ចាប់បានផ្កាយពីររត់ពន្ធចិននៅស្វាយរៀងនិងផ្កាយបីក្លែងក្លាយនៅបាត់ដំបង!
27-March-2024 / ព័ត៌មានជាតិ
ស្វាយរៀងបាត់ដំបង៖ ឃាត់ខ្លួនយោធាផ្កាយ២ម្នាក់និងផ្កាយបីម្នាក់កាលពីយប់ថ្ងៃទី២១ ខែមេសា ឆ្នាំ២០២១នៅស្វាយរៀងនិងបាត់ដំបង។ផ្កាយពីរដែលចាប់ឃាត់នៅស្វាយរៀងឈ្មោះស៊ុំ ពៅ ពីបទរត់ពន្ធចិនចំនួន ២៨នាក់ និងបំពានសេចក្តីសម្រេចរបស់រាជរដ្ឋាភិបាលបិទខ្ទប់ប្រឆាំងនឹងជំងឺកូវីដ។ឯផ្កាយបីឃាត់នៅបាត់ដំបង ឈ្មោះ រស់ វណ្ណៈ ភេទ ប្រុស អាយុ ៣៣ឆ្នាំ មុខរបរមិនពិតប្រាកដ ទីលំនៅភូមិតាងួន សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
ទាក់ទងលោកផ្កាយពីស៊ុំពៅដែលមានតួនាទីជា អនុប្រធានក្រុមការងារស្រាវជ្រាវយុទ្ធសាស្ត្រយោធាត្រូវបានលោកនាយឧត្តមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ បានប្រកាសបើកផ្លូវឲ្យសមត្ថកិច្ចខេត្ដស្វាយរៀង ចាត់វិធានការច្បាប់លើឧត្តមសេនីយ៍ទោមួយរូប ពាក់ព័ន្ធរត់ពន្ធជនជាតិចិនជិត ៣០នាក់។តាមរយៈសារជាសំឡេង នាយឧត្តមសេនីយ៍ វង្ស ពិសេន បានបញ្ជាក់ថា “ចំពោះបុគ្គល ស៊ុំពៅ នេះ ធ្វើទៅតាមផ្លូវច្បាប់ទៅ។ ខ្ញុំមិនយោគយល់មិនអីទៀតទេ ព្រោះនេះមិនគោរពបទបញ្ជា ហើយអនុវត្តល្មើសច្បាប់បាត់ទៅហើយ។ អាហ្នឹងធ្វើទៅតាមហ្នឹងទៅ ធ្វើតាមផ្លូវច្បាប់ទៅ គ្មាននរណាមួយទៅពាំងអ្នកបំពានបទបញ្ជារបស់សម្តេច ខ្ញុំអត់ទទួលទេ”។
ប្រភពពីន្ត្រីជាន់ខ្ពស់អគ្គស្នងការដ្ឋាននគរបាលជាតិបានឲ្យកាសែតដឹងថា កាលពីវេលាម៉ោង០៣:២០ រំលងអធ្រាត្រឈានថ្ងៃទី២២ ខែមេសា នៅចំណុចសណ្ឋាគារ TTP 1 ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង កម្លាំងអធិការដ្ឋាននគរបាលក្រុងបាវិត បានធ្វើការឃាត់ខ្លួនលោកផ្កាយពីរ ស៊ុំ ពៅ និងបក្ខពួកចំនួនប្រាំមួយនាក់ដែលសុទ្ធជាភេទប្រុស មានដូចជាៈ ១.ឈ្មោះ ស៊ុំ ពៅ មានឋានន្តរសក្តិ ឧត្តមសេនីយ៍ទោ មុខងារអនុប្រធានក្រុមការងារស្រាវជ្រាវយុទ្ធសាស្ត្រយោធា អគ្គបញ្ជាការដ្ឋាន នៃនៃកងយោធពលខេមរភូមិន្ទ។២.ឈ្មោះ ឆើយ សារ៉ន អាយុ៤០ឆ្នាំ បុខរបរមិនពិតប្រាកដមានទីលំនៅ ស្រុកស្អាង ខេត្តកណ្តាល។
