វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 857 នាក់
ម្សិលមិញ 5020 នាក់
សរុប 14116304 នាក់
ខេត្តក្រចេះ ៖ ជនសង្ស័យពាក់ព័ន្ធករណីសម្លាប់អ្នក កាសែតម្នាក់ កាលពីយប់ថ្ងៃទី៣ ខែកុម្ភៈ ឆ្នាំ២០១៩ កន្លង មកនៅក្បែរចំណុចផ្លូវបំបែកkm៨៨ ឃុំ២ធ្នូ ស្រុកស្នួល ខេត្តក្រចេះចាប់បានម្នាក់ហើយនៅរសៀលថ្ងៃទី៧ ខែកុម្ភៈ ឆ្នាំ២០១៩ នៅចំនុចភូមិជើងឃ្លេ ឃុំ២ធ្នូ ស្រុកស្នួល។
សមត្ថកិច្ច ឱ្យដឹងថា ជនសង្ស័យឈ្មោះ វ៉ន វិញ ភេទប្រុស អាយុ១៩ឆ្នាំ រស់នៅភូមិ ឃុំកើតហេតុ។ ក្រោយពីឃាត់ខ្លួនបាន និងធ្វើការសាកសួរ ជនសង្ស័យរូបនេះបានឆ្លើយសារភាពថា នៅយប់កើតហេតុខ្លួន និងបក្ខពួកចំនួន ៣នាក់រួមមាន៖ ទី១-ឈ្មោះ លឹម សុខគង់ ភេទប្រុស អាយុ ២១ឆ្នាំ រស់នៅភូមិដង្កោ ឃុំទ្រៀក ស្រុកមេមត់ ខេត្តត្បូងឃ្មុំ រត់គេចខ្លួនបាត់, ទី២- ឈ្មោះ រឹត សីហា ភេទប្រុស អាយុ២១ឆ្នាំរត់គេចខ្លួន រស់នៅចំនុចគីឡូម៉ែត្រ ៩០ ភូមិជើងឃ្លេ ឃុំ២ធ្នូ ស្រុកស្នួល ខេត្តក្រចេះ និងទី៣- រូបខ្លួនផ្ទាល់ជិះម៉ូតូ១គ្រឿង គ្នា៣នាក់ ក៏ធ្វើសកម្មភាពមកស្ទាកវាយជនរង គ្រោះពេលនោះឈ្មោះ រិត សីហា និងឈ្មោះ លឹម សុខគង់ ជាអ្នកយកដុំថ្មគប់ទៅលើជនរងគ្រោះ បណ្ដាលឱ្យធ្លាក់ពីលើម៉ូតូតែម្ដង។
សូមរំលឹកថា នៅវេលាម៉ោង ២២នឹង០៣នាទីយប់ ថ្ងៃទី៣ ខែកុម្ភៈ ជនរងគ្រោះឈ្មោះ ស៊ន សិទ្ធិ អាយ១៩ឆ្នាំ រស់នៅភូមិក្បាលស្នួល ឃុំស្នួល ស្រុកស្នួល ខេត្តក្រចេះ ជាអ្នកកាសែត បាត់ដំបងប៉ុស្តិត្រូវជនសង្ស័យស្ទាក់ផ្លូវវាយ និងគប់នៅចំណុចចផ្លូវបំបែកkm៨៨ ភូមិជើងឃ្លេ ឃុំ២ធ្នូ ស្រុកស្នួល បណ្ដាលឱ្យធ្លាក់ពីលើម៉ូតូស្លាប់នៅកន្លែងកើតហេតុតែម្តង។
លោក ចាន់ សុខគីម អធិការនគរបាលស្រុកស្នួល បានឱ្យដឹងថា សមត្ថកិច្ចកំពុងស្វែងរកបក្ខពួកជនសង្ស័យដែលរត់គេចបន្តទៀតតែមិនបានប្រាប់ថាជនសង្ស័យជាបក្ខពួកខាងណាហេតុអីបានសម្លាប់អ្នកាសែតចឹងនោះទេ ៕