កម្មករខួងថ្ម២នាក់ នៅរោងចក្រថៃប៊ុនរ៉ុង ខេត្តកំពតបាត់បង់ជីវិតក្នុងគ្រោះថ្នាក់បន្ទាប់ពីថៅកែស្លាប់ដោយជម្ងឺ

ខេត្តកំពត៖ កម្មករខួងថ្មចំនួន២នាក់ បានបាត់បង់ជីវិតក្នុងហេតុការណ៍គ្រោះថ្នាក់ការងារមួយ នៅរោងចក្រថៃប៊ុនរ៉ុង ស្ថិតក្នុងឃុំល្អាង ស្រុកដងទង់ ខេត្តកំពត កាលពីថ្ងៃទី២៦ ខែកញ្ញា ឆ្នាំ២០២៦។ 

សហព័ន្ធសហជីពកនម្មករសំណង់ និងព្រៃឈើកម្ពុជា BWTUC បានចេញសេចក្តីថ្លែងការណ៍ថា៖មានការរន្ធត់ជាខ្លាំង ដោយនូវព្រឹកថ្ងៃទី២៦ ខែកញ្ញា ឆ្នាំ២០២៦ នេះមានហេតុការណ៍គ្រោះថ្នាក់ការងារ (ផ្នែកខ្នងថ្ម) ដែលបណ្តាលអោយកម្មករ ២នាក់បានស្លាប់នៅកន្លែងកើតហេតុ។ ដែរហេតុការណ៍គ្រោះថ្នាក់នេះកើតឡើងនូវក្នុងរោងចក្រ ផលិត ស៊ីម៉ង់ត៍ថៃប៉ុនរ៉ុង ស្ថិតនៅ ឃុំល្អាង ស្រុកដងទង់ ខេត្តកំពត ។ដោយមានកម្មករចំនួន ២នាក់បានបាត់បង់ជីវិត ១.ឈ្មោះស៊ុម ណុប ភេទប្រុស អាយុ ២៩ឆ្នាំ ២.ឈ្មោះសំ សុខលី ភេទប្រុស អាយុ ៣៤ឆ្នាំ។

សហព័ន្ធសហជីពកម្មករសំណង់ និងព្រៃឈើកម្ពុជា BWTUC សូមចូលរួមរំលែកទុក្ខយ៉ាងក្រៀមក្រម ចំពោះក្រុមគ្រួសារជនរងគ្រោះទាំង២ ។សហព័ន្ធសូមអំពាវនាវដល់អាជ្ញាធរមានសមត្ថកិច្ច ចាត់វិធានការយ៉ាង តឹងរឹងចំពោះ ការថ្ងៃប្រហេសដែលបណ្តាលអោយកម្មករមានគ្រោះថ្នាក់រហូតបាត់បង់ជីវិត។ និងជម្រុញអោយ ក្រុមហ៊ុនយកចិត្តទុកដាក់លើផ្នែកសុវត្ថិភាពអោយបានខ្ពស់ដើម្បីធានាដល់ការការពារកម្មករ ផ្សេងៗ។ អំពីគ្រោះថ្នាក់សហព័ន្ធសហជីពកម្មករសំណង់ និងព្រៃឈើកម្ពុជា BWTUC និងតាមដានដោយយកចិត្តទុកដាក់លើ ករណីខាងលើនេះ។

សូមបញ្ជាក់ថាឧបទ្ទវហេតុបណ្តាលឲ្យមានកម្មករក្រុមហ៊ុនថៃប៊ុនរ៉ុងស្លាប់នេះបានកើតឡើងបន្ទាប់ពីថៅកែគឺអ្នកឧកញ៉ា ខូវ សម្បត្តិ អគ្គនាយកក្រុមហ៊ុន ថៃ ប៊ុនរ៉ុង បានទទួលមរណភាព កាលពីថ្ងៃពុធ ទី២៣ ខែកញ្ញា ឆ្នាំ២០២៦ នៅមន្ទីរពេទ្យក្រៅប្រទេស ដោយរោគាពាធ ក្នុងជន្មាយុ ៧០ឆ្នាំ។ បើតាមការជូនដំណឹងរបស់ក្រុមគ្រួសារសពអដ្ឋិធាតុអ្នកឧកញ៉ា នឹងត្រូវបញ្ជូនពីក្រៅប្រទេសមកដល់ ព្រះរាជាណាចក្រកម្ពុជា នៅល្ងាចថ្ងៃទី២៧ ខែកញ្ញា ឆ្នាំ២០២៦។ ហើយបន្ទាប់ពីនោះពិធីបុណ្យខួបគម្រប់ ៧ថ្ងៃ នឹងត្រូវធ្វើឡើងនៅថ្ងៃទី២៨ និង២៩ ហើយថ្ងៃទី៣០ ខែកញ្ញា ឆ្នាំ២០២៦ នឹងមានរៀបចំពិធីបញ្ចុះសព។