សមិទ្ធផលទំនើបកម្មមូលដ្ឋានសមុទ្ររាម និងមជ្ឈមណ្ឌលភស្តុភារ និងហ្វឹកហ្វឺនរួមគ្នាកម្ពុជា-ចិន ផែរាមត្រុវបានប្រកាសឲ្យប្រើប្រាស!

ជនជាតិកាមេរ៉ូនម្នាក់ធ្លាប់ជាប់គុកតែដោះលែងទុកឲ្យប្រព្រឹត្ត ករណីជម្រឹតទាប្រាកស្ត្រីឡាវ២០ម៉ឺនដុល្លារទៀត!

អ្នកកាសែតចង់បានច្បាប់ស្តីពីសិទ្ធទទួលនិងផ្តល់ពត៍មានទើបងាយរកពត៍មានពិត

ទីតាំងសិប្បកម្មកែច្នៃឈើដុះស្លែចំនួនជិត២០កន្លែង នៅក្នុងភូមិសាស្ត្រ សង្កាត់អូរស្មាច់ នៅតែដំណើរការយ៉ាងរលូន!?

រដ្ឋមន្ត្រីក្រសួងព័ត៌មាន ប្រកាសបើក យុទ្ធនាការ «និយាយថាទេ ចំពោះព័ត៌មានក្លែងក្លាយ!» ចាប់ពីថ្ងៃទី១មេសា

ក្រុមហ៊ុនតៃវ៉ាន់មួយបញ្ជាទិញគ្រាប់ស្វាយចន្ទីកែច្នៃរួចពីកម្ពុជាចំនួន ៣ពាន់តោនក្នុង ១ឆ្នាំ!

កាស៊ីណូ ក្បែរច្រកទ្វារព្រំដែនអន្ដរជាតិបន្ទាយចក្រី ជាទីតាំងលេងល្បែងស៊ីសងគ្រប់ប្រភេទ បើកអោយខ្មែរ និងយួន ចូលមកលេងល្បែង សមត្ថកិច្ច និង អាជ្ញាធរសម្ងំប្រមូលលាភសក្ការ!

ជាច្រើនទៀត

ចំនួនអ្នកទស្សនា

ថ្ងៃនេះ 2295 នាក់

ម្សិលមិញ 3250 នាក់

សរុប 16500719 នាក់

ភ្នំមួយមានខ្លាពីរ...កើតជម្លោះបែកផ្សែងថ្ងៃហែកឋិនចូលនៅវត្តពន្លៃកំហុសគឺមកពីអាជ្ញាធរតែម្តង!

30-March-2025 / ផ្សេងៗ

ខេត្តព្រៃវែង ៖ពុទ្ធបរិស័ទ២ក្រុម បានប៉ះទង្គិចពាក្យសម្តីគ្នា ក្នុងជម្លោះមួយធ្វើឱ្យមានភាពរញ៉េរញ៉ៃ កាលពីថ្ងៃទី១៨ ខែតុលា ២០២៤ នៅក្នុងទីអារាមវត្តពន្លៃ ដែលស្ថិតក្នុងឃុំអង្គរស ស្រុកមេសាង ខេត្តព្រៃវែង ក្នុងពេលដែលពុទ្ធបរិស័ទជិតឆ្ងាយ បានដង្ហែរអង្គកឋិនទានចូលមកកាន់វត្តពន្លៃនេះជាថ្ងៃទី១នៃកឋិនទាន។ទំនាស់គ្នានេះបានកើតឡើងដោយសារតែវត្តពន្លៃនេះមានព្រះគ្រូចៅអធិការ២អង្គ ហើយដណ្ដើមគ្នាគ្រងត្រៃកឋិន(ក្រាលគ្រង) ។ a pagoda beat

ពុទ្ធបរិស័ទចំណុះជើងវត្តពន្លៃ បានឲ្យដឹងថា វត្តពន្លៃនេះ មានព្រះគ្រូចៅអធិការចំនួន២អង្គតាំងពីឆ្នាំ២០១៩មកម្ល៉េះ ដោយ១អង្គព្រះនាម សាំង គីមឃុន និង១អង្គទៀតព្រះនាម ឆូយ ហើយពុទ្ធបរិស័ទក៏ដូចជាគណៈកម្មការអាចារ្យវត្តក៏បែងចែកគ្នាជា២បក្ខពួក ទៅតាមនោះដែរ ។ទោះបីយ៉ាងណាគាត់ថាកន្លងមកនេះ មិនដែលមានបញ្ហាអ្វីធំដុំកើតឡើងទេ ទើបតែនៅថ្ងៃទី១៨ តុលានេះ ដែលពុទ្ធបរិស័ទភាគីម្ខាងៗ ទាមទារឲ្យព្រះសង្ឃដែលខ្លួនគាំទ្រ ជាអ្នកគ្រងត្រៃកឋិន ហើយនិយាយមិនត្រូវគ្នា ទើបកើតជាបញ្ហា ។

