វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2438 នាក់
ម្សិលមិញ 3717 នាក់
សរុប 14150771 នាក់
ភ្នំពេញ៖បន្ទាប់ពីមានប្រតិកម្មពីប្រជាពលរដ្ឋករណីបិទទីតាំងធ្វើចត្តាឡីសក័ធ្វើឲ្យគាត់រកទិញអីមិនទាន់មកនៅព្រឹកថ្ងៃទី៦មេសានេះសម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនិងសម្ដេចគតិព្រឹទ្ធបណ្ឌិតប៊ុនរ៉ានីហ៊ុនសែនបានផ្តល់អំណោយបន្ទាន់តាមរយ:លោកឃួងស្រេងអភិបាលរាជធានី ដែលរួមមានទាំងថវិកា សាច់ជ្រូក និងស្បៀងអាហារផ្សេងទៀតយកទៅប្រគល់ជូនប្រជាពលរដ្ឋ ចំនួនជិត២០០គ្រួសារ ដែលកំពុងធ្វើចត្តាឡីស័ក នៅភូមិទី១៦ ទល់មុខព្រឹទ្ធសភា សង្កាត់ទន្លេបាសាក់ ខណ្ឌចំការមន បន្តទៀតបន្ថែមលើអំណោយកាលពីយប់ថ្ងៃទី៥មេសា ពេលចុះសួរសុខទុក្ខនិងនិងបាននាំយកនូវស្បៀងអាហារផ្តល់ជូនម្តងរួចហើយ។អំណោយបន្ថែមដែលត្រូវទទួលបានក្នុងមួយគ្រួសារនាព្រឹកនេះរួមមាន សាច់ជ្រូក២គីឡូ ត្រីខ៦កំប៉ុង ទឹកសុទ្ធ១កេស និងថវិកាចំនួន៣០ម៉ឺនរៀល។
លោក ឃួ ង ស្រេង បាន មានប្រសាសន៍ថា សម្ដេច អគ្គមហាសេនាបតី តេជោ ហ៊ុនសែន បាន យកចិត្តទុកដាក់ ខ្លាំងណាស់ ចំពោះ ជីវភាព រស់នៅរបស់បងប្អូន ប្រជាពលរដ្ឋ ។ ជាក់ស្តែង នៅ ពេលនេះ ខណៈដែល ទទួលបាន ព័ត៌មាន ពី បងប្អូន ដែល កំពុង ធ្វើ ចត្តាឡីស័ក នៅ ភូមិ ១៦ ក្នុង សង្កាត់ ទន្លេបាសាក់ ខណ្ឌចំការមន នេះ សម្តេច បានឲ្យ អាជ្ញាធរ រាជធានី ភ្នំពេញ ចុះ ពិនិត្យមើលស្ថានភាពជាក់ស្តែង និង នាំយក នូវថវិកា ស្បៀងអាហារ មួយចំនួន មក ចែកជូន បងប្អូន ភ្លាមៗ តែម្តងបើទោះបីនៅពេលយប់ក៏ដោយ ។
ប៉ុន្តែ ទោះបីជា យ៉ាងណាក្តី លោក ឃួង ស្រេង សូមឲ្យ ប្រជាពលរដ្ឋ មានការ យោគយល់ ចំពោះ ការបិទ ភូមិ មួយនេះមិនឲ្យចេញចូល ដោយសារតែ នេះ ជា វិធានរបស់ក្រសួងសុខាភិបាល ដើម្បី បង្ការ ទប់ស្កាត់ ជំងឺកូ វីដ-១៩ ប្រទេស ណា ក៏ គេ ធ្វើ ដូច្នេះដែរ សំដៅធ្វើយ៉ាងណាកុំឲ្យជំងឺនេះ រាលដាល កាន់តែខ្លាំង ។