» មនុស្ស​៤​នាក់​បាន​បាត់​បង់ជីវិត និង​មនុស្ស​២​នាក់​ទៀត ត្រូវ​រងរបួស​ធ្ងន់​ពេល ដើរ​រើស​ជ័រ កាច់​ផ្ដៅ​ក្នុងព្រៃ » ក្រសួង​ការងារ ចុះ​កិច្ចព្រមព្រៀង​ជាមួយ​អង្គភាព​អភិវឌ្ឍន៍​ធនធានមនុស្ស​កូរ៉េ ដើម្បី​ពង្រឹង​កិច្ចសហប្រតិបត្តិការ និង​ប្រសិទ្ធភាព​នៃ​ការបញ្ជូន​ពលករ​ » ជញ្ជីង​ថ្លឹង​រថយន្ត​នៅ​ផ្លូវជាតិ​លេខ ៤​ក្នុងស្រុក​អង្គស្នួល​ក្លាយជា​កន្លែង​ថ្លឹង​លុយ​របស់លោក​ប្រធាន​ស្ថានីយ៍​!? » មានការ​វាយ​ប្រយុទ្ធ​គ្នា​ជាថ្មី​នៅ​តំបន់​ព្រំដែន​ថៃ​-​មី​យ៉ាន់​ម៉ា​បន្ទាប់ការអំពាវនាវរដ្ឋមន្ត្រីការបរទេសអាស៊ាន » ស្ត្រី​ម្នាក់​ត្រូវ​បុរស​ម្នាក់ យក​កាំបិត​ចុង​ស្រួច​ចូលទៅ​ចាក់​សម្លាប់​ ​ដល់​ក្នុងផ្ទះ រួច​អារ​.​ក សម្លាប់​ខ្លួនឯង តែ​មិន​ស្លាប់​ » នាយករដ្ឋមន្ត្រី ណា​រិ​ន្ទ្រ មូ​ឌី និង​មេដឹកនាំ​បក្សប្រឆាំង​បញ្ចប់​យុទ្ធនាការ​ឃោសនាបោះឆ្នោត​ » ទាហាន​ឈុតខ្មៅ​ថៃ​ដើរល្បាត​តាម​ព្រំដែន​ក្នុង​ដី​ខ្មែរ​យ៉ាង​គឃ្លើន តែ​ទាហាន​ខ្មែរ​បែរជា​ហាម​ពលរដ្ឋ​ខ្មែរ​កុំ​បង្ហោះ​ព័ត៌មាន​ឬ Videos ស្តីពី​សកម្មភាព​របស់​ទាហាន​ថៃ​ទៅវិញ !? » ពលរដ្ឋ​ខ្មែរ​ម្នាក់​ត្រូវ​សមត្ថកិច្ច​ឃាត់ខ្លួន​ជាមួយ​ទឹកប្រាក់​៦១៨,០០០ បាត​ » យុវជន​ពីរ​នាក់​បាន​ស្លា​.​ប់​ភ្លាមៗ​នៅ​កន្លែងកើតហេតុ​ដោយសារ​ជិះ​ម៉ូតូឌុប​គ្នា​ទៅបុក​រថយន្ដ​មួយគ្រឿង បើក​ដោយ​នារី​ម្នាក់​ » សំណុំរឿង​ក្រុមហ៊ុន​ប្រ៊ី​លាន​អតីត​ឧកញ៉ា​ឡេង ចាន់ណា តុលាកា​សម្រេច​បង្កក​គ​ណ​នី​ធនាគារ​ចំនួន​១៨៣ និង​ទ្រព្យសម្បត្តិ​មួយចំនួន​, » អធិការបតី​អាល្លឺម៉ង់​ទៅ​ចិន​លើក​ទី​២​បង្ក​ឲ្យ​មានការ​ចាប់អារម្មណ៍​និង​តាមដាន​ » សប្បាយ​និង​ទុក្ខ​កើតឡើង​ពេល​ចូលឆ្នាំ​ប្រពៃណី​យ៍​ជាតិខ្មែរ​ឆ្នាំរោង​ » អ៊ីរ៉ង់ ព្រមាន​អ៊ីស្រាអែល​ថា​នឹង «​រង​ការវាយប្រហារ​ខ្លាំង​ជាង​នេះ​» ប្រសិនបើ​ចាត់វិធានការ​ឆ្លើយតប​មកលើ​ខ្លួន​វិញ​ដែល​ជាការ​បង្ហាញថា​អ៊ីរ៉ង​ចង់​ចប់​ត្រឹមហ្នឹង​?! » នៅ​ខេត្ត​ព្រះសីហនុ​អ្នក​រៀប​កម្មវិធី Miss Grand Cambodia 2024​ធ្វើ​សន្និសីទកាសែត​ប្រាប់​ពី​កម្មវិធី​បន្ត​ » អភិបាលខេត្ត​កំពង់ស្ពឺ​ប្រគល់​ម៉ូតូ​៤​គ្រឿង​ជូន​ក្រុមការងារ​បរិស្ថាន​ដែល​រង​ការដុត​បំផ្លាញ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 6569 នាក់

