វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3327 នាក់
ម្សិលមិញ 6001 នាក់
សរុប 13876157 នាក់
ភ្នំពេញ៖ អគ្គលេខាធិការរដ្ឋាន ក្រសួងការពារជាតិបានប្រកាសឲ្យដឹងថាមាន នាយទាហាន ២នាក់ បានធ្វើតេស្ដវិជ្ជមានកូវីដ-១៩។
ក្នុងនោះអ្នកជំងឺទីមួយគឺលោក ភៀក ប៊ុនឈឿន ឋានន្ដរសក្ដិ ឧត្ដមសេនីយ៍ទោ មុខងារនាយករង នាយកដ្ឋានកិច្ចការរដ្ឋបាល នៃអគ្គលេខាធិការដ្ឋាន ក្រសួងការពារជាតិ ដែលមានទីលំនៅភូមិមិត្ដភាព សង្កាត់ឬស្សីកែវ ខណ្ឌឬស្សីកែវ ហើយត្រូវបានរកឃើញថាវិជ្ជមានកូវីដ-១៩ នៅថ្ងៃទី១៥ ខែមេសា ឆ្នាំ២០២១។
អ្នកជំងឺទីពីរគឺ កញ្ញា អ៊ួង សុវ៉ាន់ដារ៉ា ឋានន្ដរសក្ដិ វរសេនីយ៍ទោ មុខងារនាយផ្នែកកិច្ចការនារី ការិយាល័យអប់រំចិត្ដសាស្ដ្រ នៃអគ្គលេខាធិការដ្ឋាន ក្រសួងការពារជាតិ ដែលមានទីលំនៅភូមិទួលសង្កែ សង្កាត់ទួសង្កែ ខណ្ឌឬស្សីកែវ ហើយត្រូវបានរកឃើញថាវិជ្ជមានជំងឺកូវីដ-១៩ នៅថ្ងៃទី១៩ ខែមេសា ឆ្នាំ២០២១។
ក្រសួងការពារជាតិបានបញ្ជាក់ផងដែរថា អ្នកជំងឺទាំង២នាក់ ធ្លាប់បានចាក់វ៉ាក់សាំងបង្ការជំងឺកូវីដ-១៩ ចំនួន២លើករួចរាល់ហើយ៕