ខឹងម្តាយក្មេងប្រុសរងគ្រោះ ទម្លាយរឿងសម្ងាត់ផ្ទាល់ខ្លួនប្រាប់ប្រពន្ធ ជនដៃដល់សម្លាប់ក្មេងប្រុសជាកូន

សៀមរាប៖ បន្ទាប់ពីទទួលបានសេចក្តីរាយការណ៍ និងពាក្យបណ្តឹងករណីបាត់ខ្លួនក្មេងប្រុសអាយុត្រឹមតែ ៥ឆ្នាំ ក្នុងភូមិត្រាង ឃុំកណ្តែក ស្រុកប្រាសាទបាគង ខេត្តសៀមរាប កម្លាំងផែននគរបាលព្រហ្មទណ្ឌ សហការជាមួយ កម្លាំងនគរបាលស្រុកប្រាសាទបាគង បានបើកការស្រាវជ្រាវយ៉ាងម៉ត់ចត់រហូតតាមចាប់ជនដៃដល់។ 

 សូមបញ្ជាក់ថាកុមារ៉ាម្នាក់ត្រូវបានជនដៃដល់អាករសម្លាប់យ៉ាងណាធម្ម។ អំពើឃាតកម្មនេះបានកើតឡើង នៅចំណុចវាលស្រលប្រហែល ១០០ម៉ែត្រ ពីផ្លូវគ្រួសក្រហមស្ថិតនៅភូមិត្រាង ឃុំកណ្តែក ស្រុកប្រាសាទបាគង ខេត្តសៀមរាប នៅវេលាម៉ោង១៥និង៣០នាទីល្ងាច ថ្ងៃទី១៥ ខែមេសាឆ្នាំ២០២៦។

សមត្ថកិច្ចមូលដ្ឋានបានឲ្យដឹងថា៖នៅព្រឹកថ្ងៃព្រហស្បតិ៍នេះថា ជនដៃដល់ឈ្មោះឆេង សុខ ភេទប្រុសអាយុ២៨ឆ្នាំ មុខរបរមិនពិតប្រាកដ រស់នៅខេត្តព្រះវិហារដោយបានធ្វើសកម្មអាករសម្លាប់ ឈ្មោះ ដួង ពេជ្ជរ៉ា ភេទប្រុសអាយុ៦ឆ្នាំ រស់នៅក្រុងរុនតាឯកតេជោសែន ខេត្តសៀមរាប។

សមត្ថកិច្ចបានបន្ថែមថាករណីឃាតកម្មនេះតាមការសន្និដ្ឋានស្រាវជ្រាវ មូលហេតុបឋមជនដៃដល់បានអន់ចិត្តនិងឪពុកម្តាយជនរងគ្រោះ មិនជួយតេទៅប្រពន្ធរបស់ខ្លួនដែលរត់ចោលខ្លួនរយ:ពេលកន្លះខែមកហើយទៅធ្វើការនៅកំពង់សោម។

តាមការធ្វើកោសល្យវិច័យលើសាកសពករណីនេះជនរងគ្រោះពិតជាស្លាប់ដោយសាឃាតកម្មពិតប្រាកដមែន។ ដោយក្នុងនោះសមត្ថកិច្ចពិនិត្យឃើញថាមានស្នាមកផ្នែកក១៤សង់ទីម៉ែត្រ មានជម្រៅ៣សង់ទីម៉ែត្រ។

ទោះជាយ៉ាងណាជនដៃដល់ត្រូវបានកម្លាំងព្រហ្មទណ្ឌនគរបាលខេត្តសៀមរាបនិងផ្នែកជំនាញព្រហ្មទណ្ឌអធិការដ្ឋាននគរបាលស្រុកប្រាសាទបាគង រួមជាមួយអាវុធហត្ថចាប់ខ្លួន។ ចំណែកសាកសពកុមាររងគ្រោះ សមត្ថកិច្ចប្រគល់ជូនឪពុកម្ដាយយកទៅធ្វើបុណ្យតាមប្រពៃណី៕