វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4038 នាក់
ម្សិលមិញ 5467 នាក់
សរុប 14163615 នាក់
ភ្នំពេញ៖ដោយសាតែមេគុកស្រុកខ្មែរនិងប្រពន្ធកូនចៅម៉ាពូជរបស់លោកឧត្តមសេនីយ៍ឆែមសាវុធមានផ្ទុកវិរុសកូវិត១៩ដែលភាសាការទូតហៅថាព្រឹត្តិការណ៍២៨វិច្ឆិកាក្រៅពីមន្ត្រីជាន់ខ្ពស់ដែលរួមមានសម្តេចក្រឡាហោមសខេងរដ្ឋឧបនាយករដ្ឋមន្ត្រីនិងអ្នកក្រោមឱវាទផ្សេងដែលបារម្ភពីការឆ្លងនៅរដ្ឋសភាកម្ពុជាក៏មានការជ្រួលច្របល់ដែរ។
ជាក់ស្តែងនៅថ្ងៃទី៣០វិច្ឆិកាលេខាធិការដ្ឋានរដ្ឋសភាជាតិ បានធ្វើលិខិតគោរពជូនរដ្ឋមន្ត្រីសុខាភិបាល ដើម្បីពិចារណា និងមានវិធានការចំពោះតំណាងរាស្ត្រ និងមន្ត្រីរាជការរដ្ឋភា ដែលមានជាប់ពាក់ព័ន្ធឯកឧត្តមតំណាងរាស្ត្រ ខេត្តស្ទឹងត្រែងឡូយ សុផាត ដែលបានពាក់ព័ន្ធផ្ទាល់ជាមួយ លោកឆែម សាវុធ កំពុងមានជំងឺកូវីដ១៩។ យោងតាមលិខិតដែល កាសែតទទួលបាន គឺមានរាយឈ្មោះថ្មាក់ដឹកនាំសម្តេច ហេង សំរិន ប្រធានរដ្ឋសភា អនុប្រធាន តំណាងរាស្ត្រ និងមន្ត្រីរដ្ឋសភាសរុប ៦៦នាក់។
សម្តេចពញាចក្រី ហេង សំរិន ប្រធានរដ្ឋសភា បានថ្លែងថ្លែងឲ្យដឹងថា៖ថ្នាក់ដឹកនាំរដ្ឋសភា និងសមាជិក សមាជិការដ្ឋសភា ព្រមទាំងមន្ត្រីរាជការ នៃអគ្គលេខាធិការដ្ឋានរដ្ឋសភាមួយចំនួន បានជាប់ទាក់ទងដោយប្រយោលនឹងករណីនេះ នៅពេលហូបអាហារថ្ងៃត្រង់ជាមួយគ្នា ក្រោយពេលសម្រាកសម័យប្រជុំរដ្ឋសភា នាព្រឹកថ្ងៃទី២៥ ខែវិច្ឆិកា ឆ្នាំ២០២០ មានការចូលរួមរបស់ឯកឧត្តម ឡូយ សុផាត តំណាងរាស្ត្រ ដែលបានពាក់ព័ន្ធជាមួយ ឯកឧត្តម ឆែម សាវុធ អគ្គនាយកពន្ធនាគារនៃក្រសួងមហាផ្ទៃ ។
“អាស្រ័យដូច្នេះ ដើម្បីចូលរួមទប់ស្កាត់ការឆ្លងរាលដាលនៃជំងឺកូវីដ-១៩នេះ ខ្ញុំនិងភរិយា ព្រមទាំងអ្នកពាក់ព័ន្ធនៅក្នុងគ្រួសារខាងលើ បានអនុវត្តវិធានការចត្តាឡីស័ក រយៈពេល១៤ថ្ងៃ ហើយខ្ញុំនិងភរិយាបានធ្វើចត្តាឡីស័កនៅក្នុងគេហដ្ឋានរបស់ខ្ញុំផ្ទាល់ ចាប់ពីថ្ងៃទី២៨វិច្ឆិកាមក” សម្តេចហេង សំរិន បានថ្លែងយ៉ាងដូច្នេះ។