វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 502 នាក់
ម្សិលមិញ 6359 នាក់
សរុប 14087135 នាក់
តួគី៖ លោក អឺដូហ្កាន់ប្រធានាធិបតីប្រទេសតួកគី បានឱ្យកាសែតដឹង ថា លោកបានចែករំលែកខ្សែអាត់សំឡេងដែល អាចបញ្ជាក់ពីការស្លាប់របស់អ្នកកាសែត លោកជេមាលកាស្សូហ្គី( Jamal Khashoggi) ឱ្យទៅប្រទេសបារាំង អាល្លឺម៉ង់ អារ៉ាប៊ីសាអូឌីត អង់គ្លេស និងសហរដ្ឋអាមេរិក រួចរាល់អស់ហើយ។ នេះបើតាម ព័ត៌មាន BBC ចេញផ្សាយនៅថ្ងៃសៅរ៍ ទី១០ ខែវិច្ឆិកា ឆ្នាំ២០១៨។
បើតាមទូរទស្សន៍CNNបានឲ្យដឹងថាសម្លេងនេះគឺថតបានពីនាឡិការដែលលោកជេមកាស្សូហ្គី( Jamal Khashoggi)ពាក់ពេលចូលទៅស្ថានកុងស៊ុលហើយភ្ជាប់មកទូរសព្ទ័ជាមួយសង្សារគាត់ដែលនៅចាំនៅផ្ទះខាងក្រៅ។
លោក អឺដូហា្កន់ ក៏បានបញ្ជាក់ ថា អារ៉ាប៊ីសាអូឌីតដឹងយ៉ាងច្បាស់ថានរណាជាអ្នកសម្លាប់លោកជេមកាស្សូហ្គី( Jamal Khashoggi) ។ ទន្ទឹមគ្នានេះដែរ ប៉ូលិសតួគីត្រូវបានគេរាយការណ៍ថា កំពុងបិទបញ្ចប់ការស្វែងរកសាកសពអ្នកកាសែតជាតិអារ៉ាប៊ីសាអូឌីតរូបនេះ ហើយ ទោះជាសាកសពរបស់លោកមិនទាន់ត្រូវបានគេរកឃើញនៅឡើយទេ។ប៉ុន្តែបើតាមសារពត៍មានបានរាយការណ៍ថាសពលោកជេមាលកាស្សូហ្គី( Jamal Khashoggi)ដែលជឿថាសម្លាប់ដោយរឹតកត្រូវបានកាត់គំទេចជាកង់ៗនាំយកចេញពីស្ថានកុងស៊ុលទៅរំលាយចោលដោយទឹកអាស៊ីតនៅខាងក្រៅ។
គួរបញ្ជាក់ថា លោកកាស្សូហ្គី( Khashoggi )ជាអ្នកសារព័ត៌មានមកពីកាសែតអាមេរិក Washington Post និងជាអ្នករិះគន់ការដឹកនាំ បច្ចប្បន្នរបស់ព្រះអង្គម្ចាស់រាជ្ជទាយាតអារ៉ាប៊ីសាអូឌីត មហាម៉ាត់ ប៊ិនសាល់ម៉ាន។ លោកត្រូវគេសម្លាប់នៅក្នុងស្ថានកុងស៊ុល អារ៉ាប៊ីសាអូឌីតប្រចាំទីក្រុងអ៊ីស្ដង់ប៊ូល ប្រទេសតួកគីកាលពីថ្ងៃទី០២ ខែតុលា។ ទីក្រុងរីយ៉ាដមុនដំបូងបដិសេធតែក្រោយមក ក៏បានទទួលស្គាល់ពីមរណភាព របស់លោកដែរ តែបានបដិសេធថាអំពើឃាតកម្មនេះមិនមានជាប់ពាក់ព័ន្ធនឹងរាជ្សវង្សអារ៉ាប៊ីសាអូឌីតនោះទេ៕