វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3392 នាក់
ម្សិលមិញ 8227 នាក់
សរុប 14130273 នាក់
សៀមរាប៖ ពិតជាគួរឱ្យកោតសរសើរដល់ស្ត្រីជាអ្នកភូមិថ្នល់បណ្តោយ ក្នុងឃុំព្រះដាក់ម្នាក់ទទួលបានការសើរពីសមត្តកិច្ចដោយសារគិតពីប្រយោជន៍រួមជាធំ សុខចិត្តមិនឱ្យប្តីរបស់ខ្លួនដែលមកពីឆ្ងាយចូលផ្ទះ និងបានរាយការណ៍ដល់អាជ្ញាធរក្នុងមូលដ្ឋាន ដើម្បីទប់ស្កាត់ការរីករាលដាលឆ្លងជំងឺកូវីដ-១៩ក្នុងសហគមន៍បានទាន់ពេលវេលា។
នៅថ្ងៃទី១០ ខែឧសភា ឆ្នាំ២០២១អភិបាលស្រុកបន្ទាយស្រី លោក ឃឹមហ្វីណង់បានឲ្យកាសែតដឹងថា៖ដំបូងឡើយស្ត្រីរូបនេះ មានអារម្មណ៍ និងក្រសែភ្នែក បង្កប់ទៅដោយក្តីព្រួយបារម្ភ លាយឡំនឹងភាពច្របូកច្របល់ នៅពេលដែលទទួលបានដំណឹងថា ប្តីរបស់ខ្លួនមានផ្ទុកវិជ្ជមានមេរោគកូវីដ-១៩។ លោកថាប្រសិនបើអ្នកស្រីមិនបានរាយការណ៍ជូនអាជ្ញាធរជាមុនទេ ទម្រាំតែដឹងប្រហែលជាយឺតពេលមួយជំហានបាត់ទៅហើយ និងអាចនាំឱ្យភូមិទាំងមូលត្រូវបានបិទ និងរំខានដល់មនុស្សរាប់ពាន់នាក់ទៀតផងក៏មិនដឹង។ ក្នុ
ងករណីនេះលោកអភិបាលស្រុកបន្ទាយស្រីអំពាវនាវថា អ្នកបន្ទាយស្រីដទៃទៀត សូមយកគម្រូតាមអ្នកស្រី ដើម្បីជួយការពារស្រុកបន្ទាយស្រីឱ្យរួចផុតពីការផ្ទុះឆ្លងនៅក្នុងសហគមន៍។ បើមិនច្បាស់ក្នុងចិត្តថា សមាជិកក្រុមគ្រួសាររបស់ខ្លួនដែលវិលត្រលប់មកផ្ទះវិញមានផ្ទុកកូវីដ ឬអត់ មកពីតំបន់ហានិភ័យ ឬអត់ ឬមានរោគសញ្ញាណាមួយគួរឱ្យសង្ស័យ សូមជួយរាយការណ៍ឱ្យបានទាន់ពេលវេលាអាជ្ញាធរនឹងមិនខ្ជិល ឬនឿយហត់ដើម្បីយកទៅត្រួតពិនិត្យសុខភាពនោះទេ៕