វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4545 នាក់
ម្សិលមិញ 4292 នាក់
សរុប 14114244 នាក់
ភ្នំពេញ៖ មន្ត្រីជំនាញនៃក្រសួងកសិកម្ម រុក្ខាប្រមាញ់ និងនេសាទ, ក្រសួងសេដ្ឋកិច្ច និងហិរញ្ញវត្ថុ និងក្រសួងពាណិជ្ជកម្មបាន រួមគ្នាបើកកិច្ចប្រជុំពិគ្រោះយោបល់មួយ ដើម្បីពិនិត្យលើទិដ្ឋភាពច្បាប់ និងផលប៉ះពាល់ បន្ទាប់ពីការចេញសេចក្តីប្រកាសព័ត៌មានរបស់ក្រសួងកសិកម្ម រុក្ខាប្រមាញ់ និងនេសាទកម្ពុជា ដែលបានចុះនៅថ្ងៃទី០៨ ខែមករា ឆ្នាំ២០២១ កន្លងទៅនេះ ទាក់ទងនឹងការផ្អាកជាបណ្តោះអាសន្ននូវការនាំចូលត្រីចំនួន ៤ប្រភេទ ពីក្រៅប្រទេស(ប្រទេសវៀតណាម)។
ក្រុមការងារអន្តរក្រសួង បានយល់ឯកភាពគ្នាថា សេចក្តីប្រកាសព័ត៌មានខាងលើគ្រាន់តែជាការជូនដំណឹងអំពីការព្រមព្រៀងគ្នាដោយស្ម័គ្រចិត្តរវាងសមាគមវារីវប្បករនៅកម្ពុជា និងអាជីវករនាំចេញ នាំចូលផល ផលិតផលជលផលក្នុងការផ្អាកជាបណ្តោះអាសន្ននូវការនាំចូលត្រី ៤ប្រភេទ រួមមាន ត្រីប្រា ត្រីពោ ត្រីអណ្តែង និងត្រីឆ្តោ ពីក្រៅប្រទេស តែប៉ុណ្ណោះ។ សម្រាប់ក្រសួងកសិកម្ម រុក្ខាប្រមាញ់ និងនេសាទវិញ នៅតែបន្តការអនុញ្ញាតឱ្យនាំចូលនូវផល ផលិតផលជលផល ជាពិសេសត្រី ៤ប្រភេទខាងលើ ដោយផ្អែកតាមសេចក្តីត្រូវការក្នុងស្រុក និងឈរលើមូលដ្ឋានពាណិជ្ជកម្មសេរី និងអនុលោមតាមច្បាប់ជាតិ កិច្ចព្រមព្រៀងអន្តរជាតិពាក់ព័ន្ធ ព្រមទាំងដើម្បីការពារសុខភាពមនុស្ស សត្វ ពីការប្រើប្រាស់ផលិតផលជលផលដដែលតើ។
សូមបញ្ជាក់ថាដោយមានការទាមទានិងដើម្បីជួយលើកទឹកចិត្តអ្នកចិញ្ចឹមត្រីក្នុងស្រុកក្រួសួងកសិកម្មបានឯកភាពថាផ្អាកការនាំចូលត្រីពីប្រទេសជិតខាង(វៀតណាម)សិន។តែមិនបានប៉ុន្មានដោយប្រហែលជាមានការតវ៉ាពីខាងក្រៅក្រសួងក៏បានកែប្រែសម្តីវិញទៅ!។ដើម្បីកុំឲ្យអន់ពេកក្នុងកិច្ចប្រជុំអន្តរក្រសួងនោះក្រុមការងារ បានឯកភាពគ្នាថា កម្ពុជាគួរពង្រឹងសមត្ថភាពប្រកួតប្រជែងរបស់វារីវប្បករក្នុងស្រុក ដោយឈរលើគោលការណ៍ពាណិជ្ជកម្មសេរី និងពង្រឹងការកសាងនិងអនុវត្តបទប្បញ្ញត្តិបច្ចេកទេស ដើម្បីធានាគុណភាព និងសុវត្ថិភាពចំណីអាហារ៕