វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3431 នាក់
ម្សិលមិញ 5020 នាក់
សរុប 14118878 នាក់
ខេត្តកណ្តាល៖ក្រុមយោធាបាញ់រះគ្រាប់ពិតលើប្រជាពលរដ្ឋបណ្តាលឱ្យពលរដ្ឋម្នាក់រងរបួសធ្ងន់ ដឹកយកទៅសង្គ្រោះបន្ទាន់នៅមន្ទីរពេទ្យនៅព្រឹកថ្ងៃទី៣ ខែមិថុនា ។អំពើហឹង្សាប្រដាប់អាវុធនេះកើតឡើងបន្ទាប់ពីក្រុមយោធាបានដាក់គ្រឿងចក្រឈូសឆាយដីស្រែដែលមានទំនាស់ជាមួយប្រជាពលរដ្ឋ នៅភូមិអង្គស្រែពោធិ៍ ឃុំទួលព្រិច ស្រុកអង្គស្នួល ខេត្តកណ្តាល ហើយមានពលរដ្ឋខ្ទង់រយនាក់ បានលើកគ្នាទៅឃាត់គ្រឿងចក្រនោះ។
ប្រជាពលរដ្ឋក្នុងហេតុការណ៍និយាយថា ករណីបាញ់បោះដោយសេរីរបស់យោធាលើប្រជាពលរដ្ឋដែលការពារដីនេះ គឺជារឿងអយុត្តិធម៌ ហើយពួកគាត់ស្នើឱ្យស្ថាប័នពាក់ព័ន្ធរកដំណោះស្រាយ និងវែកមុខជនដៃដល់យកមកផ្ដន្ទាទោសតាមច្បាប់.។ទាក់ទងករណីនេះ លោក គង់ សុភ័ណ្ឌ អភិបាលខេត្តកណ្តាល បានប្រាប់កាសែតថាៈ ចំពោះករណីនេះ សមត្ថកិច្ច កំពុងតែស្រាវជ្រាវ និងទៅសួរសុខទុក្ខ ប្រជាពលរដ្ឋ ដែលរងរបួស កំពុងតែសម្រាក នៅមន្ទីរពេទ្យ។ ក្រុមយោធា គឺការពារដីរបស់រដ្ឋ សម្រាប់ផលប្រយោជន៍ ក្រសួងការពារជាតិ និងក្រសួងបរិស្ថាន នៅពេលពួកគាត់ កាយព្រំដី ដើម្បីកំណត់ដីរដ្ឋ ហើយគាត់ ក៏ទប់ស្មារតីមិនបាន ហើយប្រជាពលរដ្ឋ ឈូឆរ និងមានអ្នកបំផុស ស្រែកពីក្រោយ និងមានក្រុមបង្កើត ជាចលនា។ ឥឡូវ លោកកំពុងតែខិតខំធ្វើការ សម្របសម្រួលដោះស្រាយ ហើយអាជ្ញាធរ កំពុងតែខិតខំធ្វើហើយ។
លោកអភិបាលខេត្ត បាននិយាយថាៈ មានការដុតឆេះគ្រឿងចក្រ របស់ភាគីខាងយោធា ដែលបានយកមក កាយកំណត់ព្រំដីរបស់រដ្ឋ។លោក អំ សំអាត នាយករងទទួលបន្ទុកកម្មវិធីឃ្លាំមើលនៃអង្គការសិទ្ធិមនុស្សលីកាដូ ប្រាប់បណ្តាញព័ត៌មានកាលពីរសៀលថ្ងៃព្រហស្បតិ៍ថាក្រុមការងាររបស់អង្គការលោកបានចុះទៅដល់កន្លែងកើតហេតុនិងបានរាយការណ៍ថាបុរសរងរបួសនោះមានឈ្មោ អ៊ុំ រដ្ឋាអាយុ៥៦ឆ្នាំ ជាកសិករ ដែលជាភាគីជម្លោះដីធ្លី។ លោក អំ សំអាត ជំរុញឲ្យស៊ើបអង្កេតរឿងនេះឲ្យបានត្រឹមត្រូវថាតើមូលហេតុអ្វីបានជាកម្លាំងទាហានរាប់សិបនាក់ប្រើកាំភ្លើងបាញ់គ្រាប់ពិតរហូតដល់បណ្តាលឲ្យពលរដ្ឋម្នាក់រងរបួស៕