទេ គឺ​បានតែ​ជនបរទេស ដែល​មកពី​ប្រទេស​ចំនួន​៦៦​ប្រទេស​តែប៉ុណ្ណោះ ដែល​រដ្ឋាភិបាល​ថៃ ចាត់ទុកថា គ្មាន​ស្ថានភាព​ធ្ងន់ធ្ងរ ទាក់ទិន​នឹង​បញ្ហា​កូ​វីដ​។​

​គួរ​បញ្ជាក់ថា វិស័យ​ទេសចរណ៍ មាន​ចំណែក​១​ភាគ​៥​នៃ​ទំហំ​សេដ្ឋកិច្ច​ថៃ​។ មុន​មាន​វិបត្តិ​កូ​វីដ​១៩ មាន​ទេសចរណ៍​បរទេស​ចំនួន​ប្រមាណ​៤០​លាន​នាក់ មកលេង​នៅ​ថៃ ជា​រៀងរាល់ឆ្នាំ​។ នៅ​ភូ​កេ​ត ក៏ដូចជា​នៅ​តំបន់​ទេសចរណ៍​ល្បីៗ​ផ្សេងទៀត ៩០%​នៃ​សណ្ឋាគារ ហាង​ទំនិញ​ត្រូវ​បិទទ្វារ ហើយ​ជាពិសេស​នោះ អ្នកលក់ដូរ​តូចតាច បាន​បាត់បង់​ចំណូល​ទាំងស្រុង​។ តាម​ការគ្រោងទុក រដ្ឋាភិបាល​ថៃ នឹង​អនុវត្ត​វិធាន​ការបើក​ទ​ទួ​ក​ភ្ញៀវ​ទេសចរណ៍​បរទេស នៅ​កោះ​សាមុយ ក្នុង​រវាង​ខែកក្កដា​នេះដែរ ដោយ​អនុវត្ត​លក្ខខណ្ឌ​ប្រហាក់ប្រហែលគ្នា ទៅនឹង​កោះ​ភូ​កេ​ត​។​

​លោក កុង​សាក់ ឃូ​ភុង​សា​កន ប្រធាន​សមាគម​ក្រុម​សណ្ឋាគារ​ភាគខាងត្បូង​ប្រទេស​ថៃ បាន​លើកឡើងថា លក្ខខណ្ឌ​ទាំងអស់នេះ តឹងតែង​ពេក​ណាស់ ដែល​ធ្វើ​ឲ្យ​គ្មាន​ទេសចរណ៍​ណា​ហ៊ាន​មក​ទេ​។ ប្រសិនបើ​នៅ​ខែតុលា រដ្ឋាភិបាល​មិន​ដកចេញ នូវ​ការ​លក្ខខណ្ឌ​ទាំងនេះ​ទេ រដូវ​កាល​ទេសចរណ៍​ថ្មី​នេះ នឹងត្រូវ​ឆាចោល​ទៀតហើយ ហើយ​សណ្ឋាគារ​ភាគច្រើន ប្រាកដជា​ត្រូវ​រលំ បិទទ្វារ​ជា​រៀងរហូត​៕