» កម្ពុជា​បញ្ជូន​តំណាង​ទៅ លើកទឹកចិត្ត​ដល់​វិនិយោគិន​កូរ៉េ ឱ្យ​បន្ត​ស្វែងរក​ឱកាស​វិនិយោគ នៅ​កម្ពុជា​ » រដ្ឋមន្ត្រីការបរទេស​វៀតណាម​ទៅ​ធានា​នៅ​អាមេរិក​ថា​គ្មាន​បញ្ហា​រឿង​ប្រធានាធិបតី​លាលែង​! » ខ្មាន់កាំភ្លើង​ខ្លី​បាន​បាញ់រះ​ចំនួន​០៦​គ្រាប់ ទម្លុះ​ទ្វារផ្ទះ​អ្នកលក់​ទូរស័ព្ទ និង​គ្រឿងអគ្គិសនី​មួយកន្លែង​ម្ចាសផ្ទះ​ថា​អត់​ដឹង​ហង​! » មន្ត្រី​សុរិយោដី​ស្រុក​សំរោង​ទង ស្រវឹងស្រា​បើកឡាន​បុក​ផ្ទាំង​ផ្សាយពាណិជ្ជកម្ម​នៅ​សួនច្បារ​សម្តេចព្រះសង្ឃរាជ ជួន ណាត » ក្រុមហ៊ុនចិន១៧ស្វែងយល់ពីឱកាសវិនិយោគនៅកម្ពុជា » លោក​កើត រិ​ទ្ធ រដ្ឋមន្ត្រីក្រសួង​យុ​ត្តិ​ធ​ម៍​ប្រកាស​បើក​យុទ្ធនាការ​លុប​ពាក្យ​បណ្តាសា ត្រី​មួយ​កន្ត្រក​ស្អុយ​មួយ ស្អុយ​ទាំងអស់​ក្នុង​ប្រព​ន្ធ័​យុ​ត្តិ​ធ​ម៍​ » រុស្ស៊ី​ធ្វើ​សមយុទ្ធ​ក្នុង​សមុទ្រ​ក្បែរ​កោះ​ជប៉ុន​និង​បាន​ព្រមាន​ជប៉ុន​រឿង​លក់​អាវុធ​ចេញ​! » រកឃើញ​ត្រី​លក់​នៅ​ផ្សារ​សាម​គ្គិ​ស្ទឹងត្រែង​មាន​ជាតិពុល​ » រកឃើញ​កន្លែង​បន្លំ​ធ្វើ​ឈាមជ្រូក​និង​សណ្តែកបណ្តុះ​មាន​ជាតិគីមី​ » អ្នកស្រុក​ក្រុង​ហុងកុង នាំគ្នា​តវ៉ា​ប្រឆាំងនឹង​ច្បាប់​សន្តិសុខ​ជាតិ​ថ្មី​ដែល​ទើបបាន​អនុ​ម័​ដែលបិទសេរីភាព » តើករណីយ៍ក្រុមហ៊ុនវិនិយោគCICបោកលុយប្រជាពលរដ្ឋសមត្តកិចរដ្ឋចង់អូសបន្លាយ? » បំបែកសំណុំរឿង​ឃាតកម្ម​សម្លាប់​ញាត់​សព​ក្នុង​វ៉ា​លី​នៅ​ភ្នំពេញ យកទៅ​បោះចោល​នៅ​ខេត្តកោះកុង​ » ក្រសួង​វប្ប​ធ​ម៍​និងឧបនាយករដ្ឋមន្ត្រីហ៊ុនម៉ានីប្រតិកម្ម​រឿង​មិន​រៀបចំ​ស​ង្ក្រា​ន​​ទូរទស្សន៍​ហង្ស​មាស​សុំទោស​ » ហ្វីលីពីន​ថា​៖​ចិន​ថា​កំពុង​ធើ្វ​ការដាក់​ពង្រាយ​របាំង​អណ្តែត​ទឹក​ក្នុង​តំបន់​ជម្លោះ​សមុទ្រ​ចិន​ខាងត្បូង​ » ក្រៅពី​ចុះ​អនុស្សរណៈ​យោគយល់​គ្នា លើ​ឯកសារ​ចំនួន ៧​ជាមួយ​ឡាវ​នាក​យក​រដ្ឋមន្ត្ក្រីកម្ពុជាប្រកាស​ជួយ​១​លាន​ដុល្លារ​ផងដែរ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 5269 នាក់

