វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7092 នាក់
ម្សិលមិញ 8227 នាក់
សរុប 14133973 នាក់
ភ្នំពេញ ៖ អតីតគណបក្សសង្គ្រោះជាតិ(CNRP) នៅថ្ងៃទី២ ខែសីហា ឆ្នាំ២០១៨ចេញថ្លែងការណ៍ ស្វាគមន៍ ចំពោះការថ្កោលទោស លទ្ធផលនៃការបោះឆ្នោតសភាអណត្តិទី៦កាលពីថ្ងៃទី២៩កក្កដាដោយបណ្ដារដ្ឋាភិបាលជាច្រើន នៅជុំវិញពិភពលោក ដែលបានចាត់ទុកថា មិនមានប្រជាធិបតេយ្យ និងមិនគោរពតាមឆន្ទៈប្រជាពលរដ្ឋ។
សូមបញ្ជាក់ថាតាមការប្រកាស លទ្ធផលបណ្តោះអាសន្ន របស់គណៈកម្មាធិការជាតិ រៀបចំការបោះ ឆ្នោត (គ.ជ.ប) បានឲ្យដឹងថា ប្រជាពលរដ្ឋបានអញ្ជើញទៅបោះឆ្នោតមាន ចំនួន៨២, ៨៩% បន្ទាប់ពីការស្រង់លទ្ធផលបឋម នៅគ្រប់ការិយាល័យទាំង២២.៩៦៧។
សេចក្ដីថ្លែងការណ៍ របស់អតីត CNRP នៅថ្ងៃទី២ ខែសីហា ឆ្នាំ២០១៨បានឲ្យដឹងថា “គណបក្សសង្គ្រោះជាតិ ស្វាគមន៍ចំពោះការថ្កោលទោសយ៉ាងទូលំទូលាយ ដោយបណ្ដារដ្ឋាភិបាលជាច្រើនជុំវិញ ពិភពលោក ចំពោះដំណើរការនៃការបោះឆ្នោត នៅកម្ពុជា ដែលចាត់ទុកថា មិនមានប្រជាធិតេយ្យ មានដូចជា, ប្រទេសកាណាដា (ក្លែងក្លាយ) ,សហរដ្ឋអាមេរិក (គួរឲ្យបារម្ភយ៉ាងខ្លាំង) ,អូស្ដ្រាលី (មិនស្របច្បាប់) ,សហភាពអឺរ៉ុប (មិនតំណាងឲ្យឆន្ទៈប្រជាធិតេយ្យ របស់ប្រជាពលដ្ឋ) និងខ្វះភាពជឿទុកចិត្តបាន សហភាពអរ៉ុប”។
សេចក្ដីថ្លែងការណ៍បាន គាំទ្រនូវការបញ្ជាក់ជំហរយ៉ាងរឹងមាំ របស់សហភាពអឺរ៉ុប សហរដ្ឋអាមេរិក បារាំង កាណាដា អូស្ដ្រាលី និងបណ្ដាលប្រទេសជាច្រើនផ្សេងទៀត ដែលចាត់ទុកថា ការរំលាយ អតីតCNRP ការឃុំខ្លួនលោក កឹម សុខា ប្រធានគណបក្សសង្គ្រោះជាតិ ព្រមទាំងការព្យួរសិទ្ធិ នយោបាយរយៈពេល៥ឆ្នាំ របស់តំណាងរាស្ដ្រ និងមន្ដ្រីអតីត CNRPគឺជាករណីមិនអាចទទួលយក បានឡើយហើយជាការបោះជំហានដើរ ថយក្រោយនៃដំណើរការលទ្ធិប្រជាធិតេយ្យ នៅកម្ពុជាដែលមានរយៈពេល២៥ឆ្នាំមកហើយ។
ជុំវិញសេចក្តីប្រកាសមិនទទួលស្គាល់ការបោះឆ្នោតពីបណ្តាប្រទេសខាងលើ ក្រសួងការបរទេសខ្មែរ ក៏បានចេញសេចក្ដី ថ្លែងការណ៍បកស្រាយថា អ្នកបោះឆ្នោតនៅ កម្ពុជា ជិត៧លាននាក់ បានជ្រើសរើសមេដឹកនាំរបស់ខ្លួន ហើយគ្រប់គ្នាដាច់ខាតត្រូវ គោរពការជ្រើសរើសនេះ ទោះបីប្រជាជនកម្ពុជា ឬជនបរទេស ជនសាមញ្ញ អ្នកសារព័ត៌មាន សកម្មជន ឬក៏អ្នកការទូត វាជាការជ្រើសរើសរបស់ជាតិខ្មែរ ហើយវាគឺជា អធិបតេយ្យភាពជាតិ ដែលត្រូវតែគោរព។