វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5050 នាក់
ម្សិលមិញ 4027 នាក់
សរុប 14157720 នាក់
សៀមរាប៖ នៅរសៀលថ្ងៃទី២៧ ខែវិច្ឆិកា ឆ្នាំ២០២៣ មានរថយន្តធ្លា.ក់ពីលើភ្នំគូលែន ប.ណ្ដា.លឲ្យមនុស្សចំនួន៦នាក់ស្លា.ប់ (ស្រី២នាក់) និងអ្នករងរ.បួស១៧នាក់ ស្រី១១នាក់។មន្ត្រីនគរបាលស្រុកស្វាយលើ បានឲ្យដឹងថា នៅវេលាម៉ោង១៦:៣០នាទី ថ្ងៃទី២៧ ខែវិច្ឆិកា នេះ មានរថយន្តរបស់ក្រុមឆៃយ៉ាំ ដែលមកបុណ្យកឋិន នៅវត្តលើភ្នំគូលែន បានធ្លា.ក់ ចេញពីផ្លូវ ដែលមានចំណោទខ្លាំង។មូលហេតុគឺបើកលឿនពេលផ្លូវចុះចំណោត។គិតៗទៅខំធ្វើបុណ្យតែបុណ្យមិនជួយ។ហេតុអី?.។
បើតាមរបាយការណ៍របស់អាជ្ញាធរស្រុកស្វាយលើបានបញ្ជាក់ថា ៖ រថយន្តដែលធ្លាក់ផ្លូវម៉ាក TOYOTA TACOMA PICK UP ពណ៌ស ពាក់ផ្លាកលេខ សៀមរាប 2B-4740 បើកបរដោយឈ្មោះ ជាម ជុច ភេទប្រុស អាយុ៥៥ឆ្នាំ រស់នៅភូមិស្រណាល ឃុំស្រណាល ស្រុកក្រឡាញ់ ខេត្តសៀមរាប ដែលបើកបរមានទិសដៅពីលិចទៅកើត។ ក្រោយកើតហេតុអ្នកបើកបររត់គេចខ្លួនបាត់។មាន អ្នករួមដំណើរចំនួន២៤នាក់ ក្នុងនោះមានស្រី១២នាក់ ។
ជនរងគ្រោះចំនួន ៦នាក់ ដែលស្លាប់ក្នុងហេតុការណ៍រថយន្តធ្លាក់ពីលើភ្នំគូលែន នៅចំណុចទឹករុន ភូមិតាពេញ ឃុំខ្នងភ្នំ ស្រុកស្វាយលើ ខេត្តសៀមរាបមានដូចជា ៖១. ឈ្មោះ ឡុច ខឿ។២. ឈ្មោះ បេង សឿត
៣. ឈ្មោះ លម សឿយ។៤. ឈ្មោះ ឆយ ឆង។៥. ឈ្មោះ យន់ ឡន។៦. ឈ្មោះ ភិន សឿត ។ជនរងគ្រោះទាំង ៦នាក់ ជាអ្នកនៅស្រុកក្រឡាញ់។
ទាក់ទងសោកនាដកម្មកនេះឯកឧត្តមបណ្ឌិតឧកញ៉ា សៀង ណាំ បានឲ្យដឹងថាលោកបាទបានចូលរួមថវិកា បុណ្យសព និងជូនអ្នករបួសកំពុងសម្រាកព្យាបាល នៅមន្ទីរពេទ្យបង្អែកខេត្តសៀមរាប សរុប ១០លាន ៦សែនរៀល។ឯកឧត្តមបណ្ឌិតឧកញ៉ា សៀង ណាំ បានបញ្ជាក់ថានៅល្ងាចថ្ងៃទី២៧ ខែវិច្ឆិកា ឆ្នាំ២០២៣ ខ្ញុំបាទបានទទួលដំណឹងដ៏រន្ធត់មួយ ករណីគ្រោះថ្នាក់ចរាចរណ៍ក្រឡាប់រថយន្ត នៅលើផ្លូវចុះពីលើខ្នងភ្នំគូលែន ស្រុកស្វាយលើ ដែលបណ្ដាលឱ្យមនុស្សស្លាប់ ចំនួន ៧នាក់(ស្រី ៣នាក់) និងរបួស ចំនួន ១៨នាក់(ស្រី ៩នាក់) ជាប្រជាជនរស់នៅភូមិរំដេង ឃុំស្រណាល ស្រុកក្រឡាញ់។សូមវិញ្ញាណក្ខ័ន្ធនៃសព ជនរងគ្រោះទាំងអស់ បានទៅកាន់សុគតិភពកុំបីឃ្លៀងឃ្លាតឡើយ។ សូមជូនពរដល់បងប្អូនក្មួយៗទាំងអស់ ដែលរងរបួសកំពុងសម្រាកព្យាបាល នៅមន្ទីរពេទ្យបង្អែកខេត្តសៀមរាប សូមឆាប់បានជាសះស្បើយត្រឡប់មកជួបជុំក្រុមគ្រួសារវិញ៕