ម្សិលមិញ 5544 នាក់

សរុប 13946366 នាក់

សម្តេច​តេ​ជោ ហ៊ុន សែន ៖​កម្ពុជា ប្រកាន់ខ្ជាប់​គោលការណ៍​មិន​ជ្រៀតជ្រែក​កិច្ចការ​ផ្ទៃក្នុង​ផង​គ្នា សម្រាប់​បញ្ហា​មី​យ៉ាន់​ម៉ា

 

​ឥណ្ឌូនេស៊ី​៖ ថ្លែង​នៅក្នុង​កិច្ចប្រជុំ​កំពូល​អាស៊ាន​ក្រៅផ្លូវការ នៅ​ទីក្រុង​ហ្សា​ការ​តា សាធារណរដ្ឋ​ឥណ្ឌូនេស៊ី នា​ថ្ងៃទី​២៤ មេសា សម្តេច​តេ​ជោ ហ៊ុន សែន​នាយករដ្ឋមន្ត្រី​កម្ពុជា បាន​ប្រាប់​មេដឹកនាំ​អាស៊ាន​ថា កម្ពុជា​ប្រកាន់ខ្ជាប់​គោលការណ៍​មិន​ជ្រៀតជ្រែក​កិច្ចការ​ផ្ទៃក្នុង​ផង​គ្នា​។a hun indo

​បញ្ហា​មី​យ៉ាន​ម៉ា​សម្តេច​តេ​ជោ ហ៊ុន សែន ថា ក្នុងនាម​ជា​គ្រួសារ​អាស៊ាន​តែមួយ កម្ពុជា បាន​តាមដាន​យ៉ាង​យកចិត្តទុកដាក់​អំពី​ស្ថានការណ៍​នៅ​មី​យ៉ាន់​ម៉ា ដែល​កាន់​តែមាន​សភាព​ស្រួចស្រាវ និង​ស្មុ​គ្រ​ស្មាញ​គួរ​ឲ្យ​ព្រួយបារម្ភ​។ កម្ពុជា​គាំទ្រ​សេចក្តីថ្លែងការណ៍​របស់​ប្រធាន​អាស៊ាន កាលពី​ថ្ងៃទី​១ ខែកុម្ភៈ និង​ក្រោយពី​កិច្ចប្រជុំ​រដ្ឋមន្ត្រីការបរទេស​អាស៊ាន ថ្ងៃទី​២ ខែមីនា ដែល​អំពាវនាវ​ឲ្យ​គ្រប់ភាគី រក្សា​ការអត់ធ្មត់ ចៀសវាង​អំពើហិង្សា និង​ធ្វើការ​ចរចា​រក​ដំណោះស្រាយ​ដោយ​សន្តិវិធី​។

