ទាហានឈុតខ្មៅថៃដើរល្បាតតាមព្រំដែនក្នុងដីខ្មែរយ៉ាងគឃ្លើន តែទាហានខ្មែរបែរជាហាមពលរដ្ឋខ្មែរកុំបង្ហោះព័ត៌មានឬ Videos ស្តីពីសកម្មភាពរបស់ទាហានថៃទៅវិញ !?

សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ជាច្រើនទៀត

ចំនួនអ្នកទស្សនា

ថ្ងៃនេះ 3551 នាក់

ម្សិលមិញ 6677 នាក់

សរុប 14151127 នាក់

ប៉ូលិសហុងកុងឆ្មក់ចូលការិយាល័យកាសែតគាំទ្រលទ្ធិប្រជាធិបតេយ្យ ចាប់ខ្លួនមនុស្ស ៥នាក់

03-April-2024 / ព័ត៌មានអន្តរជាតិ

ចិនហុងកុង៖ប៉ូលិសក្រុងហុងកុងប្រហែល ៥០០នាក់នៅថ្ងៃព្រហស្បតិ៍នេះ បានសម្រុកចូលការិយាល័យកាសែតគាំទ្រលទ្ធិប្រជាធិបតេយ្យ Apple Daily ក្រោមលេសថារបស់កាសែតមួយនេះបានបំពានច្បាប់សន្តិសុខជាតិថ្មីដែលចិនដីគោកដាក់ឲ្យប្រើនៅហុងកុង។ a china kong

និពន្ធនាយក និងនាយកប្រតិបត្តិ ៤នាក់ផ្សេងទៀតរបស់កាសែតត្រូវបានប៉ូលិសចាប់ខ្លួននៅក្នុងផ្ទះរបស់ពួកគេ និងបានបង្កកទ្រព្យសម្បត្តិប្រហែល ២លាន៣សែនដុល្លារអាមេរិកដែលជាកម្មសិទ្ធិរបស់ក្រុមហ៊ុនចំនួន៣ ដែលមានទំនាក់ទំនងជាមួយកាសែតនេះ។ប៉ូលិសមិនបានបញ្ចេញឈ្មោះអ្នកដែលត្រូវបានចាប់ខ្លួនទេ ប៉ុន្តែ ត្រូវចោទពីបទ «ស៊ុមគ្រលុំជាមួយបរទេស ឬកម្លាំងខាងក្រៅដើម្បីបង្កគ្រោះថ្នាក់ដល់សន្តិសុខជាតិ»។

តែបើតាមកាសែតឲ្យដឹងថា ភាគច្រើននៃថ្នាក់ដឹកនាំកាសែត គឺត្រូវបាននគរបាលហុងកុង ចុះទៅចាប់ខ្លួនដល់ផ្ទះ រួចហើយបញ្ជូនខ្លួនមកកាន់ទីស្នាក់ការកាសែត នៅវេលាម៉ោង៧ព្រឹក។ យោងតាមវីដេអូផ្សាយផ្ទាល់តាមបណ្តាញហ្វេសបុក កាសែត Apple Daily គេឃើញសមត្ថកិច្ចហុងកុងជាច្រើននាក់ បានដាក់ព័ទ្ធខ្សែសន្តិសុខ ជុំវិញអាគារទីស្នាក់ការកាសែត ខណៈដែលសមត្ថកិច្ចខ្លះទៀត ចុះទៅរឹបអូសឯកសារ និងពិនិត្យម៉ាស៊ីនកុំព្យូទ័ររបស់អ្នកកាសែត។

លោក Ryan Law និពន្ធនាយក និងលោក Cheung Kim-hung អគ្គនាយកកាសែត Apple Daily ត្រូវបានគេបញ្ជូនខ្លួនចូលទៅទីស្នាក់ការកាសែត ដោយដៃជាប់ចំណង ព័ទ្ធមកក្រោយខ្នង។ បណ្តាញព័ត៌មានអនឡាញហុងកុងមួយទៀត ឈ្មោះ Stand News បានចុះផ្សាយរូបថត បង្ហាញពីទ្វារផ្ទះរបស់លោក Chan Pui-man ដៃស្តាំរបស់លោក ជីមី ឡៃ ត្រូវនគរបាលហុងកុងវាយកំទេច ដើម្បីសំរុកចូលទៅចាប់ខ្លួន។

គួរបញ្ជាក់ថា លោកជីមី ឡៃ មហាសេដ្ឋីនិងជាម្ចាស់ក្រុមហ៊ុនកាសែត Apple Daily កំពុងស្ថិតនៅក្នុងឃុំ រងចាំការកាត់ទោស។ កាសែត Apple Daily របស់លោក បានបង្ហាញជំហរ គាំទ្រចលនាទាមទារលទ្ធិប្រជាធិបតេយ្យ របស់យុវជនហុងកុង ដែលការណ៍នេះ បានធ្វើឲ្យកាសែតនេះ ក្លាយជាសត្រូវធំមួយ របស់រដ្ឋបាលហុងកុង.។កាសែតនេះត្រូវបានគេដឹងថាតែងតែរិះគន់ការដឹកនាំរបស់ចិនដីគោក។

នៅក្នុងសន្និសីទសារព័ត៌មាន ប៉ូលិសបានប្រកាសថា ចាប់តាំងពីឆ្នាំ២០១៩ មក កាសែត Apple Daily បានចុះផ្សាយអត្ថបទជាង ៣០ដែលបានអំពាវនាវឱ្យប្រទេសនានាដាក់ទណ្ឌកម្មលើទីក្រុងហុងកុង និងចិនដីគោក។នេះជាការឆ្មក់ចូលឆែកឆេរការិយាល័យកាសែត Apple Daily ជាលើកទី២ហើយក្នុងរយៈពេលដល់មួយឆ្នាំផង។ ការឆ្មក់ចូលឆែកឆេរលើកមុនកើតឡើងក្នុងខែសីហាដែលនៅពេលនោះ មនុស្សចំនួន ១០នាក់ត្រូវបានចាប់ខ្លួន។គួរកត់សម្គាល់ថា ក្រុមសកម្មជនគាំទ្រលទ្ធិប្រជាធិបតេយ្យលេចធ្លោរាប់សិបនាក់ត្រូវបានចាប់ខ្លួនចាប់តាំងពីច្បាប់សន្តិសុខជាតិត្រូវបានដាក់ឲ្យអនុវត្តក្នុងទីក្រុងហុងកុងកាលពីឆ្នាំមុនមក៕ a china kong1 a china kong2