ម្សិលមិញ 6359 នាក់

សរុប 14093202 នាក់

ខ្មែរ និង​ខ្មែរ ជា​តួអង្គ​សំខាន់បំផុត​សំរាប់​បង្កើត​ ​កិច្ចព្រមព្រៀង​សន្តិភាព​ទីក្រុង​ប៉ារីស ២៣ តុលា​

​បន្ទាយមានជ័យ​៖ ថ្ងៃទី​២៣ ខែតុលា ឆ្នាំ​២០២២​នេះ គឺជា​ខួប ៣១​ឆ្នាំ (២៣ តុលា ១៩៩១-២៣ តុលា ២០២២) នៃ​កិច្ចព្រមព្រៀង​សន្តិភាព ទីក្រុង​ប៉ារីស​។ សម្តេច​តេ​ជោ ហ៊ុន សែន​នាយករដ្ឋមន្ត្រី​ក្នុងឱកាស​ចែក​អំណោយ​ជា​ស្រូវពូជ​ជូន​ប្រជាពលរដ្ឋ​រងគ្រោះ​ដោយ​ទឹកជំនន់​ចំនួន​៥​ពាន់​គ្រួសារ​នៅ​ខេត្តបន្ទាយមានជ័យ បាន​ថ្លែងថា «​ខ្មែរ និង​ខ្មែរ ជា​តួអង្គ​សំខាន់បំផុត​សំរាប់​កិច្ចព្រមព្រៀង​សន្តិភាព​ទីក្រុង​ប៉ារីស ២៣ តុលា​»​។a peace acord

​សម្តេច​តេ​ជោ ហ៊ុន សែន ក៏បាន​រំលឹកថា «​មុននឹង​ឈាន​មកដល់​កិច្ចព្រមព្រៀង​នាទី​ក្រុងប៉ារីស ២៣ តុលា គឺ​សម្តេច​តេ​ជោ ហ៊ុន សែន បាន​ជួបពិភាក្សា​ដំបូង​បំផុត​ជាមួយ អតីតព្រះមហាក្សត្រ​ខ្មែរ សម្តេចព្រះ នរោត្តម សីហនុ នៅ​ថ្ងៃទី​០២ ខែធ្នូ ឆ្នាំ​១៩៨៧ នៅ FERE-EN-TARDENOIS នៅ​ប្រទេស​បារាំង ដែល​ការចរចា​នេះ មាន​សេចក្តីប្រកាស​រួម​ឡាយព្រះហស្តលេខា​ដោយ សម្តេចព្រះ នរោត្តម សីហនុ និង សម្តេច​តេ​ជោ ហ៊ុន សែន ដែល​ហៅថា (​ជំនួប​ចរចា សីហនុ​-​ហ៊ុន សែន នៅ FERE-EN-TARDENOIS ថ្ងៃទី​០២-០៤ ខែធ្នូ ឆ្នាំ​១៩៨៧)​។​បន្ទាប់មក​ក៏មាន​កិច្ចចរចា​បន្ត​រវាង សីហនុ​-​ហ៊ុន សែន លើក​ទី ២ ប្រព្រឹត្តឡើង​នៅ​ថ្ងៃទី​២០-២១ ខែមករា ឆ្នាំ​១៩៨៨ នៅ SAINT-GERMAIN-EN-LAYE ប្រទេស​បារាំង និង​នៅ​ទីកន្លែង​ផ្សេងៗ​មួយចំនួនទៀត​»​។

