វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9194 នាក់
ម្សិលមិញ 8227 នាក់
សរុប 14136075 នាក់
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានជំរុញឱ្យ ក្រសួងសុខាភិបាល គ្រប់គ្រងគ្លីនិកឯកជន និងកន្លែងលក់ថ្នាំពេទ្យ ឱ្យត្រឹមត្រូវបន្ទាប់ពីបានអំពាវនាវឲ្យទាំងមន្ទីរពេទ្យរដ្ឋ និងឯកជន សូមកុំដណ្តើមអ្នកជំងឺគ្នា ។ព្រោះ មានករណីខ្លះ មានអ្នកជម្ងឺ បានមកព្យាបាល នៅមន្ទីរពេទ្យឯកជន ហើយដល់ពេលពេទ្យឯកជន ព្យាបាលមិនជា ក៏បានបញ្ជូនអ្នកជំងឺ មកមន្ទីរពេទ្យរដ្ឋហើយដោយសារអ្នកជម្ងឺ កាន់តែធ្ងន់ធ្ងរពេកនោះ ក៏បណ្តាលឱ្យអ្នកជម្ងឺស្លាប់ នៅមន្ទីរពេទ្យរដ្ឋតែម្តង ដែលពេលនោះ ក៏ចាប់ផ្តើមបន្ទោស ដល់មន្ទីរពេទ្យរដ្ឋ ។
ក្នុង ឱកាសអញ្ជើញ ជាអធិបតីដ៏ខ្ពង់ខ្ពស់ ប្រគល់សញ្ញាបត្រ ជូននិស្សិត នៃសាកលវិទ្យាល័យវិទ្យាសាស្ត្រសុខាភិបាល នៅព្រឹកថ្ងៃចន្ទ ទី១៦ ខែធ្នូ ឆ្នាំ២០១៩ នៅមជ្ឈមណ្ឌលសន្និបាត និងពិព័រណ៍កោះពេជ្រ សម្តេចតេជោ ហ៊ុន សែនក៏ បានស្នើសុំឱ្យ មានការគោរពទៅលើក្រមសីលធម៌ វិជ្ជាជីវៈពេទ្យ ឱ្យបានត្រឹមត្រូវ ជាពិសេសកន្លែងលក់ថ្នាំពេទ្យក៏ដូច្នេះដែរ គឺត្រូវតែមានការយកចិត្តទុកដាក់ ឱ្យបានច្បាស់លាស់ ត្រូវមានច្បាប់ទំលាប់ត្រឹមត្រូវ និងលក់ឱ្យត្រូវទៅតាមប្រភេទជម្ងឺ។ គ្រូពេទ្យទាំងអស់ ត្រូវតែគោរពវិជ្ជាជីវៈពេទ្យ មិនត្រូវប្រងើយកន្តើយចំពោះអ្នកជំងឺឡើយ កុំយកលុយជាធំ គឺត្រូវយកការជួយសង្គ្រោះជាធំ ។
សម្តេចតេជោ ក៏បានកោតសរសើរ ដល់ក្រុមនិស្សិត និងក្រុមគ្រូពេទ្យមួយចំនួន ដែលកន្លងមកបាន ចូលរួមចំណែក យ៉ាងសំខាន់ក្នុងវិស័យមនុស្សធម៌ តាមរយៈការធ្វើកម្មភាព ចុះការព្យាបាលជម្ងឺ ជូនដល់ប្រជាពលរដ្ឋ ដោយមិនគិតថ្លៃ នៅតាមទីជនបទ ដាច់ស្រយាលនានា ដូចជាសកម្មភាពមនុស្សធម៌ នៃក្រុមគ្រូពេទ្យស្ម័គ្រចិត្ត សម្តេចតេជោ (TYDA) និងសកម្មភាព ពេទ្យស្ម័គ្រចិត្តផ្សេងៗ មួយចំនួនទៀត ។សម្រាប់គុណភាពគូពេទ្យខ្មែរសម្តេចតេជោបង្ហើបឲ្យដឹងថាពេទ្យខ្មែរយើងអាចដូរក្រលៀនបានហើយ(ផ្សាំសេរីរាង្គ)។
ទាក់ទងនឹងមាតុភាពរបស់កម្មការិនី សម្តេចតេជោ ហ៊ុន សែនមានប្រសាសន៍អ្នកទាំងនោះនឹងមានច្បាប់ឈប់សម្រាក០៣ខែ និងទទួលបានប្រាក់ឧបត្ថម្ភទឹកប្រាក់រហូតដល់១៣០ភាគរយ ។ចំនួននេះនឹងបានធ្វើអោយជីវភាពស្ត្រីដែលកំពុងសម្រាកនេះបានធូរស្បើយ ហើយជាលទ្ធផលនៃការយកចិត្តទុកដាក់របស់ក្រសួងសុខាភិបាល៕