វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6856 នាក់
ម្សិលមិញ 8227 នាក់
សរុប 14133737 នាក់
ភ្នំពេញ៖ពលរដ្ឋ និងនិស្សិតមានគ្នា ៧៦នាក់ដែលកំពុងជាប់គាំងនៅប្រទេសឥណ្ឌាដែលល្បីខាងឆ្លងកូវីត នឹងត្រូវធ្វើដំណើរទៅដល់អាកាសយានដ្ឋានអន្តរជាតិ ភ្នំពេញនៅថ្ងៃទី ២៥ ខែមិថុនា តាមជើងយន្តហោះពិសេសអាកាសចរណ៍ឥណ្ឌាលេខ AI 1304 ។
សេចក្តីជូនដំណឹងរបស់ស្ថានឯកអគ្គរាជទូតនៃព្រះរាជាណាចក្រកម្ពុជាប្រចាំប្រទេសឥណ្ឌា នៅថ្ងៃទី២៣ខែមិថុនាបានឲ្យដឹងថាយោងតាមការសំរេចរបស់រាជរដ្ឋាភិបាល ស្ថានឯកអគ្គរាជទូតកម្ពុជា បានសម្របសម្រួលជាមួយអាជ្ញាធរឥណ្ឌា ដើម្បីធ្វើមាតុភូមិនិវត្តន៍ពលរដ្ឋ និង និស្សិតខ្មែរចំនួន ៧៦ នាក់ ដែលជាប់គាំងនៅប្រទេសឥណ្ឌា ។
ពលរដ្ឋ និងនិស្សិតទាំង ៧៦ នាក់នេះ នឹងត្រូវធ្វើដំណើរទៅដល់អាកាសយានដ្ឋានអន្តរជាតិ ភ្នំពេញ តាមជើងយន្តហោះពិសេសអាកាសចរណ៍ឥណ្ឌាលេខ AI 1304 នៅថ្ងៃទី ២៥ ខែមិថុនា ឆ្នាំ ២០២១ វេលាម៉ោង ១៤:២០ (ម៉ោងនៅកម្ពុជា)។ ក្នុងការចេញដំណើរនេះក៏នឹងមានមន្ត្រីស្ថានទូតទទួលបន្ទុកផ្នែកការងារកុងស៊ុលជួយសំរួល និងជូនដំណើរទៅព្រលានយន្តហោះ អន្តរជាតិឥន្ទ្រាគន្ធ (Indira Gandhi International Airport) ក្រុងញូដែលី ដែរ ។
សូមជម្រាបជូនសាធារណជនមេត្តាជ្រាបថា ចាប់តាំងពីការរីករាលដាលនៃជំងឺ Covid-19 នៅ ឆ្នាំ ២០២០ ស្ថានឯកអគ្គរាជទូតនៃព្រះរាជាណាចក្រកម្ពុជាប្រចាំសាធារណរដ្ឋឥណ្ឌា បានយកចិត្តទុកដាក់ ធ្វើការសម្របសម្រួលប្រគេន និងជូនព្រះសង្ឃ ពលរដ្ឋ និងនិស្សិតខ្មែរនៅប្រទេស ឥណ្ឌា នេប៉ាល់ ប៉ាគីស្ថាន ស្រីលង្កា និងបង់ក្លាដេស ចំនួន ២១៧ អង្គ/នាក់ ៕