វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1620 នាក់
ម្សិលមិញ 6001 នាក់
សរុប 13874450 នាក់
ភ្នំពេញ៖ គ្រូពេទ្យមកពីយោធាកងពលតូចអន្តរាគមន៍លេខ១ នៅថ្ងៃទី០៧ ខែឧសភា ឆ្នាំ២០២១ នេះ បានបើកយុទ្ធនាការចាក់វ៉ាក់សាំងការពារជំងឺកូវីដ១៩ ជូនដល់ប្រជាពលរដ្ឋរស់នៅក្នុងតំបន់ក្រហម ក្នុងសង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញហើយ។ក្រៅពីទីតាំងនេះនៅសាលារឿនបញ្ញាក្រែកក៏មានការបើកចាក់វ៉ាក់សាំងដែលកាលពីថ្ងៃទី៦ឧសភា។
ចាប់ពីថ្ងៃទី០១ ខែឧសភា គ្រូពែទ្យទាហ៊ានបានចាប់ផ្តើមយុទ្ធនាការចាក់វ៉ាក់សាំងជូនប្រជា ពលរដ្ឋនៅក្នុងតំបន់ក្រហម ក្នុងសង្កាត់ចំនួន៣៣ នៃខណ្ឌមានជ័យ ខណ្ឌដង្កោ ខណ្ឌកំពូល និងខណ្ឌពោធិ៍សែនជ័យ។យុទ្ធនាការចាក់វ៉ាក់សាំងជូនប្រជាពលរដ្ឋតំបន់ក្រហមដែលមានជាង៥០ម៉ឺននាក់នេះ ដឹកនាំដោយនាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ និងជាប្រធានប្រតិបត្តិការយុទ្ធនាការចាក់វ៉ាក់សាំង។
ក្រសួងការពារជាតិ នៅថ្ងៃទី៦ ខែឧសភា ឆ្នាំ២០២១ បានឱ្យដឹងថា ការចាក់វ៉ាក់សាំងការពារជំងឺកូវីដ១៩ លើកទី១ ជូនកងទ័ព, គ្រួសារកងទ័ព និងប្រជាពលរដ្ឋ បានចំនួនសរុប ៥៤៤,៥៨៣នាក់ ក្នុងនោះចាក់នៅតំបន់ក្រហមបានចំនួន ២៤៦, ៧០២នាក់ ខណៈចាក់លើកទី២ បានចំនួន២៧៣,៤០០នាក់។
គិតត្រឹមយប់ថ្ងៃទី០៦ ខែឧសភា ឆ្នាំ២០២១ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ១៩ជូនមន្ត្រីរាជការ ប្រជា ពលរដ្ឋ និងកងកម្លាំងប្រដាប់អាវុធ នៅទូទាំងប្រទេសសរុបចំនួន ១,៦០៦,០០៧នាក់។សម្តេចតេជោ ហ៊ុន សែន នាយករដ្ឋមន្ត្រីកម្ពុជា កាលៀថ្ងៃទី៥ ខែឧសភា បានចេញមកបញ្ជាក់ថា - ប្រតិបត្តិការចាក់វ៉ាក់សាំងជូនប្រជាពលរដ្ឋនៅក្នុងតំបន់ក្រហម ដែលជាតំបន់ប្រឈមការរីករាល ដាល ជំងឺកូវីដ១៩នោះ គឺចាក់រហូតអស់ប្រជា ពលរដ្ឋ។