វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7282 នាក់
ម្សិលមិញ 8227 នាក់
សរុប 14134163 នាក់
ណូវែហ្សេឡង់៖ មនុស្ស ៤៩នាក់បានស្លាប់ និងមាន ២០នាក់ទៀត រងរបួសដោយសារខ្មាន់កាំភ្លើងបាញ់ប្រហារ នៅវិហារអ៊ីស្លាមចំនួនពីរកន្លែងនៅ Christchurch ប្រទេស នូវែលសេឡង់ ។ នេះបើតាមសារព័ត៌មាន BBC នៅល្ងាចថ្ងៃទី១៥ ខែមីនា ឆ្នាំ២០១៩បានឲ្យដឹង។
ការវាយប្រហារនេះដែល បានកើតឡើង នៅពេលដែលមនុស្សម្នាបាននាំគ្នាចូលរួមវិហារអ៊ីស្លាម សម្រាប់ការអធិស្ឋានថ្ងៃសុក្រ គឺជារឿងស្លាប់ដ៏ច្រើនបំផុតនៅក្នុងប្រវត្តិសាស្ត្រ របស់ប្រទេសនេះ។លោកស្រី Jacinda Ardernនាយករដ្ឋមន្ត្រីនូវែលសេឡង់ បានចាត់ទុកអពើរនេះជាថ្ងៃមួយដ៏ខ្មៅងងឹតបំផុតរបស់នូវែលសេឡង់។ស្នងការប៉ូលិសលោក Mike Bush បាននិយាយថា បុរសម្នាក់ដែលមានអាយុប្រហែលជាង ២០ឆ្នាំ ត្រូវបានគេចោទប្រកាន់ពីបទ ឃាតកម្មហើយ នឹងត្រូវបង្ហាញខ្លួននៅក្នុងតុលាការនៅព្រឹកថ្ងៃសៅរ៍នេះ។
ចូលរួមចែករំលែក ចំពោះហេតុការណ៍បាញ់សម្លាប់ នៅវិហារឥស្លាម Al Noor និងLinwood នៅក្នុងទីក្រុង Christchurch ប្រទេសណូវែលហ្សេឡង់ នៅថ្ងៃ សុក្រ ទី១៥ ខែមីនា ឆ្នាំ ២០១៩នេះ ដែលបណ្ដាលឲ្យ ប្រជាជនជាច្រើននាក់ស្លាប់និងរងរបួសកម្ពុជាបានបញ្ជាក់ពីជំហរប្រឆាំងភេរវកម្ម។សេចក្តីថ្លែងការណ៍របស់ ក្រសួងការបរទេស និងសហប្រតិបត្តិការអន្តរជាតិបញ្ជាក់ថា “យើងខ្ញុំសូមសម្តែងនូវសមាន ចិត្តអាណិតអាសូរ និងចូលរួមរំលែកទុក្ខយ៉ាងក្រៀមក្រំបំផុត ចំពោះជនរងគ្រោះ និងអ្នកជាទីស្រឡាញ់របស់ពួកគេ។
យើងសូមរួមសាមគ្គីជាមួយរដ្ឋាភិបាល និងប្រជាជន ណូវែលហ្សេឡង់ ក្នុងអំឡុងពេល ដ៏សោកនាដកម្មនេះ ដើម្បីផ្តល់នូវការធានាអះអាងខ្ពស់បំផុតចំពោះ សុវត្ថិភាពជូនជនស្លូតត្រង់ ទាំងពលរដ្ឋណូវែលហ្សេឡង់ និងសមាជិកសហគមន៍កម្ពុជា នៅទូទាំងប្រទេសណូវែលហ្សេឡង់។យើងខ្ញុំសូមបញ្ជាក់ ជាថ្មីម្តងទៀត អំពីការប្តេជ្ញាចិត្តឥតងាករេរបស់យើង ក្នុងការប្រយុទ្ធប្រឆាំងនឹងអំពើ ភេរវកម្មគ្រប់ទម្រង់ និងរូបភាពទាំងអស់”៕