វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 74 នាក់
ម្សិលមិញ 5168 នាក់
សរុប 16012208 នាក់
ខេត្តត្បូងឃ្មុំ៖ សម្តេចអគ្គមហាពញាចក្រី ហេង សំរិន ប្រធានកិត្តិយស នៃក្រុមឧត្តមប្រឹក្សាផ្ទាល់ព្រះមហាក្សត្រ បានអំពាវនាវដល់ប្រជាពលរដ្ឋ លោកគ្រូ អ្នកគ្រូ ត្រូវចូលរួមជាមួយអាជ្ញាធរមូលដ្ឋាន និងកងកម្លាំងមានសមត្ថកិច្ច លុបបំបាត់អំពើអបាយមុខគ្រប់ប្រភេទ មានដូចជា ល្បែងស៊ីសងគ្រប់ទម្រង់ គ្រឿងញៀន អសន្តិសុខសង្គម និងក្រុមក្មេងស្ទាវ ជាដើម។
ក្នុងពិធីសម្ពោធដាក់ឱ្យប្រើប្រាស់អគារសិក្សាថ្មីមួយខ្នង កម្ពស់២ជាន់ មាន១៧បន្ទប់ នៅវិទ្យាល័យ ហេង សំរិន ចក ស្ថិតក្នុងឃុំចក ស្រុកអូររាំងឪ ខេត្តត្បូងឃ្មុំ នៅថ្ងៃទី១៨ ខែមករា ឆ្នាំ២០២៥ ដែលមានការអញ្ជើញចូលរួមពីសមាជិកសមាជិការ ព្រឹទ្ធសភា រដ្ឋសភា រាជរដ្ឋាភិបាល អាជ្ញាធរមូលដ្ឋាន សិស្សានុសិស្ស កងកម្លាំងប្រដាប់អាវុធ និងប្រជាពលរដ្ឋសរុបប្រមាណ ៤ពាន់នាក់សម្តេចអគ្គមហាពញាចក្រី បានកោតសរសើរចំពោះ លោក អ៊ាង សុផល្លែត រដ្ឋមន្ត្រីក្រសួងបរិស្ថាន និងលោកស្រី ដែលបានផ្តួចផ្តើមកសាងអគារសិក្សាដ៏ទំនើប និងស្រស់ស្អាតនេះឡើង ដើម្បីបំពេញតម្រូវការសិក្សារបស់សិស្សានុសិស្ស ព្រមទាំងរួមចំណែកអភិវឌ្ឍធនធានមនុស្ស ដែលជាវិស័យអាទិភាពមួយរបស់រាជរដ្ឋាភិបាល។
សម្តេចហេងសំរិនដែលគេដឹងថាជាប្រធានរណសិរ្សសាមគ្គីសង្គ្រោះជាតិនិងជាប្រធានរដ្ឋនៃរបបសាធារណរដ្ឋប្រជាមានិតកម្ពុជាក្រោយមករដ្ឋកម្ពុជាកាលពី៤០ប្លាយឆ្នាំមុននិងជាអតីតប្រធានរដ្ឋសភាបានណែនាំ ដល់មន្ត្រីរាជការ លោកគ្រូ អ្នកគ្រូ ប្រជាពលរដ្ឋ និងយុវជនគ្រប់រូប ឱ្យបន្តផ្សព្វផ្សាយកម្មវិធីអប់រំ សុខភាព សីលធម៌ និងគុណធម៌ ឱ្យបានទូលំទូលាយ និងបង្កើតស្មារតីស្រឡាញ់បរិស្ថានធម្មជាតិ។ មាតាបិតាគ្រប់រូប ត្រូវបញ្ជូនកូនគ្រប់អាយុ ឱ្យបានចូលសាលារៀនគ្រប់ៗគ្នា, អាជ្ញាធរមូលដ្ឋានត្រូវយកចិត្តទុកដាក់ គិតគូរដល់ពលរដ្ឋគ្រប់កាលៈទេសៈ និងបម្រើសេវាមូលដ្ឋាន និងសេវាចាំបាច់នានា ប្រកដោយប្រសិទ្ធភាព តម្លាភាព និងស្មោះត្រង់៕