វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5839 នាក់
ម្សិលមិញ 6001 នាក់
សរុប 13878669 នាក់
ខេត្តព្រះសីហនុ៖ អ្នកជំងឺជនជាតិហូឡង់ម្នាក់តាមរយៈកប៉ាល់ដំណើរកម្សាន្តបរទេសមួយគ្រឿង ដែលចូលចតនៅកំពង់ផែខេត្តព្រះសីហនុ ដែលមានអាការក្តៅខ្លួនខ្លាំងកាលពីថ្ងៃទី១០ ខែកុម្ភៈ លទ្ធផលវិភាគរបស់វិទ្យាស្ថានប៉ាស្ទរ័ឆ្លើយថា ជនជាតិហូឡង់ រូបនេះ មិនមានផ្ទុកវីរុសកូរ៉ូណាថ្មី (2019-nCoV)នោះទេ។នេះបើតាមអ្នកនាំពាក្យសាលាខេត្តព្រះសីហនុ លោក ឃាង ភារម្យ បានថ្លែងប្រាប់កាសែតនៅរសៀលថ្ងៃអង្គារ ទី១១ ខែកុម្ភៈ។
ជនជាតិហូឡង់ ឈ្មោះ Van Der Meer ភេទប្រុស អាយុ ៧០ឆ្នាំ កាន់លិខិតឆ្លងដែនលេខ NT6L4CK63 ដែលធ្វើដំណើរតាមនាវាទេសចរណ៍ NORWEGIAN JADE សញ្ជាតិ BAHAMAS បានចូលចតនៅកំពង់ផែស្វយ័តក្រុងព្រះសីហនុ កាលពីព្រឹកថ្ងៃទី១០ ខែកុម្ភៈ ឆ្នាំ២០២០ ដោយសារលោក Van Der Meer មានអាការក្តៅខ្លួនទើបត្រូវបានបញ្ជូនមកពិនិត្យព្យាបាល នៅមន្ទីរពេទ្យបង្អែកខេត្តព្រះសីហនុ។
ពេលនះក្រុមគ្រូពេទ្យនៃមន្ទីរពេទ្យបង្អែកខេត្តព្រះសីហនុ កំពុងរៀបចំបែបបទអនុញ្ញាតឱ្យលោក Van Der Meer ចាកចេញពីមន្ទីរពេទ្យហើយ។សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍ថា ប្រសិនបើរកឃើញថា មានមនុស្សណាម្នាក់ កើតជំងឺវីរុសកូរ៉ូណា នៅប្រទេសណាមួយ គឺប្រទេសនោះ ទទួលខុសត្រូវលើការព្យាបាលអ្នកជំងឺនោះ រហូតដល់បានជាសះស្បើយ ទើបអនុញ្ញាតឲ្យវិលត្រឡប់ទៅប្រទេសដើមវិញ។សូមបញ្ជាក់ថាជនជាតិចិនមួយរូបដែលមានផ្ទុកវិរុសកូរ៉ូណានៅខេត្តព្រះសីហនុក៏បានអនុញ្ញាតិឲ្យវិលត្រឡប់ទៅស្រុកវិញក្រោយពីការព្យាបាលបានជាសះស្បើយ។