វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2150 នាក់
ម្សិលមិញ 10264 នាក់
សរុប 14141332 នាក់
ស្វាយរៀង៖រថយន្តមួយគ្រឿងបើកលឿនដូចយន្តហោះបុកចូលក្នុងតូបលក់ដូរហើយហោះផ្លោងប្រឡាយប្រមាណ១០ម៉ែត្រនិងឆ្លងថ្នល់លំ៥ម៉ែត្រធ្លាក់ចូលក្នុងប្រឡាយទើបនៅស្ងៀមបណ្តាលឲ្យក្មេងប្រុសម្នាក់ស្លាប់ពេលបញ្ជូនដល់មន្ទីរពេទ្យខេត្តនិង៣នាក់ទៀតស្រី១នាក់របួសធ្ងន់ធ្ងរសន្លប់ស្តូកស្តឹងនៅតាមមាត់ប្រឡាយកាលពីវេលាម៉ោង១និង៣៥នាទីរសៀលថ្ងៃទី២៦មិនា២០២១នៅលើកំណាត់ផ្លូវជាតិលេខ១ ត្រង់ចំណុច គីឡូម៉ែត្រលេខ ស្ថិតនៅភូមិ ត្របែកប្រហោង ឃុំ តាសួស ស្រុកស្វាយជ្រំ ខេត្តស្វាយរៀង។
ប្រជាពលរដ្ឋឲ្យដឹងថា មុនពេលកើតហេតុ ជនរងគ្រោះកំពុងឈរ និងអង្គុយនៅក្នុងតូបលក់ដូរ សំយ៉ាយថ្នល់(តូបលើចិញ្ចើមថ្នល់) ស្រាប់តែមានរថយន្តមួយគ្រឿង ម៉ាកតាកូម៉ា ពណ៌សស្លាកលេខព្រៃវែង2A 1314 ទិសដៅពីកើតទៅលិចបើកបរដោយឈ្មោះ ក្រេត ចិត្ត ភេទប្រុស អាយុ39ឆ្នាំ រស់នៅ ភូមិ ទូរកា ឃុំកំពង់សឹង ស្រុក ព្រះស្តេច ខេត្តព្រៃវែង ជនជាតិ ខ្មែរ មកបុកតែម្តង។
អ្នករួមដំណើរមាន៣នាក់ទី1.ឈ្មោះ ងូ វេ ភេទស្រី អាយុ49 រស់នៅភូមិប្រសូត្រទី1 ឃុំកណ្តៀងរាយ ស្រុកស្វាយទាប ខេត្តស្វាយរៀង ។ (រងរបួសស្រាល)ទី2.ឈ្មោះ នាង សុផាត ភេទប្រុស អាយុ៤៩ឆ្នាំ រស់នៅភូមិកំពោតម្រះ ឃុំពពែត ស្រុកស្វាយទាប ខេត្តស្វាយរៀង (រងរបួសស្រាល)ទី3. ឈ្មោះ បញ្ញា ភេទ ប្រុស អាយុ21ឆ្នាំ(រស់នៅភ្នំពេញ) (រងបួសស្រាល)
ប្រភពបានបន្តទៀតថា៖ ឡានបង្ក បានជាន់ហ្វ្រាំងអូសចម្ងាយប្រមាណ៥០ម៉ែត្រក៏រេចង្កូតមកខាងឆ្វេង ហើយក៏ជាន់ហ្គា័របន្ថែមល្បឿនបុកក្មេងប្រុសរួមបន្តរះចូលក្នុងតូបលក់ដូរ រុញទាំងតូប និងមនុស្សប្រុសស្រី៤នាក់នៅក្នុងតូបហោះផ្លោងប្រឡាយជាង១០ម៉ែត្រនិងឆ្លងកាត់ថ្នល់លំ៥ម៉ែត្រទៅធ្លាក់ក្នុងស្រះទឹកហាវថ្នល់ទើបទៅមុខលែងរួច ចំណែកក្មេងប្រុសម្នាក់កំពុងនិយាយទូរសព្ទ័ទៅរកម្តាយបានប៉ើងធ្លាក់ចូលក្នុងទឹកស្រះរបួសធ្ងន់សន្លប់ក្នុងទឹក ហើយបានស្លាប់ពេលក្រុមគ្រួសារយកដល់មន្ទីរពេទ្យខេត្ត។
អធិការនៃអធិការដ្ឋាននគបាលស្រុកស្វាយជ្រំ បានឲ្យដឹងថា ជនរងគ្រោះទាំង៣នាក់នោះ គឺជាម្ចាស់រថយន្តបង្ក ។ចំណែកមនុស្សនៅក្នុងតូបលក់ដូរនោះ បានរត់ចេញអស់គ្រោះថ្នាក់តែក្មេងប្រុសម្នាក់កំពុងនិយាយទូរសព្ទ័ទៅម្តាយត្រូវរថយន្តបុកប៉ើងលើរថយន្តទៅធ្លាក់ក្នុងស្រះរបួសធ្ងន់បានស្លាប់ពេលទៅដល់មន្ទីរពេទ្យខេត្ត។ជនរងគ្រាះស្លាប់បាត់បង់ជីវិតនោះមានឈ្មោះ អូន សំណាង ភេទ ប្រុស អាយុ4 ឆ្នាំរស់នៅភូមិ ត្របែកប្រហោង ឃុំតាសួស ស្រុក ស្វាយជ្រុំ ខេត្ត ស្វាយរៀង(ស្លាប់ពេលបញ្ជូនដល់ពេទ្យខេត្តស្វាយរៀង)។