វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1636 នាក់
ម្សិលមិញ 6359 នាក់
សរុប 14088269 នាក់
ភ្នំពេញ៖ លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានប្រាប់ប្រជាពលរដ្ឋឱ្យរាយការណ៍ ប្រសិនបើមន្ត្រីនគរបាលនៅមូល ដ្ឋាន មានភាពយឺតយ៉ាវក្នុងការបម្រើសេវា ជាពិសេស គឺការធ្វើសៀវភៅស្នាក់នៅ និងសៀវភៅគ្រួសារ។
លោកឧត្តមសេនីយ៍ឯក ស ថេត បានសរសេរក្នុងបឲហ្វេសប៊ុកថា “មន្ត្រីទាំងអស់ ត្រូវតែបម្រើប្រជាពលរដ្ឋឲ្យបានល្អ ជាពិសេសការធ្វើសៀវភៅគ្រួសារ និងសៀវភៅស្នាក់នៅ ត្រូវតែធ្វើឲ្យបានឆាប់រហ័សបំផុត ព្រោះចុះហត្ថលេខាត្រឹមលោកអធិការខណ្ឌ និងលោកនាយប៉ុស្តិ៍ តែប៉ុណ្ណោះ”។លោកឧត្តមសេនីយ៍ឯក ស ថេត បានលើកឡើងបន្ថែមថា ក្រោយការដាក់ចេញនូវបទបញ្ជា និងការណែនាំជាប្រចាំ មួយរយ:ពេលកន្លងមកនេះ មន្ត្រីថ្នាក់ក្រោមតាមបណ្តាខណ្ឌ ប៉ុស្តិ៍ ភាគច្រើនបានអនុវត្តការងារបម្រើប្រជាពលរដ្ឋបានយ៉ាងល្អ ជាពិសេសគឺការប្រើប្រាស់ពាក្យសម្តី និងកាយវិការសមរម្យជាមួយប្រជាពលរដ្ឋ ក៏ដូចជាការផ្តល់សេវាជូនប្រជាពលរដ្ឋបានយ៉ាងឆាប់រហ័ស។
លោកស្នងការ បានទទួលស្គាល់ថា នៅតែមានមន្ត្រីមួយចំនួនតូចអនុវត្តមិនទាន់បានល្អជូនប្រជាពលរដ្ឋ ដូច្នេះត្រូវតែកែប្រែទម្លាប់នេះ មកបម្រើប្រជាពលរដ្ឋឲ្យបានល្អ និងទទួលបាននូវភាពទុកចិត្ត និងជឿជាក់ពីសំណាក់ប្រជាពលរដ្ឋ។
លោកឧត្តមសេនីយ៍ឯក ស ថេត ក៏បានប្រកាសឱ្យប្រជាពលរដ្ឋ ត្រូវរាយការណ៍បើមានករណីយឺតយាវ និងបម្រើប្រជាពលរដ្ឋមិនបានល្អ តាមរយៈលេខទូរស័ព្ទ 069 516 999៕