​សម្តេច​បន្តថា «៣១​ឆ្នាំមុន នៅ​ថ្ងៃទី​២៣ ខែតុលា ឆ្នាំ​១៩៩១ ភាគី​ទាំង​៤ របស់​កម្ពុជា រួមមាន សម្តេច​តេ​ជោ ហ៊ុន សែន តំណាងឱ្យ​រដ្ឋាភិបាល​ក​ម្ពុ​ជា ចលនា​តស៊ូ​ហ្វ៊ុនស៊ិនប៉ិច ដែល​តំណាង​ដោយ​សម្តេចព្រះ នរោត្តម សីហនុ និង​សម្តេចក្រុមព្រះ នរោត្តម រណ​ប្ញ​ទ្ឋិ រណសិរ្ស​ជាតិ​រំដោះ​ប្រជាពលរដ្ឋ​ខ្មែរ ដែល​តំណាង​ដោយ លោក សឺ​ន សាន និង ក្រុម​ចលនា​កម្ពុជា​ប្រជាធិបតេយ្យ (​ប៉ុលពត​) តំណាង​ដោយ លោក ខៀវ សំផន បាន​ឈានទៅ​ចុះហត្ថលេខា លើ​កិច្ចព្រមព្រៀង​សន្តិភាព នៅ​ទីក្រុង​ប៉ារីស ប្រទេស​បារាំង ក្រោម​វត្តមាន​សាក្សី​មកពី ១៨​ប្រទេស រួមទាំង​អគ្គលេខាធិការ​អង្គការសហប្រជាជាតិ (UN) ផងដែរ ដើម្បី​បញ្ចប់​សង្គ្រាមស៊ីវិល​នៅ​កម្ពុជា​។​សម្តេច​តេ​ជោ ក៏បាន​បញ្ជាក់ថា «​អ៊ុនតាក់ ចាយលុយ​អស់​ជាង​២​ពាន់​លាន មិនអាច​បញ្ចប់សង្គ្រាម មិនអាច​រក​សន្តិភាព​ជូន​កម្ពុជា​បានទេ »​។ សម្តេច​ក៏បាន​រំលឹក​ពី​នយោបាយ​ឈ្នះ ឈ្នះ ដែល​បាន​ដាក់ចេញ​កាលពី​ចុងឆ្នាំ​១៩៩៨ ដោយ​មិន​យក​សង្គ្រាម បញ្ចប់សង្គ្រាម និង​មិន​បង្ហូរឈាម កម្ពុជា​ទូទាំងប្រទេស បាន​ស្គាល់ នូវ​សន្តិភាព​ពេញលេញ និង​សម្បូរ​សប្បាយ​រហូតមក​ដល់​សព្វថ្ងៃ​»​។

​ដោយ​ឡែ​ក​គណបក្ស​ប្រជាធិបតេយ្យ​មូលដ្ឋាន​វិញបាន​លើកឡើងថា​បើទោះបីជា​ពេលវេលា​បាន​កន្លងផុតទៅ ៣១​ឆ្នាំ​ហើយក៏​ដោយ ក៏​កិច្ចព្រមព្រៀង​សន្តិភាព​ទីក្រុង​ប៉ារីស នៅតែមាន​តម្លៃ និង​សារសំខាន់​សម្រាប់​កម្ពុជា ជាពិសេស ក្នុង​ដំណើរ​ការកសាង​សង្គម​ប្រជាធិបតេយ្យ ការការពារ​អធិបតេយ្យភាព​ជាតិ និង​បូរណភាព​ដែនដី​។​តាមរយៈ​សារ​ពត៍​មាន​គណបក្ស​នេះ អំពាវនាវ​ដល់​ភាគី​នយោបាយ​ខ្មែរ​ទាំងអស់​បញ្ឈប់​នូវ​របៀប​ធ្វើ​នយោបាយ ដោយ​បណ្តុះ​កំហឹង​សងសឹក និង​កម្ចាត់​គ្នា​ទៅវិញទៅមក ដែល​ខុស​ផ្ទុយ​ពី​ស្មារតី​នៃ​កិច្ចព្រមព្រៀង​សន្តិភាព​ទីក្រុង​ប៉ារីស ហើយ​ចាប់យក​មធ្យោបាយ​អហិង្សា ក្នុងការ​ប្រកួតប្រជែង​គ្នា តាមរយៈ​សន្លឹកឆ្នោតរ​បស់​ប្រជាពលរដ្ឋ​។​

​គណបក្ស​ប្រជាធិបតេយ្យ​មូលដ្ឋាន ទាមទារ​ឱ្យ​រាជរដ្ឋាភិបាល​ដោះលែង និង​ផ្តល់​សិទ្ធិសេរីភាព​ដល់​អ្នកទោស​នយោបាយ​ទាំងអស់ និង​រៀបចំ​បរិយាកាស​សម្រាប់​ការប្រកួតប្រជែង​ការបោះឆ្នោត​ជ្រើសតាំង​តំណាងរាស្ត្រ​អាណត្តិ​ទី​៧ ឱ្យបាន​ស្មើភាព ប្រកបដោយ​សេរី​និង​យុត្តិធម៌​ត្រឹមត្រូវ ដើម្បី​ជា​ឧ​ត្ត​ម​ប្រយោជន៍​ដល់​សន្តិភាព​យូរអង្វែង ប្រជាធិបតេយ្យ​សេរី​ពហុបក្ស ក៏ដូចជា​ការលើកស្ទួយ​កិត្យានុភាព​ជាតិខ្មែរ​លើ​ឆាក​អន្តរជាតិ​។​