​អំពី​នី​តី​វិធី​ដោះស្រាយ​សម្តេច​តេ​ជោ បាន​លើកឡើងថា “​កម្ពុជា គាំទ្រ​ដល់​តួនាទី​សម្របសម្រួល​របស់​ប្រធាន​អាស៊ាន ក៏ដូចជា​អគ្គលេខាធិការ​អាស៊ាន និង​សមាជិក​អាស៊ាន​ផ្សេងទៀត ដែល​អាច​ដើរតួនាទី​ជា​បេសកជន​ពិសេស​របស់​អាស៊ាន ក្នុងការ​បង្កើត​បរិយាកាស​អនុគ្រោះ ដើម្បី​ជំរុញ​ឲ្យ​មាន​ការចរចា​ប្រកបដោយ​លក្ខណ​:​ស្ថាបនា ដើម្បី​ជួយ​មី​យ៉ាន់​ម៉ា ដោះស្រាយ​វិបត្តិ និង​ទប់ស្កាត់​កុំ​ឲ្យ ស្ថានការណ៍​ធ្លាក់​កាន់តែ​ដុនដាប ពោលគឺ​យើង​អាច​ពិចារណា ប្រើ​យន្តការ​អាស៊ាន​ត្រីភាគី (ASEAN Troika) ដើម្បី​ជួយ​សម្របសម្រួល​រវាង​ភាគី​ពាក់ព័ន្ធ ដើម្បី​ជំរុញ​ការចរចា​ដោយ​ស្ងាត់ៗ រវាង​ភាគី​ពាក់ព័ន្ធ​។ បើ​មាន​ការជួយ​សម្របសម្រួល​នោះ​ភាគី ដែល​កំពុង​ប្រឈមមុខ​ដាក់គ្នា អាច​ងាក​មករក​ការដោះស្រាយ ដោយ​សន្តិវិធី​វិញ ពោលគឺ​គ្មាន​ភាគី​ណា​ចង់ ឃើញ​ការ​បង្ហូរឈាម និង​បាត់បង់ ជីវិត​ប្រជាជន​នោះទេ​”​។​សម្តេច​តេ​ជោ​បញ្ជាក់ថា​ថា ក្នុងនាម​ជា​សមាជិក​នៃ​គ្រួសារ​អាស៊ាន កម្ពុជា​ត្រៀមខ្លួន ជានិច្ច​ក្នុងការ​ចូលរួម​ជាមួយ​ប្រទេស​អាស៊ាន​ផ្សេងទៀត ដើម្បី​ជួយ​មី​យ៉ាន់​ម៉ា ត្រឡប់​ទៅរក​ភាព​ប្រ​ក្រី​ឡើងវិញ ក្នុងតួនាទី និង​តាម​ទម្រង់​ណាមួយ ដែល​អាចធ្វើ​ទៅបាន អនុលោម​តាម​គោលការណ៍​អាស៊ាន ហើយ​គ្រប់ភាគី​ទាំងអស់ អាច​ទទួលយកបាន​។​

​សម្រាប់ ការរៀបចំ​ទស្សនវិស័យ​សហគមន៍​អាស៊ាន ក្រោយ​ឆ្នាំ​២០២៥ សម្តេច​វាយតម្លៃ​ខ្ពស់​ចំពោះ​ដំណើរ​ទៅមុខ​ក្នុង​កិច្ចប្រឹងប្រែង រៀបចំ​ផែនទី​បង្ហាញផ្លូវ អនុវត្ត​ការងារ និង​ការដាក់ចេញ នូវ​លក្ខខណ្ឌ​ប្រតិបត្តិ សម្រាប់​ការចាត់តាំង​ក្រុមការងារ​ជាន់ខ្ពស់ ដើម្បី​រៀបចំ​ទស្សនវិស័យ សមាគមន៍​អាស៊ាន​ក្រោយ​ឆ្នាំ​២០២៥ ខណ​: ដែល​យើង​បន្ត​ខិតខំ អនុវត្ត​ឲ្យ​បាន​ពេញលេញ​នូវ ទស្សន វិស័យ​សហគមន៍​អាស៊ាន​ឆ្នាំ​២០២៥ ទោះបី​មាន​បញ្ហា​កូ​វីដ​-១៩​។
​លើ​ការរក្សា​សន្តិភាព សន្តិសុខ និង​វិបុលភាព​តំបន់ សម្តេច​តេ​ជោ បាន​ថ្លែងថា ការរក្សា​សាមគ្គី ភាព នឹង​បន្ត​ពង្រឹង​តួនាទី​ស្នូល​របស់​អាស៊ាន មាន​សារ​:​សំខាន់​ស្លាប់​រស់ ពុំ​នោះទេ ការកសាង សហគមន៍​អាស៊ាន មិនអាច​បន្ត​ទៅមុខ​បានឡើយ​។

