គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 5450 នាក់

ម្សិលមិញ 9639 នាក់

សរុប 20695621 នាក់

កម្មករនៅរោងចក្រ AM2 ខណ្ឌកំបូលឃើញមានវិជ្ជមានកូវីដ១៩ ជិត៣០នាក់ វ៉ាក់សាំងនឹងមកដល់បន្តបន្ទាប់

21-September-2026 / សុខភាពនិងកីឡា

ភ្នំពេញ៖ នៅល្ងាច ថ្ងៃទី១០ ខែមេសា ឆ្នាំ២០២១ កម្មករនិយោជិតក្នុងរោងចក្រ AM2 ស្ថិតនៅភូមិកន្ទោកខាងជើង សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ ត្រូវបានរកឃើញថាឆ្លងជំងឺកូវីដ១៩កើនឡើង២៧នាក់ ។ a co mv

រោងចក្រ AM2 ខាងលើនេះ មានកម្មករនិយោជិតសរុបចំនួន៤៧៥នាក់ ។កម្មករនិយោជិត ដែលមិនឆ្លងកូវីដ១៩ ត្រូវបានដឹកយកទៅធ្វើចត្តាឡីស័ក នៅសាលាបឋមសិក្សាទ្រនំច្រឹង ដែលស្ថិតនៅសង្កាត់បឹងធំ ខណ្ឌកំបូល ផងដែរ។

សូមបញ្ជាក់ថានៅថ្ងៃទី១០មេសានេះក្រសួងសុខាភិបាល បានឱ្យដឹងថា ប្រទេសកម្ពុជាមានអ្នកឆ្លងជំងឺកូវីដ១៩ថ្មី ចំនួន ៤៧៧នាក់បន្ថែមទៀត និងមានអ្នកជាសះស្បើយចំនួន ៩៦នាក់។ទោះជាយ៉ាងណា ចំពោះអ្នកជំងឺទាំង ៤៥៣នាក់នៅភ្នំពេញនេះ គឺមិនទាន់ទទួលបានកន្លែងសម្រាកព្យាបាលនៅឡើយទេ ដោយក្រសួងនឹងធ្វើការជូនដំណឹងបន្ដទៀត។បើបូកជាមួយនឹងករណីថ្មីនេះ ប្រទេសកម្ពុជារកឃើញអ្នកឆ្លងជំងឺកូវីដ១៩ សរុបចំនួន ៤០៨១នាក់ ។ក្នុងនោះមាន អ្នកជាសះស្បើយ ២០៨០នាក់ និងអ្នកកំពុងសម្រាកព្យាបាលជំងឺ ចំនួន ១៩៧០នាក់.។

សូមបញ្ជាក់ដែរថាសសម្ដេចតេជោ ហ៊ុន សែន នាយករដ្ឋមន្ត្រីកម្ពុជាបានមានប្រសាសន៍កាលពីព្រឹកថ្ងៃទី១០ ខែមេសា ថា បច្ចុប្បន្នវ៉ាក់សាំងដែលបានមកដល់កម្ពុជាមានចំនួនជាង ២លានដូស (ស៊ីណូហ្វាម ១,៣លាន , ស៊ីណូវ៉ាក់ ១,៥លាន និង អាស្ត្រាហ្សេនេកា ជាង៣០ម៉ឺនដូស)។សម្តេចតេជោបានបញ្ជាក់ថា វ៉ាក់សាំងនឹងត្រូវបញ្ជូនមកដល់ជាបន្តបន្ទាប់ គឺនៅថ្ងៃទី១៧ ខែមេសា ចំនួន ៥សែនដូស , នៅខែឧសភា ចំនួន១,៥លានដូស , ខែមិថុនា ចំនួន៣លានដូស , ខែកក្កដា ចំនួន២លានដូសនិង ខែសីហា ចំនួន១លានដូស ។

រដ្ឋបាលរាជធានីភ្នំពេញ កាលពីយប់ថ្ងៃទី០៩ ខែមេសា ឆ្នាំ២០២១នេះ បានចេញសេចក្តីជូនដំណឹង អំពីការសម្រេចបិទខ្ទប់ទីតាំងមួយចំនួន ដែលបានឆ្លងជំងឺកូវីដ១៩ធ្ងន់ធ្ងរ នៅក្នុងខណ្ឌចំនួន៣ ក្នុងរាជធានីភ្នំពេញ ក្នុងនោះមានខណ្ឌមានជ័យ ខណ្ឌសែនសុខ និងខណ្ឌពោធិ៍សែនជ័យ។ ការបិទខ្ទប់ភូមិសាស្ត្រមួយចំនួន ដែលមានការឆ្លងធ្ងន់ធ្ងរនេះ មានរយៈពេល១៤ថ្ងៃ គិតចាប់ពីម៉ោង ០០៖០០ ថ្ងៃទី១០ ដល់ថ្ងៃទី២៣ ខែមេសា ឆ្នាំ២០២១។

* សម្រាប់ខណ្ឌមានជ័យ៖ រដ្ឋបាលរាជធានីភ្នំពេញបានសម្រេចខបិទខ្ទប់ សង្កាត់ស្ទឹងមានជ័យ១ និងសង្កាត់ស្ទឹងមានជ័យ២។
* សម្រាប់ខណ្ឌសែនសុខ៖ រដ្ឋបាលរាជធានីភ្នំពេញ បានសម្រេចបិទខ្ទប់ភូមិទ្រង់មាន់ នៃសង្កាត់អូរបែកក្អម ខណ្ឌសែនសុខ រាជធានីភ្នំពេញ។
* សម្រាប់ខណ្ឌពោធិ៍សែនជ័យ៖ រដ្ឋបាលរាជធានីភ្នំពេញ បិទខ្ទប់ភូមិត្រពាំងថ្លឹង២ និងភូមិទួលពង្រ នៃសង្កាត់ចោមចៅ១, ភូមិចំការឪឡឹក១ ភូមិប៉ប្រកខាងត្បូង ភូមិប៉ប្រកខាងជើង និងភូមិត្រពាំងល្វា១ នៃសង្កាត់ការកាបទី១ និងភូមិចំការឪឡឹក១ នៃសង្កាត់កាកាបទី២ ខណ្ឌពោធិ៍សែនជ័យរាជធានីភ្នំពេញ a china come a co mv1