វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3849 នាក់
ម្សិលមិញ 10264 នាក់
សរុប 14143031 នាក់
ភូមា៖ក្រសួងការបរទេសអាមេរិកបានបញ្ជាក្រុមមន្ត្រីការទូតដែលមិនចាំបាច់ឱ្យចាកចេញពីប្រទេសមីយ៉ាន់ម៉ា ក្នុងគ្រាដែលមានការបង្ក្រាបទៅលើក្រុមបាតុករបានសម្លាប់មនុស្សរាប់រយនាក់ចាប់តាំងពីរដ្ឋប្រហារយោធារបស់ប្រទេសនេះបានកើតឡើងមកកាលពីថ្ងៃ១កុម្ភៈ។ «ក្រសួងការបរទេសបានធ្វើការសម្រេចចិត្តក្នុងការអនុញ្ញាតឱ្យមានការចាកចេញពីប្រទេសមីយ៉ាន់ម៉ាពីព្រោះសុវត្ថិភាព និងសន្តិសុខរបស់បុគ្គលិករដ្ឋាភិបាលអាមេរិក និងអ្នកនៅក្នុងបន្ទុក ក៏ដូចជាពលរដ្ឋអាមេរិកគឺជាអាទិភាពខ្ពស់បំផុតរបស់ក្រសួង»។មន្ត្រីនាំពាក្យក្រសួងការបរទេសអាមេរិកបានបន្ថែមថា ស្ថានភាពនៃការបញ្ជាក្រុមមន្ត្រីការទូតដែលមិនចាំបាច់ឱ្យចាកចេញនេះ នឹងត្រូវពិនិត្យមេីលឡើងវិញក្នុងអំឡុងពេល ៣០ថ្ងៃ។
ក្រៅពីរឿងដអ្នកតំណាកបុគ្គលឹកមន្ត្រីពាណិជ្ជកម្មអាមេរិក លោកស្រី Katherine Tai បានឱ្យដឹងថា សហរដ្ឋអាមេរិកកំពុងរៀបចំជាបន្ទាប់ក្នុងការផ្អាកទំនាក់ទំនងជាមួយមីយ៉ាន់ម៉ា លើកិច្ចព្រមព្រៀងពាណិជ្ជកម្មសេរី និងវិនិយោគឆ្នាំ២០១៣ ហើយការផ្អាកនេះធ្វើឡើងរហូតទាល់តែរដ្ឋាភិបាលជាប់ឆ្នោតបែបលទ្ធិប្រជាធិបតេយ្យរបស់មីយ៉ាន់ម៉ាវិលត្រឡប់មកកាន់អំណាចវិញ។
លោកស្រី Katherine Tai បន្ថែមថា ក្រុមបាតុករអហិង្សា និស្សិត ពលករ និងមេដឹកនាំកម្មករ រួមទាំងកុមារត្រូវបានកងកម្លាំងសន្តិសុខមីយ៉ាន់ម៉ាសម្លាប់ ដែលទង្វើនេះបានធ្វើឱ្យមានភាពតត់ស្លុតដល់មនសិការរបស់សហគមន៍អន្តរជាតិ។ លោកស្រីសង្កត់ធ្ងន់ទៀតថា សកម្មភាពដែលប្រព្រឹត្តិដោយយោធាមីយ៉ាន់ម៉ានោះគឺជាការវាយលុកដោយប្រយោលទៅលើដំណើរការរបស់ប្រទេស ស្វែងរកលទ្ធិប្រជាធិបតេយ្យ និងការខិតខំរបស់ប្រជាជនដើម្បីទទួលបានអនាគតប្រកបដោយសន្តិភាព និងវិបុលភាព។
ប្រទេសជប៉ុនវិញនឹងផ្អាកផ្តល់ជំនួយថ្មីទៅឲ្យប្រទេសមីយ៉ាន់ម៉ាដើម្បីជាការឆ្លើយតបទៅនឹងរដ្ឋប្រហារយោធា ប៉ុន្តែនឹងមិនដាក់ទណ្ឌកម្មដូចដែលប្រទេសផ្សេងទៀតដាក់ទៅលើក្រុមមន្ត្រីជាន់ខ្ពស់មីយ៉ាន់ម៉ាទេ។លោក តូស៊ីមីតស៊ុ ម៉ូតេហ្គិ (Toshimitsu Motegi) បាននិយាយថា «ប្រទេសជប៉ុនគឺជាម្ចាស់ជំនួយធំបំផុតរបស់មីយ៉ាន់ម៉ា ហើយការផ្អាកផ្តល់ជំនួយនេះនឹងជាការផ្ញើសារយ៉ាងច្បាស់។ យើងក៏មិនមានគម្រោងថ្មីណាមួយដែរ។ យើងបានប្រកាន់ជំហរច្បាស់លាស់ហើយ។»
គួរបញ្ជាក់ថា យោងតាមក្រសួងការបរទេសជប៉ុន, ជំនួយរបស់ជប៉ុនទៅកាន់ប្រទេសមីយ៉ាន់ម៉ាមានសរុបជិត១.៧ពាន់លានដុល្លារអាមេរិកនៅក្នុងឆ្នាំ២០១៩-២០២០ ខណៈដែលរដ្ឋាភិបាលមីយ៉ាន់ម៉ាបាននិយាយថា ក្រុមហ៊ុនជប៉ុនប្រហែល៤៥០កំពុងធ្វើប្រតិបត្តិការនៅមីយ៉ាន់ម៉ា ហើយជប៉ុនគឺជាវិនិយោគិនបរទេសធំបំផុតទី៥នៅទីនោះ។
ការប្រមូលផ្តុំគ្នាជារៀងរាល់ថ្ងៃនៅទូទាំងប្រទេសមីយ៉ាន់ម៉ាដោយក្រុមបាតុករដែលគ្មានអាវុធដើម្បីទាមទារឲ្យស្តាររដ្ឋាភិបាលជាប់ឆ្នោតឡើងវិញ និងដោះលែងមេដឹកនាំស៊ីវិល លោកស្រី អ៊ុងសាន ស៊ូជី (Aung San Suu Kyi) នោះ តែងប្រឈមមុខនឹងការបង្ក្រាបរបស់យោធាដែលប្រើឧស្ម័នបង្ហូរទឹកភ្នែក, គ្រាប់កាំភ្លើងជ័រ និងគ្រាប់កាំភ្លើងពិត។
ចំនួនពលរដ្ឋស៊ីវិលដែលបានស្លាប់ក្នុងការបង្ក្រាបរបស់យោធាឥឡូវនេះបានកើនឡើងជាង ៥២០នាក់ដោយមហាអំណាចពិភពលោកបានបង្កើនការថ្កោលទោសការបង្ក្រាបរបស់យោធាបន្ទាប់ពីមានរដ្ឋប្រហារថ្ងៃទី១ ខែកុម្ភៈ។
អាមេរិក, អង់គ្លេស និងសហភាពអឺរ៉ុបសុទ្ធតែបានដាក់ទណ្ឌកម្មដើម្បីឆ្លើយតបនឹងរដ្ឋប្រហារ និងការបង្ក្រាប ប៉ុន្តែរហូតមកដល់ពេលនេះ សម្ពាធការទូតមិនបានបញ្ចុះបញ្ចូលក្រុមឧត្តមសេនីយ៍ឱ្យបន្ធូរដៃនោះទេ៕