សម្តេច​តេ​ជោ​ផ្តល់​អនុសាសន៍​ថា​៖ អាស៊ាន ត្រូវតែ​ខិតខំ​ជំរុញ​កិច្ចសហប្រតិបត្តិការ​ជាមួយ​ដៃគូ​ខាងក្រៅ ដើម្បី​អនុវត្ត​ឲ្យ​បាន​ជោគជ័យ​នូវ​ផែនការ សកម្មភាព ក្នុង​ក្របខណ្ឌ​ស្តារឡើងវិញ​នូវ​ទូលំទូលាយ​របស់​អាស៊ាន (ASEAN Comprehensive Recovery Framework) ។ លើ​ការលើកកម្ពស់​ទំនាក់ទំនង​អាស៊ាន ជាមួយ​ដៃគូ​ខាងក្រៅ សម្តេច​តេ​ជោ​ថ្លែងថា អាស៊ាន​គួរតែ​លើកកម្ពស់ និង​ពង្រីក​ទំនាក់ទំនង​ជាមួយ​ដៃគូ​ខាងក្រៅ ព្រោះ​វា សំខាន់​សម្រាប់ ជំរុញ​ដំណើរការ​អាស៊ាន ទាំង​វិស័យ​នយោបាយ និង​សន្តិសុខ ក៏ដូចជា​ការអភិវឌ្ឍ​សេដ្ឋកិច្ច​-​សង្គម នៅក្នុង​តំបន់ ពិសេស​ការសិក្សា​វាយតម្លៃ​ឲ្យ​បាន​ល្អិតល្អន់ រាល់​សំណើរ​សុំ​តម្លើង​កម្រិត​ទំនាក់ទំនង និង​បង្កើត​ទំនាក់ទំនង​ជាមួយ​អាស៊ាន ក្នុងនោះ រួមមាន​ពី​ចិន អូស្ត្រាលី និង​អង់គ្លេស​។​

​កិច្ចប្រជុំ​ក្រៅផ្លូវការ​នៅ​ទីក្រុង​ហ្សា​ការ​តា​រវាង ប្រមុខរដ្ឋ ប្រមុខ​រដ្ឋាភិបាល នៃ​ប្រទេស​អាស៊ាន លើកលែងតែ​ប្រធានាធិបតី​ហ្វីលីពីន នាយករដ្ឋមន្ត្រី ឡាវ នាយករដ្ឋមន្ត្រី​ថៃ​បញ្ជូន​តំណាង​ឲ្យ​ចូលរួម​ក្រោម​គំនិត​ផ្តួចផ្តើម​របស់ លោក យូ​កូ វី​ដូ​ដូ ប្រធានាធិបតី នៃ សាធារណរដ្ឋ​ឥណ្ឌូនេស៊ី និង​ព្រះ​ចៅ​ស៊ុ​លត​ង់ ហា​ជី ហាស​សា​ណា​ល់ បុល​គី​យ៉ា​ស់ មុយ​អ៊ី​ហ្សា​ឌី​ន វ៉ា​ឌូ​ឡា​ហ៍ នៃ​ប្រទេស​ប្រុយ​ណេ ក្នុងនាម​ជា​ប្រធាន​អាស៊ាន​។ កិច្ចប្រជុំ​កំពូល​ពិសេស​ក្រៅផ្លូវការ​នេះ ប្រទេស​មី​យ៉ាន់​ម៉ា ត្រូវបាន​អញ្ជើញ​ចូលរួម​ដោយ ឧ​ត្ត​ម​សេនីយ៍ មីន អោ​ង ហ្លេ​ង ប្រមុខ​យោធា​មី​យ៉ាន់​ម៉ា​។ មាន​របៀប​វារ​:​សំខាន់ៗ​ចំនួន​៣ រួមមាន​ទី​១ ការកសាង​សហគមន៍​អាស៊ាន ទី​២ ទំនាក់ទំនង​ខាងក្រៅ និង​ទី​៣ ការផ្លាស់ប្តូរ​យោបល់​លើ​បញ្ហា​តំបន់ និង​អន្តរជាតិ បាន​ប្រារព្វ​ធ្វើឡើង​នៅក្នុង​កិច្ចប្រជុំ​កំពូល​អាស៊ាន​ពិសេស​ក្រៅផ្លូវការ នាទី​ស្នាក់ការ​ថ្មី នៃ​លេខាធិការ​អាស៊ាន ក្នុង​ទីក្រុង​ហ្សា​ការ​តា សាធារណរដ្ឋ​ឥណ្ឌូនេស៊ី រសៀល​ថ្ងៃទី​២៤​មេសា​នេះ​។​

