មន្ត្រីអង្គការសង្គមស៊ីវិលរិះគន់ចំណាត់ការលើអតីតកម្មករណាហ្គាវឺល!
22-August-2024 / ព័ត៌មានជាតិ
ភ្នំពេញ៖នៅថ្ងៃទី២៣កុម្ភះរដ្ឋបាលរាជធានីភ្នំពេញ បានចេញប្រកាសមួយអនុវត្តការផាកពិន័យអន្តរកាលពី១លានរៀលទៅ៥លានរៀលលើកូដ្ឋករតវ៉ាព្រោះត្រូវក្រុមហ៊ុនណាហ្គាវើលដ៍ ដេញចោលក្រោមហេតុផលថា៖ ពួកគេរឹងរូសបន្តធ្វើកូដកម្មល្មើសនឹងវិធានសុខាភិបាល រួមទាំងបណ្ដាលឱ្យប៉ះពាល់ដល់សណ្ដាប់ធ្នាប់សាធារណៈ។
សម្រាប់កូដករណាហ្គាវើលដ៍ (Naga World) ដែលត្រូវបានអាជ្ញាធរដឹកយកទៅដាក់នៅមណ្ឌលចត្តាឡីស័ក ខណ្ឌព្រែកព្នៅវិញ បង្ខំចិត្តដេកនៅវាលហាល គ្មានកន្ទេល គ្មានភួយ គ្មានក្នោយ កាលពីយប់ថ្ងៃទី២២ ខែកុម្ភៈ ឆ្នាំ២០២២។តែសាលារាជាធានីភ្នំពេញចោទថាមកពីពួកកូដករចង់ធើចឹងទៅវិញ?។
មន្ត្រីសង្គមស៊ីវិល និងក្រុមកូដករណាហ្គាវើលដ៍ (Naga World) ចាត់ទុកចំណាត់ការអាជ្ញាធរក្រុងភ្នំពេញចាប់បង្ខំឱ្យក្រុមកូដករធ្វើចត្តាឡីស័កទាំងកម្រោលបន្តបន្ទាប់មកនេះ គឺជាការរំលោភបំពានធ្ងន់ធ្ងរលើក្រុមស្ត្រី និងបង្ហាញពីការអនុវត្តច្បាប់គ្មានតុល្យភាពលើក្រុមកូដករ។ ពួកគេយល់ថា ទង្វើរបស់អាជ្ញាធរបែបនេះ គឺមានគោលបំណងគេចវេសពីការស្វែងរកដំណោះស្រាយ និងព្យាមយាមលុបបំបាត់ការធ្វើកូដកម្មរបស់កូដករទាមទារដំណោះស្រាយជាមួយក្រុមហ៊ុនបន់ល្បែងមួយនេះ។
ក្រុមសហជីពទ្រទ្រង់សិទ្ធការងារបុគ្គលិកកម្មករខ្មែរ នៃក្រុមហ៊ុនណាហ្គាវើលដ៍ (Naga World) ចេញសេចក្ដីថ្លែងការណ៍នៅថ្ងៃទី២៣ ខែកុម្ភៈថា ទោះបីក្រុមកូដករបានយកសំណាកតាមការកំណត់របស់ក្រសួងសុខាភិបាល ប៉ុន្តែសាលាក្រុងភ្នំពេញនៅតែបន្តចោទប្រកាន់ចាប់សកម្មជនសហជីព នេះបង្ហាញឱ្យឃើញថា អាជ្ញាធរមានទំនោរទៅកាន់ថៅកែបន់ល្បែងណាហ្គាវើលដ៍។ ពួកគេថ្កោលទោសទង្វើអាជ្ញាធរក្រុងភ្នំពេញ ថាជាការគំរាមកំហែងបំភិតបំភ័យមកលើនិយោជិតដែលចេញតវ៉ាទាមទារសិទ្ធជាមូលដ្ឋាននៅកន្លែងធ្វើការ និងសិទ្ធសហជីព។
កាលពីថ្ងៃទី២២ ខែកុម្ភៈ អាជ្ញាធររាធានីភ្នំពេញបានចាប់ក្រុមកូដករណាហ្គាវើលដ៍ ៣៩នាក់ ដោយប្រើអំពើហិង្សាបោះចូលរថយន្តក្រុងដឹកទៅកាន់មណ្ឌលចត្តាឡីស័ក ដោយចោទប្រកាន់ពួកគេថា បានល្មើសបំរាមសុខាភិបាល ដោយសារតែពួកគបានប្រមូលផ្តុំធ្វើកូដកម្មស្វែងរកដំណោះស្រាយវិវាទការងារនៅក្បែរអគារបនល្បែងណាហ្គាវើលដ៍។
