ដីព្រៃលិចទឹកដែលជាដីតំបន់៣ជាជម្រកជម្រកត្រីពងកូននៅរដូវវស្សាសត្វស្លាបគ្រប់ប្រភេទ រាប់រាប់ពាន់ ហិកតានៅតំបន់វាលស្រង៉ែ និងតំបន់បឹងកុកពងឃុំផ្លូវទូកនិឃុំច្រណូកកំពុងត្រូវឈ្មួញឃុបឃិតជាមួយអាជ្ញាធរមូលដ្ឋាន និងជំនាញភូមិបាលស្រុកកាប់ទន្ទ្រានវាតទីយកធ្វើជាកម្មសិទ្ធ
27-October-2025 / ព័ត៌មានជាតិ
កំពង់ឆ្នាំង៖ដីព្រៃលិចទឹកដែលជាដីតំបន់៣ដែលតំបន់នេះគឺជាវាលព្រៃរនាមលិចទឹកនិងជាតំបន់ជម្រកសត្វស្លាបគ្រប់ប្រភេទនិងជាតំបន់ជម្រកត្រីពងកូននៅរដូវវស្សា ស្ថិតនៅជាប់និងដងទន្លេសាបក្នុងតំបន់វាលស្រង៉ែនិងវាលបឹងកុកពងស្ថិតក្នុងភូមិសាស្ត្រភូមិថ្នល់ឈើទាល ឃុំផ្លូវទូក ស្រុកកំពង់លែង ខេត្តកំពង់ឆ្នាំង ឥឡូនេះវត្រូវបានក្រុមឈ្មួញដីឃុបឃឹតជាមួយអាជ្ញាធរភូមិថ្នល់ឈើទាល លោកខៀវ គៀននិងលោកមេឃុំថ្នល់ឈើទាល់លោកចេង ភាគមេឃុំផ្លូវទូកលួចទន្ទ្រានឈូសឆាយយកវាតទីយកធ្វើធ្វើជាកម្មសឹទ្ធនិងលក់អោយឈ្មួញជាបណ្ដើរៗហើយ នៅសម័យវីរុសកូវីដ១៩រាតត្បាតនាពេលបច្ចុប្បន្ននេះ។
សេចក្ដីរាយការណ៍ពីមន្ត្រីក្រុមប្រឹក្សាឃុំម្នាក់ដែលសុំមិនបញ្ចេញឈ្មោះបានអោយដឹងថា៖មានក្រុមប្រជាពលរដ្ឋមួយចំនួនបានដើរទន្ទ្រានចាប់យកដីហើយទៅធ្វើលិខិតបញ្ជាក់ពីលោកមេភូមិនិងនិងមេឃុំដោយចំណាយថ្លៃសេវាក្រោមតុដើម្បីជួលគ្រឿងចក្រត្រាក់ទ័ររបស់លោកខៀវ គៀនមេភូមិថ្នល់ឈើទាល់ចំនួន២គ្រឿងអោយឈូសឆាយរួចលក់អោយឈ្មួញបាត់ហើយទៅទន្ទ្រានវាតយកបន្តទៀត។ការធ្វើរបៀបនេះគឺបានកើតមានទៅលើប្រជាពលរដ្ឋស្ទើគ្រប់ៗគ្នា។
ប្រភពពីប្រជាពលរដ្ឋបានបញ្ជាក់អោយដឹងដែរថា សព្វថ្ងៃនៅក្នុងឃុំផ្លូវទូកមន្ត្រីក្នុងជួរក្រុម្បរឹក្សាឃុំកំពុងចែកតួនាទីគ្នាធ្វើការបានស្អាតល្អណាស់ដោយគេចែកមុខសញ្ញាគ្នាធ្វើ។ខ្លះទទួលចុះហត្ថលេខាលើលិខិតបញ្ជាក់កាន់កាប់ និងទទួលចុះហត្ថលេខាលើលិខិតលក់ទិញ និយាយរួមគឺកើបយកតែលុយតែម្ដង។
ឯសមាជិកក្រុមប្រឹក្សាឃុំខ្លះទៀតគេមានជំនាញខាងរត់ការដាក់សសម្រាស់ និងក្រុមប្រឹក្សាខ្លះទៀតគេមានជំនាញខាងរត់ការដាក់គ្រឿងចក្រឈូសឆាយដីដោយយកលេសថាមានច្បាប់លោកអភិបាលខេត្ត។
ប៉ុន្តែឮថាមិនទាន់មានការចុះសិក្សាអង្កេតត្រួតពិនិត្យពីមន្ត្រីជំនាញជលផលផងក៏ថ្លើមធំហ៊ានចេញធ្វើសកម្មភាពឈូសឆាយដែរដូចជាប្រហ៊ើនពេកហើយ!។មានអ្នករត់ការត្រាក់ទ័រខ្លះទៀតគឺក្អេងក្អាងមែនទែនគ្រាន់តែបានរត់ការត្រាក់បន្តិចបន្ទួច និយាយពីឬកវិះលើសអាសេងដើរបក់ផ្លិតនៅផ្សារលើទៅទៀត។ ករណីរបៀបនេះនៅឃុំពាមឆ្កោក ស្រុកជលគីរីខាងក្រុមចម្រុះរបស់ស្រុកទើបតែចុះទៅចាប់ត្រាក់ទ័របានចំនួន២គ្រឿងយកមករក្សារទុកនៅអធិការដ្ឋាននគបាលស្រុកជលគីរីដោយសារតែសារតែការឈូសឆាយមិនមានច្បាប់ត្រឹមត្រូវនិងមិនបានសិក្សាត្រួតពិនិត្យពីមន្ត្រីជំនាជលផល។