​សូមបញ្ជាក់ថា​មាន​អង្គការ​សង្គម​ស៊ីវិល​នៅ​កម្ពុជា និង​អង្គការ​ថ្នាក់​តំបន់​ចំនួន​៧​ផ្សេងទៀត បានចេញ​សេចក្តីថ្លែងការណ៍​រួម​នៅ​ថ្ងៃទី​២២​មេសា ដោយ​ថ្កោលទោស​សមាគម​ប្រជា​តិ​អាស៊ីអាគ្នេយ៍ ហៅ​កាត់​ថា​អាស៊ាន​។ ថ្កោលទោស​ក៏​ព្រោះតែ​អាស៊ាន​អញ្ជើញ​តែ​មេដឹកនាំ​យោធា​ភូមា​ដែល​បានធ្វើ​រដ្ឋប្រហារ​ទម្លាក់​រដ្ឋាភិបាល​ស៊ីវិល ឲ្យ​ចូលទៅ​អង្គុយ​តុ​ប្រជុំ​ពិសេស​មួយ​នៅថ្ងៃនេះ ស្តីពី​បញ្ហា​ភូមា តែ​មិនបាន​អញ្ជើញ​តំណាង​រដ្ឋាភិបាល​ស្រមោល​របស់លោក​ស្រី ស៊ូ​ជី នោះឡើយ​។

​តាមរយៈ​សេចក្តីថ្លែងការណ៍​ពី​ទីក្រុង​បាងកក នៅ​ថ្ងៃទី​២២​មេសា ក្រុម​បណ្តាញ​អង្គការ​សង្គម​ស៊ីវិល​ថ្នាក់​តំបន់​ដែល​ធ្វើការ​ផ្នែក​សិទ្ធិ​មូលដ្ឋាន ហៅ​កាត់​ថា LOCOA បាន​ហៅ​កិច្ចប្រជុំ​ពិសេស​មួយ​នៅថ្ងៃនេះ​របស់​មេដឹកនាំ​អាស៊ាន​ស្តីពី​បញ្ហា​ភូមា ថា​ជាការ​គាំទ្រ​ដោយ​បើកចំហ​ចំពោះ​ការ​លួច​ប្លន់​អំណាច​ដោយ​រដ្ឋប្រហារ​ខុសច្បាប់​ពី​សំណាក់​ពួកយោធា និង​បានធ្វើឱ្យ​ខូច​កេរ្តិ៍ឈ្មោះ​របស់​អាស៊ាន​និ​ងំ​ពា​វនា​វ​កុំ​ឲ្យ​ទទួលស្គាល់រ​បរប​យោធា​នេះ​ថែម​ទៀតផង​។​
​ក្រុម​បណ្តាញ​អង្គការ​សង្គម​ស៊ីវិល​ថ្នាក់​តំបន់​ដែលមាន​សមាជិក​នៅ​ប្រទេស ឥណ្ឌា ហ្វីលីពីន ឥណ្ឌូនេស៊ី កូរ៉េខាងត្បូង ថៃ បង់​ក្លា​ដែ​ស ភូមា និង​កម្ពុជា បាន​គូសបញ្ជាក់ថា ចាប់តាំងពី​មាន​រដ្ឋប្រហារ​នៅ​ថ្ងៃទី​០១ កុម្ភៈ​មក ក្រុមអ្នកតវ៉ា​ដើម្បី​ប្រជាធិបតេយ្យ​ជាង ៤.០០០ នាក់​ត្រូវបាន​ចាប់ខ្លួន ក្នុងនោះ​ជាង ៣.០០០ នាក់​កំពុង​ជាប់ឃុំ​នៅឡើយ​។ ធ្ងន់ធ្ងរ​ជាងនេះទៀត គឺ​ប្រជាជន​ភូមា​យ៉ាងតិច ៧៣៨ នាក់​ត្រូវបាន​បាញ់សម្លាប់​យ៉ាង​សាហាវ​ពី​សំណាក់​ពួកយោធា រាប់ទាំង​ជនរងគ្រោះ​ខ្លះ​មាន​អាយុ​ត្រឹមតែ​៥​ឆ្នាំ​។​a hun indo a hun indo1