វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4050 នាក់
ម្សិលមិញ 10264 នាក់
សរុប 14143232 នាក់
ត្បូងឃ្មុំ៖នៅថ្ងៃទី២៦ ខែឧសភា ឆ្នាំ២០២១នេះ លោកជាមចន្ទសោភណ័អភិបាលខេត្តត្បូងឃ្មុំបានដឹកនាំប្រតិភូរដ្ឋបាលខេត្តទៅគោរពវិញ្ញាណក្ខន្ធសពមន្ត្រីយោធា នៅមន្ទីរពេទ្យបង្អែកស្រុកពញាក្រែក ជាមន្ទីរពេទ្យព្យាបាលអ្នកជំងឺកូវីដ១៩ ។
លោកអភិបាលខេត្តបានបានសម្តែងនូវការសោកស្តាយ និងបាននាំយកថវិការដ្ឋបាលខេត្ត រួមមានថ្នាក់ដឹកនាំខេត្ត មន្ទីរ អង្គភាព និងក្រុង-ស្រុក សរុបចំនួន ១៥,៥៦០,០០០រៀល ក្នុងនោះថវិកាលោកផ្ទាល់ ២លានរៀល ទៅប្រគល់ជូនក្រុមគ្រួសារនៃសព ក៍ដូចជានាំយកថវិកាមួយចំនួនទៀតទៅប្រគល់ជូនរួមមាន លោក ហ៊ុន ម៉ាណែត ១០លានរៀល លោកឧបនាយករដ្ឋមន្ត្រី ជា សុផារ៉ា ចំនួន៣លានរៀល លោក វង សូត ចំនួន១លានរៀល ស្នងការនគរបាលខេត្ត ២លាន៦៧ម៉ឺនរៀល តំបន់ប្រតិបត្តិការសឹករកខេត្ត ២លានរៀល ក៏ដូចជាសាខាកាកបាទក្រហមខេត្ត ថវិកាចំនួន០២លានរៀល ព្រមទាំងអង្ករ១០០គីឡូ មី៤កេស ទឹកសុទ្ធ៣កេស ទឹកផ្លែឈើ២កេស ត្រីខ ២យួរ ទឹកត្រី១យួរ ទឹកស៊ីអ៊ីវវ១យួរ ប្រេងឆា២ដប។
លោក ជាម ច័ន្ទសោភ័ណ បានឧបត្ថម្ភលើកទឹកចិត្តដល់ក្រុមគ្រូពេទ្យចំនួន ២,៥០០,០០០រៀល និងកងកម្លាំងចំនួន១៥នាក់ ដែលចុះអន្តរាគមន៍ចាប់ជនល្មើសដែលបានសម្លាប់យោធា ដែលប៉ះពាល់ផ្ទាល់ត្រូវបានជាប់ធ្វើចត្តាឡីស័ក នូវថវិកាចំនួន ៦,៥០០,០០០រៀលផងដែរ។សូមជម្រាបថា កាលពីល្ងាចថ្ងៃទី២៥ ខែឧសភា ឆ្នាំ២០២១ មានករណីបុរសអ្នកជំងឺកូវីដ-១៩ ជាជនញៀនថ្នាំម្នាក់ដែលព្យាយាមរត់គេចខ្លួន បានធ្វើសកម្មភាពវាយអ្នកយាមជាយោធាម្នាក់បណ្តាលឱ្យស្លាប់ ដើម្បីរត់ចេញពីមន្ទីរពេទ្យបង្អែកស្រុកពញាក្រែក។
ជនសង្ស័យឈ្មោះមឿន ម៉ឺន អាយុ ៣៨ឆ្នាំ មានទីលំនៅភូមិក្រពើសារ ឃុំដំរិល ស្រុកអូររាំងឪ ត្រូវបានចាប់ខ្លួនក្រោយធ្វើសកម្មភាពសម្លាប់ជនរងគ្រោះ។
ចំណែកជនរងគ្រោះឈ្មោះ មាន វ៉ៃ អាយុ២៩ឆ្នាំ នៅភូមិហួចកើត ឃុំក្រែក ស្រុកពញាក្រែក ជាមន្ត្រីយោធាផ្នែកសឹករងស្រុកពញាក្រែក ត្រូវបានអង្គភាពបញ្ជូនទៅយាមនៅមន្ទីរពេទ្យបង្អែកស្រុកពញាក្រែក។