ចំណែកក្រុមគណៈកម្មការអាចារ្យវត្តបានឲ្យដឹងដែរថា មូលហេតុដែលធ្វើឲ្យមានបញ្ហាចម្រូងចម្រាស់នេះកើតឡើង គឺដោយសារតែពុទ្ធបរិស័ទទាំង២បក្ស ធ្វើបុណ្យដង្ហែអង្គកឋិនទានចូលវត្តចំថ្ងៃជាមួយគ្នា ។ លុះពេលធ្វើពិធីគ្រងត្រៃដែលតាមប្រពៃណីសាសនា គឺតម្រូវឲ្យចៅអធិការវត្តម្នាក់ជាអ្នកគ្រងត្រៃនោះ ទើបធ្វើឲ្យមានបញ្ហាឡើង ដោយពុទ្ធបរិស័ទទាំងសងខាងទាមទារលើកឲ្យព្រះសង្ឃដែលខ្លួនគាំទ្រជាអ្នកគ្រងត្រៃ ។

សម្រាប់វិន័យពុទ្ធសាសនាកឋិនគឺទីអារាមមួយ ទទួលបានតែ១ថ្ងៃ ទោះមានកឋិនហែចូលពីគ្រប់ទិសទីគឺបានបានតែ១ថ្ងៃដែរ ។ករណីយ៍នេះព្រះអនុគណស្រុកមេសាង បានស្នើឲ្យធ្វើការបោះឆ្នោតជ្រើសរើស បើចំឈ្មោះព្រះគ្រូអង្គណា ឲ្យព្រះគ្រូអង្គនោះជាអ្នកគ្រងត្រៃ។ ប៉ុន្តែពុទ្ធបរិស័ទទាំងសងខាងនៅតែមិនព្រមធ្វើតាមហើយក៏នាំគ្នាប្រមូលយកត្រៃធំ យកត្រៃលាងរបស់ខ្លួនទាំងអស់ ចាកចេញពីព្រះវិហារ ទើបធ្វើឲ្យកម្មវិធីគ្រងត្រៃ មិនអាចប្រព្រឹត្តទៅបាន ហើយកម្មវិធីបុណ្យកឋិនក៏ត្រូវបានបញ្ចប់យ៉ាងសោះកក្រោះដូចបោះចោលដោយមិនបានធ្វើគ្រប់កិច្ចចឹងទៅ ។

ចំណែកអាជ្ញាធរស្រុកមេសាងវិញ បានឱ្យដឹងថា ដោយមើលឃើញភាពចម្រូងចម្រាសនេះ កើតឡើងដោយសារវត្តមាន២បក្ស ទើបនៅរសៀលថ្ងៃទី១៩ តុលា អាជ្ញាធរស្រុកនិងមន្ត្រីធម្មការ បានកោះហៅព្រះសង្ឃទាំងពីរអង្គ និងគណៈកម្មការអាចារ្យវត្តទាំង២បក្សមកធ្វើការជួបប្រជុំដោះស្រាយ នៅក្នុងវត្តពោធិ៍មង្គល ហៅវត្តចំបក់ ជាវត្តព្រះអនុគណស្រុក ។ ចំណែកលទ្ធផលនៃការប្រជុំដោះស្រាយនេះ មន្ត្រីសង្ឃខេត្ត និងធ្វើការប្រកាសដោយមានឯកសារលាយលក្ខណ៍អក្សរ នៅព្រឹកថ្ងៃទី២១ តុលា ឆ្នាំ២០២៤ គឺប្រកាសជាផ្លូវការនៅថ្ងៃនេះ ។ករណីយ៍នេះបើតាមការពិនិត្យកំហុសមិនមកពីពុទ្ធបរិស័តទេគឺមកពីអាជ្ញាធរពិសេសក្រសួងធម្មការដែលមានមន្ទីរធម្មការខេត្តជាសេនាធិការបណ្តោយឲ្យកើតមានករណិ៍វត្តមួយមានចៅអធិការពិរអង្គចឹង?៕ a pagoda beat1 a pagoda beat2