ស្រីស្អាតម្នាក់សំងំព្យាបាលកូវីដខ្លួនឯងនៅផ្ទះ លទ្ធផលបើកុំតែដាក់អុកស៊ីសែនទាន់!
06-June-2026 / សុខភាពនិងកីឡា
ភ្នំពេញ៖ កាលពីពេលថ្មីៗនេះ តាមរយៈគណនីហ្វេសប៊ុក ឈ្មោះថា Sodenyta Nuon បានឲ្យដឹងថានាងបានឆ្លងកូវីដ១៩ ប៉ុន្តែនាងមិនបានស្វែងរកការព្យាលនៅក្រៅឬមន្ទីរពេទ្យឡើយ ដោយរូបនាងសុខចិត្តទ្រាំសំងំព្យាបាលនៅផ្ទះ ដោយសារ គិតថាវាមិនអី ។ តែចុងក្រោយ ត្រូវដាក់អុកស៊ីសែនតាមរថយន្តសាមុយបញ្ជូនទៅព្យាបាលនៅមន្ទីរពេទ្យ។
តាមរយៈហ្វេសប៊ុកស្ត្រីក្មេងកំរឹតហាយសូម្នាក់នេះ បានសរសេររៀបរាប់ ថា៖ដោយសារមានប្រអប់សារសួរសុខទុក្ខច្រើនខ្ញុំឆ្លើយមិនអស់ទេចឹងសុំឆ្លេីយជារួមនៅទីនេះ។ ខ្ញុំឈឺកូវីដ ១៣ថ្ងៃហើយថ្ងៃទី១ដល់ថ្ងៃទី១០ខ្ញុំបានស៊ូនឹងវានៅផ្ទះស៊ូឡេីងលែងទៅមុខដល់យប់ថ្ងៃពុធកណ្តាលអាឬ្រាតខ្ញុំស៊ូមិនបានទៀតទេខ្ញុំធ្វេីទុក្ខខ្លាំងណាស់ដង្ហក់ដកដង្ហេីមមិនដល់គ្នាខ្លាំងដល់ថ្នាក់ផ្តាំលាប្តីក៏មានវាកើតមកចឹងយូរថ្ងៃដែរហើយតែខ្ញុំចេះតែទ្រាំទៅនឹកឃេីគេថាយេីងក្មេងចឹងតែពីរអាទិត្យអីធូរហេីយ។
រហូតដាច់ចិត្តខលហៅambulance ប៉ិមិនទាន់គេដាក់អុកស៊ីហ្សែនអោយរហូតតាំងពីក្នុងឡានមកដល់ពេទ្យគេមេីលយេីងគ្រប់មុខតាមផ្នែកក្នុងខ្លួនទាំងអស់គឺឃើញថាខ្ញុំរលាកសួតធ្ងន់ធ្ងរ( lungebetændelse af covid )នឹងសំពាធឈាមចុះខ្លាំងឡូវខ្ញុំបាននៅពេទ្យពីរយប់ពីរថ្ងៃហើយអាករះល្អជាងនៅផ្ទះច្រើនមិនសូវធ្វេីទុក្ខដូចនៅផ្ទះតែខ្ញុំមិនអាចអត់អុកសុីហ្សែនបានទេសូម្បីតែចូលបន្ទប់ទឹកគឺរូបទីបីមានពីរសំរាប់នៅលេីគ្រែនឹងមួយទៀតយួរតាមខ្លួន ហើយបើម្ជុលវិញចាក់សុះសាច់អស់ហើយ។ឥឡូវខ្ញុំបានធូរច្រេីនហេីយប្រហែល៣០ទៅ៤០%ហេីយសង្ឃឹមថាបានទៅជួបគ្រួសារវិញឆាប់ៗ។ ហើយអរគុណប៉ាម៉ាក់បងប្អូនញាតិមិត្តទាំងអស់ដែរបានបារម្ភនឹងសួរសុខទុក្ខរហូត។ អ្នកទាំងអស់គ្នាជាកម្លាំងចិត្តដ៏ធំឲ្យខ្ញុំស៊ូតតាំងនឹងជំងឺនេះ។
ព្រឹត្តិការណ៍សហគមន៍ ២០ ជាព្រឹត្តិការណ៍នៃការផ្ទុះករណីឆ្លងទ្រង់ទ្រាយធំជាងគេ នៅក្នុងប្រទេសកម្ពុជា ដែលពុំទាន់មានការថយថមស្រាកស្រាន្តនៅឡើយទេមកដល់ពេលនេះ ក្នុងនោះដែរ គេសង្កេតឃើញថា មានទាំងមនុស្សចាស់ វ័យកណ្តាល ក្មេង កុមារា និង កុមារី សុទ្ធតែបានឆ្លងជំងឺដ៏កាចសាហាវមួយនេះ។ នៅថ្ងៃទី២១ ខែមិថុនា ឆ្នាំ២០២១ នេះ ក្រសួងសុខាភិបាល បានចេញសេចក្តីជូនដំណឹងឲ្យដឹងថា ប្រទេសកម្ពុជា រកឃើញករណីឆ្លងជំងឺកូវីដ១៩ថ្មី ៧៣៥ចំនួន នាក់បន្ថែមទៀត ខណៈមានអ្នកជាសះស្បើយចំនួន៥១៤នាក់ចំចំណែកអ្នកស្លាប់កើនដល់ជាង៤០០នាក់ទៅហើយតាំងពី២០កម្ភៈមក។
ដោយសារតែចំនួនអ្នកឆ្លងច្រើន ហើយក្រសួងសុខាភិបាល បានកំណត់ឱ្យអ្នកឆ្លងកម្រិតស្រាល អាចធ្វើការព្យាបាលនៅផ្ទះរបស់ខ្លួនឯងបាន ប្រសិនបើពុំមានករណីអាសន្ន ឬធ្ងន់ធ្ងរនោះទេ។ ជាក់ស្តែងនៅថ្ងៃទី២០ ខែមិថុនា ឆ្នាំ២០២១នេះក្រសួងសុខាភិបាល បានប្រកាសសម្រេចឱ្យដាក់ប្រើនីតិវិធីប្រតិបត្តិស្តង់ដារសម្រាប់គ្រប់គ្រង ថែទាំ និងព្យាបាលអ្នកជំងឺកូវីដ១៩ កម្រិតស្រាល និងគ្មានរោគសញ្ញានៅតាមផ្ទះ ដែលជាឧបសម្ព័ន្ធនៃប្រកាសនេះ ជាជំហានដំបូងក្នុងភូមិសាស្ត្ររាជធានីភ្នំពេញ។ក្នុងនោះដែរ ចំពោះការដាក់ឱ្យដំណើរការការព្យាបាលអ្នកជំងឺកូវីដ១៩ កម្រិតស្រាល និងរោគគ្មានសញ្ញានៅតាមផ្ទះសម្រាប់ភូមិសាស្ត្រខេត្តផ្សេងទៀត ត្រូវកំណត់ដោយប្រកាសរបស់ក្រសួងសុខាភិបាល នៅពេលក្រោយ ផ្អែកតាមកម្រិតនៃការឆ្លងរាលដាលនៃជំងឺកូវីដ១៩ ក្នុងភូមិសាស្ត្រនីមួយៗ៕
