វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9582 នាក់
ម្សិលមិញ 8227 នាក់
សរុប 14136463 នាក់
ប្រទេសភូមាន៖ គណបក្សសម្ព័ន្ធជាតិដើម្បីប្រជាធិបតេយ្យដែលជាគណបក្សកាន់អំណាចរបស់ប្រទេសមីយ៉ាន់ម៉ា បានប្រកាសនៅថ្ងៃចន្ទ ទី០៩ ខែវិច្ឆិកា ឆ្នាំ២០២០នេះថា បានឈ្នះចំនួនអាសនៈនៅក្នុងរដ្ឋសភាគ្រប់គ្រាន់ ដើម្បីបង្កើតរដ្ឋាភិបាលថ្មី ។
ទីភ្នាក់ងារសារព័ត៌មាន Reuters បានផ្សាយថា៖អ្នកនាំពាក្យគណបក្ស លោក មីយ៉ូនីអ៊ុន(Myo Nyunt) បានប្រាប់ ថា របាយការណ៍ផ្ទៃក្នុងបានបង្ហាញថា គណបក្សសម្ព័ន្ធជាតិដើម្បីប្រជាធិបតេយ្យ របស់លោកស្រី អង់សាន ស៊ូជី បានឈ្នះ ៣២២ អាសនៈ នៅរដ្ឋសភា ដែលគ្រប់គ្រាន់ក្នុងការបង្កើតរដ្ឋាភិបាលថ្មី ទោះបីជាលទ្ធផលរាប់សន្លឹកឆ្នោតផ្លូវការ មិនទាន់ត្រូវបានប្រកាសដោយគណៈកម្មាធិការរៀបចំការបោះឆ្នោតក៏ដោយ។
សូមបញ្ជាក់ថារដ្ឋសភាប្រទេសមីយ៉ានម៉ា(ភូមា) មានចំនួនសរុប ៤២៥ អាសនៈ និង ព្រឹទ្ធសភា មានចំនួនសរុប ២១៧ អាសនៈ ។ គណបក្សសម្ព័ន្ធជាតិដើម្បីប្រជាធិបតេយ្យរបស់លោកស្រី ស៊ូជី បានឈ្នះការបោះឆ្នោតកាលពីឆ្នាំ២០១៥ និងបានដឹកនាំប្រទេស ជាមួយនឹង ៣៩០អាសនៈ។
អ្នកនាំពាក្យគណបក្សនេះ រំពឹងថា លទ្ធផលរាប់សន្លឹកឆ្នោតនៅឆ្នាំ២០២០នេះ គណបក្សរបស់លោកស្រី ស៊ូជី រំពឹងថា នឹងទទួលបានចំនួនអាសនៈច្រើនជាងអាសនៈដែលទទួលបានកាលពីឆ្នាំ២០១៥។អ្នកនាំពាក្យគណបក្សធំទីពីរនៅមីយ៉ាន់ម៉ា គឺគណបក្សសហភាពសាមគ្គីភាព និងការអភិវឌ្ឍ មិនទាន់ចេញមកប្រកាសពីលទ្ធផលរបស់ខ្លួននៅឡើយទេ៕