វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1041 នាក់
ម្សិលមិញ 3717 នាក់
សរុប 14149374 នាក់
ព្រៃវែង៖អំពើពុករលួយរបស់លោកផែនភឿន មេគយចលត័ផ្លូវជាតិលេខ១ត្រូវបានលាតត្រដាងជាបន្តបន្ទាប់ដែលទាមទាឲ្យលោកគុណ ញឹម ប្រតិភូរាជរដ្ឋាភិបាល ទទួលបន្ទុកអគ្គនាយក នៃអគ្គនាយកដ្ឋានគយនិងរដ្ឋករកម្ពុជា ដែលមិនព្រមចូលនិវត្តន៍និងអង្គភាពប្រឆាំងអំពើពុករលួយមិនត្រូវមើលរំលងនោះឡើយ។
ការបែកធ្លាយនូវអំពើពុករលួយរបស់មេគយចល័តផ្លូវជាតិលេខ១ ដែលមានស្នាក់ការនៅឃុំរំចេក ស្រុកព្រះស្ដេច ខេត្តព្រៃវែង នេះបន្ទាប់ពីកូនចៅបានប្រើអំណាចរបស់ខ្លួនចាប់រថយន្តដឹកផ្លែឈើពីវៀតណាម ទារលុយ២០លានរៀល មិនបានក៏ទុកផ្លែឈើឲ្យរលួចខូចអស់កាលពីថ្ងៃទី៨មិថុនា។ក្រុមអាជីវករ បានប្រាប់អ្នកសារព័ត៌មាន នៅព្រឹកថ្ងៃទី៩មិថុនមុខស្នាក់ការគយចល័តផ្លូវជាតិលេខ១ ថាគយចល័តខាងលើនេះចាប់រថយន្តដឹកផ្លែឈើ ជំរិតយកលុយ របស់ពួកគាត់ទាំងកំរោលទោះមានក្រដាសពន្ធពីគយព្រុំដែនហើយក៏ដោយ។
ប្រភពពីអាជីវករ និងឡានដឹកទំនិញបានបញ្ជាក់ថា៖ ខ្លួនដឹកផ្លែ(គូលែន)ពីវៀតណាម ចូលមកខ្មែរ ក្នុង១ជើងដោយប្រើរថយន្តវ៉េអងគឺត្រូវបង់លុយឱ្យគយចល័តផ្លូវជាតិលេខ១ ចំនួន៣០ម៉ឺនរៀលយ៉ាងទៀតទាត់។ក្នុងនោះប្រសិនជា មិនមានក្រដាសស្នាមពីព្រំដែនទេ គឺត្រូវបង់លុយចូលហោប៉ាវគយចល័ត ច្រើនណាស់ដល់រាប់លានរៀលក្នុង១ជើងៗ។
អាជីវករនិយាយថា រឿងបង់លុយ ចូលហោប៉ាវ មន្ត្រីគយចល័តផ្លូវជាតិលេខ១ ដោយគ្មានចេញវិកយ័បត្រ័បានក្លាយទៅជាទម្លាប់ទៅហើយ សម្រាប់អ្នករកស៊ីដូចពួកខ្លួន គឺគ្មានអាជីវករ ណាម្នាក់គេចផុតឡើយ។សម្រាប់រថយន្តដឹកផ្លែឈើចំណុះ២តោនកន្លះ ក្នុង១ជើងបង់លុយឱ្យគយចល័តចំនួន១០ម៉ឺនរៀលជាកំហិតរថយន្តចំណុះ៥តោន បង់ចំនួន២០ម៉ឺនរៀលជាកំហិត រថយន្តវ៉េអងបង់ចំនួន៣០ម៉ឺនរៀលជាកំហិតទោះបង់ពន្ធនាំចូលរួចហើយក៏ដោយ។ តៃកុងឡាន រួមនិងអាជីវករ បានអះអាងដូចៗគ្នាថា ពួកគាត់ហ៊ានស្បថដាក់ជីវិត ឱ្យក្រឡាប់ឡាន ឬរន្ទះបាញ់ស្លាប់តៃហោង។ប្រសិនជាខ្លួននិយាយបំផ្លើសខុសការពិត ចំពោះការបង់ លុយចូលហោប៉ាវ មន្ត្រីគយចល័តផ្លូវជាតិលេខ១។
លោក ផែន ភឿន ប្រធានគយចល័តផ្លូវជាតិលេខ១ ថារឿងយកលុយ៣០ម៉ឺនរៀលក្នុង១ឡានលោក មិនដឹងនោះទេ!។ ឯ លោក នី គឹមហួរ មន្ត្រីគយចល័តផ្លូវជាតិលេខ១ ដែលនៅប្រចាំការ បានបដិសេធមិនបកស្រាយឡើយ ចំពោះរឿងលុយ៣០ម៉ឺនរៀលក្នុង១ឡាន?។រឿងពុករលួយចឹងបើសិនអង្គភាពប្រឆាំងអំពើពុករលួយលូកដៃចូលស្រាវជ្រាវលោកផែនផឿងចៀសមិនរួចពីគុកទេព្រោះច្បាប់ប្រឆាំងអំពើពុករលួយច្រះលុយ២ម៉ឺនជាប់គុកហើយ។ព្រោះក្នុងមួយថ្ងៃៗមានរថយន្តរាប់សិបគ្រឿង បានដឹកទំនិញពីវៀតណាម ចូលមកខ្មែរ ទាំងយប់ទាំងថ្ងៃ ដោយឆ្លងកាត់ផ្លូវជាតិលេខ១ នឹងតែងតែឈប់នៅមុខស្នាក់ការ ចូលបង់លុយ ជូនគយចល័តផ្លូវជាតិលេខ១ ជាប្រចាំមិនដែលខាន ជាហេតុនាំឱ្យលោក ផែន ភឿន ប្រមូលលុយបានរាប់សិបលានរៀលក្នុង១ថ្ងៃៗ ។