​គណបក្ស​ភ្លើងទៀន​វិញ​កត់សំគាល់ថា ក្នុង​រយៈពេល​កន្លងមក​នេះ កិច្ចព្រមព្រៀង​ក្រុងប៉ារីស មិនត្រូវ​បាន​គោរព និង​អនុវត្ត​ឲ្យ​បាន​ពេញលេញ​ឡើយ ដូចជា​អធិបតេយ្យ​កម្ពុជា​នៅ​រង​ការគំរាមកំហែង ប្រព័ន្ធតុលាការ​មិនទាន់​ឯករាជ្យ ការគោរព​សិទ្ធិមនុស្ស​ធ្លាក់ចុះ​នៅ​ប៉ុន្មាន​ឆ្នាំ​ចុងក្រោយ​នេះ​។ លោក គង់ គាំ​ដែល​ទើប​ទទួលបាន​ការតែងតាំង​ជា ទីប្រឹក្សា​គណបក្ស​ភ្លើងទៀន បានចេញ​សេចក្តីថ្លែងការណ៍​ដោយឡែក​មួយ ដោយបាន​កត់សំគាល់ រយៈ​៣១​ឆ្នាំ​មកនេះ ទោះជា​ដំណើរការ​ប្រជាធិបតេយ្យ​សេរី​ពហុបក្ស ការបោះឆ្នោត​ជា​ទៀងទាត់ មិនទាន់មាន​យុត្តិធម៌​យ៉ាងណាក៏ដោយ តែ​ក្រោយ​កិច្ចព្រមព្រៀង​នេះ កម្ពុជា​ទទួលបាន​ការ​អភិវឌ្ឍន៍​មិនអាច​បដិសេធ​បានឡើយ​.​។​

​សូមបញ្ជាក់ថា​ព្រឹទ្ធសភា​សហរដ្ឋអាមេរិក កាលពី​ថ្ងៃទី​១២ ខែឧសភា ឆ្នាំ​២០២២ បានអនុម័ត​ជា​ឯកច្ឆន្ទ​លើ​សេចក្ដីសម្រេចចិត្ត​លេខ​៤២៧ ក្នុងការ​រម្លឹក​ដល់​ខួប​លើក​ទី​៣០ នៃ​កិច្ចព្រមព្រៀង​សន្តិភាព​ទីក្រុង​ប៉ារីស ឆ្នាំ​១៩៩១ ដែល​បានបញ្ចប់​សង្គ្រាម​មានរ​យៈ​ពេល​រាប់​ទសវត្សរ៍ និង​ធ្វើឱ្យ​ប្រទេស​កម្ពុជា​ស្ថិតនៅ​លើផ្លូវ​នៃ​សន្តិភាព ស្ថិរភាព និង​វិបុលភាព​។​ព្រឹទ្ធសភា​សហរដ្ឋអាមេរិក បាន​អំពាវនាវ​ឱ្យ​ប្រទេស​ហត្ថលេខី​នៃ​កិច្ចព្រមព្រៀង​ទាំងអស់ បំពេញ​ការប្តេជ្ញាចិត្តរ​បស់​ខ្លួន​ក្នុងការ​ធានាបាន​នូវ​សន្តិភាព វិបុលភាព ប្រជាធិបតេយ្យ និង​អធិបតេយ្យភាព​កម្ពុជា​។​​សេចក្តីសម្រេចចិត្ត​លេខ​៤២៧ បាន​ជំ​រុញឱ្យ​រដ្ឋាភិបាល​កម្ពុ​ជា​ចាំបាច់​ត្រូវ​រៀបចំ​ការបោះឆ្នោត​ឃុំ​-​សង្កាត់ ឆ្នាំ​២០២២ និង​ការបោះឆ្នោតជាតិ ឆ្នាំ​២០២៣ ឱ្យបាន​សេរី ត្រឹមត្រូវ និង​យុត្តិធម៌​។ ជាងនេះទៀត ត្រូវការពារ​សិទ្ធិមនុស្ស និង​ស្ថាប័ន​ប្រជាធិបតេយ្យ ហើយ​ត្រូវ​លើកលែង​ការចោទប្រកាន់ ការកាត់ទោស​លើ​ក្រុម​អ្នកនយោបាយ​ប្រឆាំង អ្នកកាសែត និង​សកម្មជន​សិទ្ធិមនុស្ស និង​កុំ​បំពាន​គោលជំហរ​អព្យាក្រឹត​របស់​កម្ពុជា​។a hun tola a hun tola1 a peace acord1