វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4184 នាក់
ម្សិលមិញ 5304 នាក់
សរុប 14143710 នាក់
ចិន៖ ចិនក្នុងនាមជាប្រធានក្រុមប្រឹក្សាសន្តិសុខប្រចាំខែនេះ បានចដេញមុខធ្វើការអំពាវនាវសាជាថ្មីអោយអាម៉េរិកដើរតួនាទីសកម្មមួយនៅក្នុងការបញ្ចប់ជម្លោះរវាងអ៊ីស្រាអែលប៉ឡេស្ទីននៅតំបន់ហ្កាហ្សានិងឈប់រារាំងកិច្ចខិតខំនៅអង្គការសហប្រជាជាតិដើម្បីស្វែងរកការបញ្ចប់ការបង្ហូរឈាម។
នៅថ្ងៃចន្ទ័ទី១៧ឧសភានេះអ្នកនាំពាក្យក្រសួងការបរទេសចិន លោកហ្សាវ លីជៀន បានទទូចអោយមានបទឈប់បាញ់មួយ និងការផ្តល់ជំនួយមនុស្សធម៌ ក្នុងចំណោមសំណើដទៃទៀត តែការរារាំងពី«ប្រទេសមួយ»មិនអាចអោយក្រុមប្រឹក្សានិយាយចេញមកក្នុងសម្លេងតែមួយ។ «យើងអំពាវនាវអោយអាម៉េរិកបន្តការទទួលខុសត្រូវរបស់ខ្លួន និងប្រកាន់យកគោលជំហរមិនលម្អៀងមួយដើម្បីគាំទ្រក្រុមប្រឹក្សាសន្តិសុខនិងដើរតួនាទីត្រឹមត្រូវរបស់ខ្លួនដើម្បីបន្ធូរបន្ថយស្ថានការណ៍ ហើយស្ថាបនាការជឿទុកចិត្តគ្នាឡើងវិញដើម្បីដំណោះស្រាយនយោបាយមួយ»។
លោកហ្សាវ ថាចិន«ថ្កោលទោសជាខ្លាំង»អំពើហិង្សាលើជនស៊ីវិល ហើយអំពាវនាវអោយបញ្ចប់ការវាយប្រហារតាមអាកាស លើដី ការបាញ់រ៉ុក្កែតនិងអំពីដទៃទៀតដែលធ្វើអោយសភាពការណ៍កាន់តែដុនដាបឡើង។អ៊ីស្រាអែលគួរ«អត់ធ្មត់ អនុវត្តតាមសេចក្តីសំរេចចិត្តពាក់ព័ន្ធរបស់អង្គការសហប្រជាជាតិ ឈប់បំផ្លាញចោលផ្ទះជនប៉ាឡេស្ទីន ឈប់បណ្តេញជនប៉ាឡេស្ទីននិងឈប់ពង្រីកកម្មវិធីនិគមជនរបស់ខ្លួន ឈប់គំរាមប្រើអំពើហិង្សានិងបង្ករឿងលើជនអ៊ីស្លាម ហើយរក្សានិងគោរពឋានៈជាប្រវត្តិសាស្ត្រនៃទីក្រុងហ្សេរុយសាឡឹម ជាទីតាំងពិសិដ្ឋមួយខាងសាសនា»។
សូមបញ្ជាក់ថា មានការអំពាវនាវកាន់តែច្រើនឡើងអោយរដ្ឋការលោកបៃដិនប្រកាន់យកជំហរសកម្មឡើងមួយស្តីពីអំពើហិង្សារវាងអ៊ីស្រាអែលនិងប៉ាឡេស្ទីន។អាម៉េរិកដែលជាសម្ពន្ធមិត្តជិតដិតបំផុតរបស់អ៊ីស្រាអែល បានរារាំងកិច្ចខិតខំដោយចិន ន័រវេស និងទុយនេស៊ី ដើម្បីក្រុមប្រឹក្សាសន្តិសុខអង្គការសហប្រជាជាតិចេញសេចក្តីថ្លែងការណ៍មួយ រួមមានការអំពាវនាវអោយបញ្ចប់អរិភាពផង។
កាលពីសប្តាហ៍មុន ចិនបានចោទប្រកាន់អាម៉េរិកថា «មិនអើពើទុក្ខសោក»របស់ជនអ៊ីស្លាម បន្ទាប់ពីរដ្ឋាភិបាលក្រុងវ៉ាស៊ីនតោនរារាំងកិច្ចប្រជុំមួយរបស់ក្រុមប្រឹក្សាសន្តិសុខដើម្បីដោះស្រាយជម្លោះរវាងអ៊ីស្រាអែលនិងប៉ាឡេស្ទីន។
អ្នកនាំពាក្យក្រសួងការបរទេសលោកស្រី ហួ ជុនយីង បានប្រាប់អ្នកយកព័ត៌មានថា អាម៉េរិកបានរារាំងក្រុមប្រឹក្សាសន្តិសុខមិនអោយនិយាយអំពីវិបត្តិនេះ ដោយ«ឈរនៅម្ខាងពីសហគមន៍អន្តរជាតិ។អ្វីដែលយើងដឹងនៅពេលនេះគឺថា អាម៉េរិកនៅតែនិយាយថាខ្លួនខ្វាយខ្វល់ពីសិទ្ធិមនុស្សរបស់ជនអ៊ីស្លាម…តែខ្លួនកំពុងមិនអើពើការរងទុក្ខរបស់ប្រជាជនប៉ាឡេស្ទីន»។លោកស្រីថា អាម៉េរិកនិងសម្ពន្ធមិត្តបានទាមទារអោយចិនបញ្ចប់ការគាបសង្កត់ជនអ៊ីស្លាមអ៊ុយហ្គួរនៅស៊ីនជាំង តែ«អាម៉េរិកត្រូវដឹងថាអាយុជីវិតជនអ៊ីស្លាមប៉ាឡេស្ទីន ក៏មានតំលៃដូចគ្នា»៕