វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6200 នាក់
ម្សិលមិញ 6001 នាក់
សរុប 13879030 នាក់
សិង្ហបុរី៖ ប្រទេសសិង្ហបុរីបានបញ្ជូននាវាសង្គ្រោះមួយទៅជួយប្រតិបត្តិការស្វែងរកនាវាមុជទឹកឥណ្ឌូនេស៊ីដែលបាត់ជាមួយនឹងមនុស្ស៥៣នាក់នៅក្នុងនោះ ។
តាមរយៈហ្វេប៊ុកលោករដ្ឋមន្ត្រីការពារជាតិសិង្ហបុរីបានឲ្យដឹងថាកាលពីថ្ងៃព្រហស្បតិ៍ថាថា «ក្រុមជួយសង្គ្រោះរហ័សរបស់កងទ័ពជើងទឹកសាធារណរដ្ឋសិង្ហបុរី បានបញ្ជូននាវាសង្គ្រោះនិងស្វែងរកកាលពីរសៀលថ្ងៃពុធ យ៉ាងឆាប់រហ័សតាមលទ្ធភាពអាចធ្វើបាន ក្រោយពីកងទ័ពជើងទឹករបស់យើងទទួលបានសំណើអោយជួយមកពីសមភាគីឥណ្ឌូនេស៊ី»។
ក្រៅពីសិង្សហបុរីប្រទេសអាម៉េរិក អូស្ត្រាលី បារាំងនិងអាឡឺម៉ង់ ក៏សុំជួយស្វែងរកនាវមុជទឹកដែលបាត់ផងដែរ។សូមបញ្ជាក់ថា នាវាផលិតនៅអាឡឺម៉ង់KRI Nanggala 402ត្រូវធ្វើការហាត់បាញ់គ្រាប់បែកពិតៗប្រឆាំងនាវានៅពេលវាសុំការអនុញ្ញាតមុជចុះក្នុងទឹក តែវាបានដាច់ការទាក់ទងភ្លាមនៅពេលបន្តិចក្រោយមកនៅក្នុងដែនទឹកប្រហែល ៩៥គីឡូម៉ែត្រខាងជើងកោះបាលីកាលពីព្រឹកថ្ងៃពុធម៉ោងក្នុងស្រុក។អ្នកនាំពាក្យកងទ័ពជើងទឹកឥណ្ឌូនេស៊ី បាននិយាយថា ក្រុមស្វែងរកផ្តោតលើតំបន់មានការអណ្តែតប្រេង តែទីតាំងកើតហេតុជាក់លាក់នៅមិនទាន់កំណត់បាននៅឡើយទេ។
យោងតាមគេហទំព័ររបស់កងកម្លាំងប្រដាប់អាវុធជាតិឥណ្ឌូនេស៊ីបាននិយាយថាមនុស្ស ៥២នាក់រួមទាំងមេបញ្ជាការនិងនាវិកបានស្ថិតនៅលើនាវាមុជទឹកនៅពេលនោះខណៈនាវាមួយគ្រឿងនេះមានសមត្ថភាពផ្ទុកមនុស្សតែ ៣៤ នាក់ប៉ុណ្ណោះ ។នាវាមុជទឹកនេះត្រូវបានគេរាយការណ៍ថាកំពុងរៀបចំសម្រាប់សមយុទ្ធមីស៊ីលដែលបានរៀបចំសម្រាប់ថ្ងៃព្រហស្បតិ៍នេះ។ កងទ័ពជើងទឹកនិងទីភ្នាក់ងារស្វែងរកនិងជួយសង្គ្រោះជាតិបានបញ្ជូននាវាមុជទឹកចំនួន៥ គ្រឿងនិងនាវាផ្សេងទៀតដើម្បីបន្តការស្រាវជ្រាវសម្រាប់នាវាមុជទឹកដែលបាត់ខ្លួននេះ។ប្រទេសឥណ្ឌូនេស៊ីក៏បានស្នើសុំជំនួយពីកងទ័ពជើងទឹកអូស្ត្រាលីសិង្ហបុរីនិងឥណ្ឌាផងដែរ។