ភរិយាឧកញ៉ាសឹងប៊ុណ្ណាមុនបានឲ្យដឹងថាបានចែកផ្លូវគ្នាយូហើយតាំងពីឆ្នាំ២០១៦ម្លេះ!?
21-September-2026 / ព័ត៌មានជាតិ
ភ្នំពេញ៖ក្រោយពីផ្ទុះរឿងបាញ់បោះសេរីដោយសារមិនសប្បាយចិត្តនិងភរិយាទើបដឹងថា ឧកញ៉ា ស៊ឹង ប៊ុណ្ណា និង ភរិយាបាន ចែកផ្លូវគ្នារាប់ឆ្នាំទៅហើយ?!។ឧកញ៉ា ស៊ឹង ប៊ុណ្ណា ដែលត្រូវបានគេស្គាល់ថាជាអ្នកជំនួញដ៏មាន ឥទ្ធិពល ម្នាក់ ត្រូវបានតុលាការខេត្តសៀមរាបសម្រេចបង្គាប់ឱ្យសមត្ថកិច្ចនាំខ្លួនបញ្ជូន ទៅ ដាក់ ពន្ធ នាគារ ជាបណ្តោះអាសន្ន ពីបទប្រើប្រាស់អាវុធខុសច្បាប់ ។ នេះជាការឃុំខ្លួនលើកទី២បន្ទាប់ពីតុលាការរាជធានីភ្នំពេញបានឃាត់ខ្លួនកាលពីប៉ុន្មានឆ្នាំមុនរឿងជំពាក់លុយកាក់។
សូមរំលឹកថាកាលពីថ្ងៃទី១០ ខែមិថុនាឆ្នាំ២០១៦ លោក សឹង ប៊ុណ្ណា អគ្គនាយកក្រុមហ៊ុនវាយតំលៃអចលនទ្រព្យ ប៊ុណ្ណា រៀលធី ត្រូវបានចាប់ខ្លួន ហើយតុលាការឃុំខ្លួន ដែលជាប់ពាក់ព័ន្ធនិងករណីចេញស្អុយ អត់ប្រាក់ឲ្យទៅម្ចាស់បំណុល។មន្ត្រីតុលាការបានបន្តឲ្យដឹងថា នៅឆ្នាំ២០១៥ លោក សឹង ប៊ុណ្ណា បានខ្ចីប្រាក់ពីលោក កែវ ហ៊ុន ចំនួន៤០ម៉ឺនដុល្លារ ជាសាច់ប្រាក់សុទ្ធ។ លុះដល់ឆ្នាំ២០១៦នេះ លោក សឹង បុណ្ណា បានសងវិញតែជាសែក លុះដល់ម្ចាស់បំណុលទៅបើកប្រាក់ ស្រាប់តែខាងធនាគារប្រាប់ថា សែកនោះអត់មានសាច់ប្រាក់ទេ ទើបលោក កែវ ហ៊ុន ប្ដឹងតែម្ដង។
ទោះជាយ៉ាងណាអ្វីដែលជាការចាប់អារម្មណ៍ ក្រោយកើតរឿងទាំងនេះទើបដឹងថាឧកញ៉ា ស៊ឹង ប៊ុណ្ណា និងភរិយាបានលែងលះគ្នាប្រមាណ ជាជិត១០ឆ្នាំទៅហើយដោយបន្សល់នូវកូនប្រុសស្រីចំនួន៥នាក់កាលពីឆ្នាំ២០១៦។គេចាំបានថាកន្លងមកឧកញ៉ា ស៊ឹង ប៊ុណ្ណា ជាអ្នកជំនួញដែលមានឈ្មោះបោះសំឡេងម្នាក់ ហើយភរិយារបស់លោកត្រូវបានគេស្គាល់ថា ឈ្មោះ សន សុម៉ាលី ដែលកាលណោះគេ តែងឃើញភរិយារបស់ឧកញ៉ារូបនេះបង្ហាញពីរូបភាពផ្អែមល្ហែមជាច្រើននៅតាមបណ្តាញសង្គម ។
អតីតភរិយាអ្នកស្រី សន សុម៉ាលី បានឡាយវីដេអូ ថាអ្នកស្រីមិនចង់និយាយរឿងនេះទេ តែមានអ្នកស្គាល់គ្នាជាច្រើនបានឆាតមកសួរនាំពីរឿងនេះដោយខ្លះបានសួរថាអ្នកស្រី មានបញ្ហារងរបួសទេឬ? ដោយសារបែបនេះទើបអ្នកស្រីសម្រេចនិយាយក្នុងថ្ងៃនេះ។ អ្នកស្រី សន សុម៉ាលី បាននិយាយទៀតថា«រវាងអ្នកស្រី និងឧកញ៉ា ស៊ឹង ប៊ុណ្ណា បានរស់នៅបែកគ្នា កាលពីឆ្នាំ ២០១៣ហើយនៅឆ្នាំ ២០១៦បានបែកគ្នាទៅតាមផ្លូវច្បាប់ ដោយក្នុងនោះអ្នកស្រី បានបដិសេធមិននិយាយពីមូលហេតុនៃការបែកបាក់ឡើយ ។ អ្នកស្រី បានបន្តទៀតថាមាន មនុស្សតិចបំផុតដែលដឹងថាអ្នកស្រី និងអតីតស្វាមីបានចែកផ្លូវគ្នាព្រោះអ្នកស្រីមិនបាន និយាយនៅតាមបណ្តាញសង្គមគិតថាមិនចាំបាច់។