នាយកទទួលបន្ទុកកិច្ចការទូទៅនៃអង្គការលីកាដូលោក អំ សំអាត ប្រសាសន៍ថាការចាប់ខ្លួនបង្ខំក្រុមកូដករក្រោយហេតុផលល្មើសច្បាប់វិធានថ្មីនេះ អាជ្ញាធរអនុវត្តច្បាប់គ្មានតុល្យភាពនិងបានបង្កឱ្យមានការរើងអើងលើក្រុមកូដករតែតស៊ូតវ៉ាទាមទារឱ្យមានដំណោះស្រាយវិវាទការងារជាមួយណាហ្គាវើលដ៍។ លោកបន្តថា បើអាជ្ញាធរបន្តដាក់ចេញចំណាត់ការបង្ក្រាបបែបនេះកាន់តែធ្វើឱ្យតាន់តឹងក្នុងការដោះស្រាយវិវាទការងារនេះ ហើយរដ្ឋាភិបាលនៅតែបន្តរងការរិះគន់ និងមានការថ្កោលទោសពីសហគមន៍ជាតិនិងអន្តរជាតិបន្ថែមទៀត៖ «គាត់មកជួបជុំទាមទារ ដោយសារតែគ្មានដំណោះស្រាយរឿងវិវាទការងារហ្នឹង។
ចំណាត់ការចាំបាច់គឺដំណោះស្រាយវិវាទការងារ មិនមែនវិធានការចាំបាច់ដោយអនុវត្តច្បាប់ផ្សេងៗ ឬការចាប់ខ្លួនពីបទញុះញង់អីជាដើម។ ផ្ទុយទៅវិញកាលណាមានការចាប់ខ្លួន ការបង្ក្រាបគឺនាំឱ្យមានការថ្កោលទោស ការរិះគន់ទៅលើអាជ្ញាធរទៅវិញទេ»។តំណាងកូដករឱ្យកាសែតដឹងថាកាលពី រសៀលថ្ងៃទី២៣ ខែកុម្ភៈនេះមានក្រុមកម្លាំងអាជ្ញាធរស្លៀកពាក់ស៊ីវិលបន្តចាប់ក្រុមកូដករចំនួន ៥១ នាក់ បន្ថែមទៀតដោយអះអាងថា ល្មើសវិធានសុខាភិបាលក្រោយពីពួកគេធ្វើដំណើរដើម្បីចាប់ផ្ដើមការធ្វើកូដកម្មនៅក្បែរស្ថានទូតអូស្ត្រាលី។
ក្រុមអ្នកជំនាញផ្នែកសិទ្ធិមនុស្សរបស់អង្គការសហប្រជាជាតិកាលពីពេលថ្មីៗនេះ បានរិះគន់ថា អាជ្ញាធរក្រុងភ្នំពេញកំពុងអនុវត្តវិធានការសុខាភិបាល ដែលមានស្តង់ដារ២ ផ្សេងគ្នារវាងក្រុមកូដករ និងសាធារណជនទូទៅ ដែលបង្ហាញថា អាជ្ញាធរប្រឹងប្រែងរារាំងសកម្មភាពស្របច្បាប់របស់កូដករ។ លើសពីនេះទង្វើនេះ ផ្ទុយពីច្បាប់សិទ្ធិមនុស្សអន្តរជាតិ។ តែលោកមាសម៉េតភក្តីអ្នកនាំពាក្យសាលារាជធានីភ្នំពេញបានបដិសេធ។
មកដល់ពេលនេះមានតំណាងសហជីព និងកម្មករណាហ្គាវើលដ៍ចំនួន១១នាក់ កំពុងជាប់ឃុំក្នុងពន្ធនាគារ ដោយសារតែពួកគេ ធ្វើកូដកម្មដោយសន្តិវិធីទាមទាររកដំណោះស្រាយ រឿងក្រុមហ៊ុនកាស៊ីណូណាហ្កាវើលដ៍បញ្ឈប់បុគ្គលិកជាង៣រយនាក់ ពីការងារ។សូមបញ្ជាក់ដែរថា៖កន្លងមកដោយទើសភ្នែកពេកសម្តេចក្រឡាហោមសខេងឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃបានផ្តល់អនុសាសន៍ឲ្យភាគីពាក់ពន្ធ័នាំគ្នាដោះស្រាយឲ្យចប់ៗទៅតែគ្មានខាងណាយកគូថស្តាប់ឡើយ?។
