វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4337 នាក់
ម្សិលមិញ 5304 នាក់
សរុប 14143863 នាក់
ខេត្តព្រះសីហនុ៖ព្រឹត្តិការណ៍២០កុម្ភៈនៅខេត្តព្រះសីហនុមកដល់ព្រឹកថ្ងៃទី ២៨ ខែកុម្ភៈឆ្នាំ ២០២១ នៅតាមដងវិថីនានាក៏ដូចជានៅតាមតំបន់ឆ្នេរស្ងាត់សងៀមគ្មានការចល័តមនុស្សក្នុងពេឡដែលកម្លាំងសមត្ថកិច្ចកំពុងមានការរឹតបន្តឹងយាមនៅតាមទីតាំងដែល ពិនិត្យឃើញមានការសង្ស័យទាក់ទងនឹងជំងឺកូវីដ-១៩។
កម្លាំងសមត្ថកិច្ច រួមមាន កងកម្លាំងនគរបាលកងរាជអាវុធហត្ថ តំបន់ប្រតិបត្តិការសឹកនិងអង្គភាពពាក់ព័ន្ធបាននិងកំពុង មានការយាមកាមយ៉ាងយកចិត្តទុកដាក់នៅតាមទីតាំងនីមួយៗតាមការបញ្ជាផ្ទាល់ពីលោក គួច ចំរើន អភិបាលខេត្តនិងជាប្រធានគណៈបញ្ជាការឯកភាពខេត្ត។ រដ្ឋបាលខេត្តព្រះសីហនុចេញសេចក្តីជូនដំណឹងដល់ បងប្អូនប្រជាពលរដ្ឋ សាធារណជន និងជនបរទេស ដែលកំពុងស្នាក់នៅ ប្រកបរបរអាជីវកម្មគ្រប់ប្រភេទ ក្នុងខេត្តព្រះសីហនុ ឱ្យបានជ្រាបថា គិតត្រឹមថ្ងៃទី២៧ ខែកុម្ភៈ ឆ្នាំ២០២១ នេះ លទ្ធផលធ្វើតេស្តវត្ថុសំណាកលើជនបរទេស និងជនជាតិខ្មែរដែលមានការពាក់ព័ន្ធព្រឹត្តិការណ៍សហគមន៍ ២០កុម្ភៈ ក្នុងខេត្តព្រះសីហនុ មានវិជ្ជមានវីរុសកូវីដ-១៩ កើនឡើងដល់ចំនួន ៣០នាក់។
រដ្ឋបាលខេត្តព្រះសីហនុបានសម្រេចផ្អាកសកម្មភាពអាជីវកម្មលើទីតាំងពាក់ព័ន្ធចំនួន ១៦កន្លែងស្ថិតក្នុងក្រុងព្រះសីហនុ។ម្ចាស់អាជីវកម្មមួយចំនួនទៀតបានស្ម័គ្រចិត្តផ្អាកដំណើរការរបស់រួមមានសណ្ឋាគារចំនួន១០កន្លែង កាស៊ីណូចំនួន៦ ទីតាំង រមណីដ្ឋាន ១កន្លែង ភោជនីយដ្ឋាន១កន្លែង និងទីតាំងគុជអាស៊ី១កន្លែង។ ក៏មានការបិទសាលារៀនចំនួន២ ក្រុង និងស្រុក គឺនៅក្រុងព្រះសីហនុ និងនៅស្រុកស្ទឹងហាវ។ នេះជាការបញ្ជាក់បន្ថែមរបស់លោក ឃាង ភារម្យ ជាអ្នកនាំពាក្យសាលាខេត្ត។មកដល់ពេលនេះក្រុមឆ្លើយតបបន្ទាន់នៃមន្ទីរសុខាភិបាលខេត្ត បានយកវត្ថុសំណាកតេស្តពីអ្នកពាក់ព័ន្ធជាមួយទីតាំងទាំងអស់ខាងលើសរុបចំនួន ៤.១១៩នាក់ ស្រីចំនួន ១.៦៧៦នាក់៕