អ្នកស្រី សន សុម៉ាលី បានរៀបរាប់ថាតាំងពីបែកគ្នាឆ្នាំ ២០១៦រហូតដល់សព្វថ្ងៃអ្នកស្រីមិន ដែលបានជួបមុខឬនិយាយជាមួយអតីតស្វាមីឡើយ ប៉ុន្តែនៅពេលដែលឃើញអតីតស្វាមី ជួបរឿងនេះអ្នកស្រីពិតជារន្ធត់ចិត្តជាខ្លាំង តែយ៉ាងណាក៏ធូរចិត្តដោយឃើញលោកមាន ភរិយាក្រោយនៅក្បែរ។ បើទោះបែកគ្នា តែ អ្នកស្រីនៅតែគោរពនឹងចាត់ទុកឧកញ៉ា ស៊ឹង ប៊ុណ្ណា ជាគ្រូ ជាអតីតស្វាមី និងជាឪពុករបស់កូនៗបើទោះលោកមិនបានផ្តល់អាហារកិច្ច ក៏ដោយ ហើយ អ្នកស្រីក៏មិនបានបិទសិទ្ធមិនឱ្យទំនាក់ទំនងជាមួយកូនៗដែរ ។ អ្នកស្រី សន សុម៉ាលី បានឱ្យដឹងថាមិននឹកថាមានរឿងបែបនេះទេព្រោះកាលរួមរស់ជាមួយគ្នា អតីត ស្វាមី ជាមនុស្សស្លូតបូតសូម្បីតែពាក្យអញក៏មិនដែលប្រើប្រាស់មកលើភរិយា និងកូនៗដែរ តែ ក្រោយបែកគ្នា អ្នកស្រីក៏មិនបានដឹងដែរ ។
ប៉ុន្តែបើគេចាំមិនភ្លេចទេកាលពីប៉ុន្មានឆ្នាំមុនលោកហែមបូរិទ្ធហៅឌីជេឡាយអឹនមុនពេលដែលមានរឿងត្រូវសមត្តកិច្ចចាប់ខ្លួនកាលពិឆ្នាំ២០១៩ព្រោះពាក់ពន្ធ័គ្រឿងញៀនធ្លាប់បានបង្ហោះសារតាមហ្វេសប៊ុករិះគន់លោកឧកញ៉ាសឹងប៊ុណ្ណារឿងបមបែកបំបាក់ជាមួយភរិយាដែលជាប្អូនស្រីបង្កើតរបស់លោកស្រីសនសុម៉ាលី។ប្រហែលដោយសារតុកស៊ិចរឿងហ្នឹងហើយក្រោយមកឌីជេឡាអឹនបានងាកមកប្រើប្រាស់និងជួញដូរគ្រឿងញៀនរហូតត្រូវបានចាប់ខ្លួនទៅ។
គួរបញ្ជាក់ថាឧកញ៉ា ស៊ឹង ប៊ុណ្ណា បានផ្ទុះអាវុធចំនួន ០៤គ្រាប់កាលពីវេលាម៉ោង ២៣ និង ០០នាទីយប់ ថ្ងៃ៣០ ខែកក្កដា ឆ្នាំ២០២២ ស្ថិតនៅក្នុងផ្ទះវីឡាមួយកន្លែងស្ថិតនៅ ក្រុមទី៦ ភូមិត្រពាំងសេះ សង្កាត់គោកចក ខេត្តសៀមរាបដោយមូលហេតុខឹងភរិយាត្រលប់មកផ្ទះ យប់ជ្រៅ។ សូមជំរាបថា លោក សឹង ប៊ុណ្ណា បានបង្កើតក្រុមហ៊ុន ប៊ុណ្ណា រៀលធី គ្រុប នៅរាជធានីភ្នំពេញក្នុងឆ្នាំ១៩៩៩។ លុះនៅឆ្នាំ២០១១ ធនាគារជាតិនៃកម្ពុជា បានទទួលការវាយតម្លៃផ្នែកអចនទ្រព្យកម្មសិទ្ធិរដ្ឋ នៅទូទាំងប្រទេស ក្រុមហ៊ុន ប៊ុណ្ណា រៀលធី គ្រុប ក៏បានក្លាយជាអ្នកដេញថ្លៃ និងទទួលបានកិច្ចសន្យា វាយតម្លៃផ្នែកសុវត្ថិភាពជាផ្លូវការនាពេលនោះ។