៣. ឈ្មោះ នាង ស៊ីណាត អាយុ ៣១ ឆ្នាំ មុខរបរមិនពិតប្រាកដទីលំនៅ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។៤. ឈ្មោះ សេង ហាក់ អាយុ៣១ឆ្នាំ មុខរបរជាងឡាន មានទីលំនៅ សង្កាត់ ចោមចៅ ខណ្ឌពោធិសែនជ័យ រាជធានីភ្នំពេញ។៥. អាត កក្តដា អាយុ២៦ឆ្នាំ មុខរបរ អាជីវករទីលំនៅ ខណ្ឌ សែនសុខ ។៦.ឈ្មោះ ទាន់ ចាន់វិបុល អាយុ៣៤ឆ្នាំ មុខរបរអាជីវករទីលំនៅស្រុកពញាឮ ខេត្តកណ្តាល។ ៧. សូ គន្ធា អាយុ៤២ឆ្នាំ ទីលំនៅ ភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។បច្ចុប្បន្ន ជនសង្ស័យទាំង០៧នាក់ ឃាត់ខ្លួននៅ អធិការដ្ឋាននគរបាលក្រុងបាវិត។ ចំណែកជនជាតិចិនទាំង២៨នាក់ ដាក់ឲ្យធ្វើចត្តាឡីស័កនៅសណ្ឋាគារTTP1 ស្ថិតក្នុងភូមិ បាវិតកណ្តាល សង្កាត់ បាវិត ក្រុងបាវិត។
ដោយឡែកទាក់ទងកាឃាត់ខ្លួនយោធាផ្កាយបីនៅបាត់ដំបងកាលពីវេលាម៉ោង១៣និង៤៥ នាទី ថ្ងៃទី២១ ខែមេសា ឆ្នាំ២០២១ ម្សិល នៅចំណុចភូមិស្តៅ ឃុំ បាយដំរាំ ស្រុកបាណន់ ខេត្តបាត់ដំបង ការិយាជំនាញនៃកងរាជអាវុធហត្ថខេត្តបាត់ដំបង បានឃាត់ខ្លួនជនសង្ស័យ ចំនួន០១នាក់ ក្លែងបន្លំជានាយទាហានជាន់ខ្ពស់ពាក់ផ្កាយ៣។
ក្រោយពីឃាត់ខ្លួនបាដឹងថាមិនខ្លាចគុកមានឈ្មោះ រស់ វណ្ណៈ ភេទ ប្រុស អាយុ ៣៣ ឆ្នាំ មុខ មិនពិតប្រាកដ ទីលំនៅភូមិតាងួន សង្កាត់កាកាប ខ័ណ្ឌពោធិ៍សែនជ័យ ក្រុងភ្នំពេញមិនមែនជាយោធាផ្កាយបីទេគឺក្លែងក្លាយ។សមត្ថកិច្ចបានចាប់ដកហូតយកវត្ថុតាងរួមមាន:-អាវត្រីអ៉ី ហារិយែន ចំនួន០១។
-ស័ក្តិស្មាថ្នាក់ឧត្តមសេនីយ៍ឯក ចំនួន០១ គូរ។-ស័ក្តិកអាវថ្នាក់ឧត្តមសេនីយ៍ឯកចំនួន០១គូរ។-ផ្លាកឈ្មោះ ឧ.រស់ វណ្ណៈ ចំនួន ០១។
-គ្រឿងឥស្សរយយស(មេដាយ)ចំនួន ០១ឈុត។-ស្លាកសញ្ញាអគ្គបញ្ជាការចំនួន ០១។-បណ្តោងហនុមានចំនួន០១។-ស្បែកជើងកវែង ០១ គូរ។
-ខ្សែសាន់ណារ៉ុង ០១។-មួកប៉ារ៉េ ពណ៌ខ្មៅ ០១ ។-មួកកាស្កេតថ្នាក់ឧត្តមសេនីយ៍ ចំនួន០១។-ព្រះរាជក្រឹត្យត្រាស់បង្គាប់តែងតាំងថ្នាក់ ឧត្តមសេនីយ៍ឯក ក្លែងក្លាយចំនួន០១។-ទូរស័ព្ទដៃ០២ គ្រឿង។-រថយន្ត ០១ គ្រឿង ម៉ាក តូយ៉ូតាព្រូសពណ៌ប្រផេះ ផ្លាកលេខ ភ្នំពេញ 2AI 2592។