មហាជនទូទៅមានការងឿងឆ្ងល់និងលើជាសំំណួរសួរថាហេតុអីបានជាអោជ្ញាធរខេត្តហេតុមុននឹងចេញច្បាប់ឈូសឆាយអោយអ្នកមានគ្រឿងចក្រយកទៅរត់ការឈូសឆាយក្បាលដីស្រែរបស់ប្រជាពលរដ្ឋដោយមិនរងចាំអោយមន្ត្រីជំនាជលផលលចុះសិក្សាជាមុនសិនចឹង?????។ករណីនេះប្រជាពលរដ្ឋសូមសំណូមពរលោកវ៉េង សាខុន រដ្ឋមន្ត្រីក្រសួងកសិកម្មរក្ខាប្រមាញ់និងនេសាទ និងលោករដ្ឋមន្ត្រីក្រសួងបរិស្ថាន លោកសាយ សំអាល់ ពិសេស សម្ដេចតេជោ ប្រមុខរាជរដ្ឋាភិបាលមេត្តាជួយមានវិធានការណ៍អោយបានតឹងរឹងទប់ស្កាត់ឲ្យបានទាន់ពេលវេលាផង។ បើមិដូច្នេះទេដីព្រៃលិចទឹកដែលជាដីតំបន់បីដែលជាដីដែននេសាទសាធារណៈរបស់រដ្ឋរាប់ពាន់ រាប់ម៉ឺនហិកតានៅតំខាងលើនិងត្រូវរលាយបាត់បង់អស់ជាមិនខាន ហើយកូនខ្មែរជំនាន់ក្រោយៗច្បាស់ជាលែងបានស្គាល់ពូជសត្វស្លាបទឹកគ្រប់ប្រភេទតទៅទៀតផងដែរ។
គួររម្លឹកថាដីនៅចំណុចគោគព្រះ ប្រសាទបាក់ ម៉ៅពកករនិងតំបន់ផ្សេងៗជាច្រើនទៀតរាប់ពាន់ រាប់ម៉ឺហិកតាដែលនៅជាប់ព្រំប្រទល់ខេត្តកពង់ឆ្នាំងនិងខេត្តកំពង់ធំ ដែលខ្មោចលោកឌុល គឹមឌឹតអតីតមេឃុំច្រណូកឃុបឃិតគ្នាជាមួយលោកមាន់ អានលីអភិបាលស្រុកកំពង់លែ និងមន្ត្រីសហគមន៍ឃុំច្រណូកយកដីនៅចំណុចខាងលើទៅលក់អោយក្រុមចិនមួយឈ្មោះខូវ ប៊ុនឆាយកាលពីអំឡុងឆ្នាំ២០០៨ -២០០៩ហើយក៏ត្រួបានគណៈកម្មការវិវាតដីធ្លីថ្នាក់ជាតិ និងក្រសួងបរិស្ថានព្រមទាំងក្រសួងកសិកម្ម ដកហូតយកមករក្សាទុកជាដីដែននេសាទសាធារណៈរបស់រដ្ឋវិញកាលពីអំឡុងឆ្នាំ២០១៣-២០១៤ហើយដែរដោយសារមានការតវ៉ាពីប្រជាពលរដ្ឋ។
តែបច្ចុប្បន្នដីនៅចំណុចខាងលើត្រូវពួកមានអំណាច មានបុណ្យស័ក្ដិប្រើលុយទិញទឹកចិត្តពួកមន្ត្រីអាជ្ញាធរ មន្ត្រីជំនាញនិងមន្ត្រីសហគមន៍ទន្ទ្រានឈូសឆាយរំលោភចែកគ្នាយកធ្វើជាកម្មសឹទ្ធអស់គ្មានសល់ឡើយ ។អំណឺះតទៅ ដីព្រៃលិចទឹកនៅតំបន់វាលស្រងែនិងតំបន់បឹងកុកពងស្ថិតនៅក្នុងភូមិសាស្ត្រឃុំផ្លូវទូកនិងឃុំច្រណូកស្រុកកំពង់លែងខេត្តកំពង់ឆ្នាំងក៏នឹងត្រូវរលាយបាត់បង់អស់ដូចដីនៅតំបន់គោគព្រះ ប្រសាទបាក់និងម៉ៅពកករច្បាស់ជាត្រូវរលាយអស់រលីងគ្មានសល់ជាក់មិនខានប្រសិនបើគ្មានវិធានការទប់ស្កាប់អោយបានម៉ឺងមាត់នោះទេ!។
មានការកត់សម្គាល់ថាចាប់តាំងពីចុងខែកុម្ភៈ ពេលដែលមានការសាងសង់ផ្លូវលេខ៥០C២ មានប្រវែង១៥គីឡូម៉ែត្រ ភ្ជាប់ពីឃុំច្រណូក ទៅឃុំផ្លូវទូក ស្រុកកំពង់លែង ខេត្តកំពង់ឆ្នាំងសកម្មភាពឈូសឆាយតំបន់ខាងលើបានកើនឡើងយ៉ាងសកម្ម។ផ្លូវនេះជាព្រះរាជអំណោយ ព្រះករុណាព្រះបាទសមេ្តចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា។មិនអាចសុំការបកស្រាយពីអាជ្ញាថរឃុំទាំងពីបាននៅឡើយទេតែសង្ឃឹមថានឹងមានការពន្យល់ជាមិនខាន!៕
