វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6232 នាក់
ម្សិលមិញ 5378 នាក់
សរុប 14085525 នាក់
ខេត្តព្រះសីហនុ៖រដ្ឋបាលខេត្តព្រះសីហនុបានចេញប្រកាសតាមផេកហ្វេសប៊ុកផ្លូវជម្រាបជូនព័ត៌មានដល់សាធារណជនអំពីការផ្អាកចេញចូលខេត្តព្រះសីហនុព្រោះកូវីត។
សេចក្តីជូនដំណឹងបានបញ្ជាក់ថា៖ដោយបានមើលឃើញថា ក្នុងរយៈពេលប៉ុន្មានថ្ងៃកន្លងមកនេះ ពាក់ព័ន្ធនឹងព្រឹត្តិការណ៍សហគមន៍ ២០ កុម្ភៈ មានករណីឆ្លងជំងឺកូវីដ១៩ ដល់មនុស្សដែលកំពុងរស់នៅ ធ្វើការ ប្រកបអាជីវកម្មនៅខេត្តព្រះសីហនុ ក្នុងចំនួនមួយដែលបង្កឱ្យការគួរឱ្យព្រួយបារម្ភ។ដើម្បីចូលរួមទប់ស្កាត់ការឆ្លងរាលដាលជំងឺកូវីដ-១៩ ទៅក្នុងសហគមន៍ជាមួយរាជរដ្ឋាភិបាលកម្ពុជា រដ្ឋបាលខេត្ត សម្រចធ្វើការផ្អាកការធ្វើដំណើរចេញចូលខេត្តព្រះសីហនុជាបណ្តោះអាសន្ន លើកលែងតែរថយន្តដឹកទំនិញ និងរថយន្តសង្គ្រោះបន្ទាន់(ត្រូវឆ្លងកាត់លក្ខខណ្ឌនៃការត្រួតពិនិត្យត្រឹមត្រូវ) ដើម្បីបង្កលក្ខណៈ និង ទុកលទ្ធភាពឱ្យរដ្ឋបាលខេត្តគ្រប់គ្រងបាននូវអ្នកឆ្លងជំងឺកូវីដ-១៩ អ្នកមានការពាក់ព័ន្ធជាមួយនឹងអ្នកជំងឺ និងទីតាំងដែលមានការពាក់ព័ន្ធ ដើម្បីកំណត់ជាមណ្ឌលចត្តាឡីស័កឱ្យបានចប់សព្វគ្រប់សិន។ ក្នុងនោះដែរ រដ្ឋបាលខេត្តព្រះសីហនុ នឹងជម្រាសេចក្តីជូនដំណឹងជាផ្លូវការនៅពេលក្រោយទៀត។
គួរបញ្ជាក់ផងដែរថា គិតត្រឹមម៉ោង ថ្ងៃទី៣ ខែមីនា ឆ្នាំ២០២១ រដ្ឋបាលខេត្តព្រះសីហនុ បានយកវត្ថុសំណាកសរុបចំនួន ៩៩៧០ នាក់ ស្រី ៤២៣៨ នាក់ ក្នុងនោះអ្នកវិជ្ជមានកូវីដ-១៩ សរុបចំនួន ៧១នាក់ ស្រី៣២នាក់(ជនជាតិចិន ៦០នាក់ ស្រី២៥ នាក់ ស្ត្រីជនជាតិវៀតណាម ៥នាក់ ជនជាតិខ្មែរ៦នាក់ ស្រី២នាក់)៕