វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4309 នាក់
ម្សិលមិញ 10264 នាក់
សរុប 14143491 នាក់
អាមេរិក៖បន្ទាប់ពីផ្អាកដោយសារបាតុករគាំទ្រលោកត្រាំអុកឡុកសភាអាមេរិកបានប្រជុំនិងបានប្រកាសជាផ្លូវការថាលោកបៃឌិនជាអ្នកឈ្នះក្នុងការបោះឆ្នោតកាលពីថ្ងៃទី៣ខែវិច្ឆិកាឆ្នាំ២០២០ ។ លោកត្រាំ បានព្រមផ្ទេរអំណាច ប៉ុន្តែមុនពេលចាកចេញលោកត្រាំ បានបន្សល់ទុកឈ្មោះអាក្រក់ក្នុងប្រវត្តិសាស្ត្រអាមេរិកនិងនៅតែទន្ទេញថាការបោះឆ្នោតមានការបន្លំ។
អនុប្រធានាធិបតីអាមេរិក លោកMike Pence ដែលបានដឹកនាំកិច្ចប្រជុំសភាបានប្រកាសថា លោកបៃឌិន និងលោកស្រី កាម៉ាឡា ហារីសជាអ្នកឈ្នះក្នុងការបោះឆ្នោតប្រធានាធិបតីនិងអនុប្រធានាធិបតី។ លោក Mike Pence បានប្រកាសថា លោកបៃឌិន ទទួលបានសំឡេងគាំទ្រ៣០៦ ចំណែកលោកត្រាំទទួលបានតែ២៣២សំឡេងប៉ុណ្ណោះ ។ ដូច្នេះលោកបៃឌិនក្លាយជាប្រធានាធិបតីទី៤៦របស់អាមេរិក។ នៅវេលាថ្ងៃត្រង់ថ្ងៃទី២០ខែមករា(ពេលវេលាអាមេរិក) លោកបៃឌិននិងលោកស្រី ហារីសនឹងស្បថចូលកាន់តំណែង។ក្រោយអនុប្រធានាធិបតី Mike Pence ប្រកាសថា លោកបៃឌិនជាអ្នកឈ្នះទើបប្រធានាធិបតី ដូណាល់ ត្រាំ ប្រកាសព្រមចុះចាញ់ហើយផ្ទេរអំណាចប្រធានាធិបតីអាមេរិកប្រកបដោយសន្តិភាព។
សូមបញ្ជាក់ថាដោយសាតែមានការអំពាវនាវពីលោកត្រាំបាតុករដែលគាំទ្របានប្រមូលគ្នាធ្វើបាតុកម្មចូលអុកឡុកវិមានសភា (Capitol Hill) ដើម្បីព្យាយាមរារាំងដល់ ការបោះឆ្នោតទទួលស្គាល់ជ័យជម្នះរបស់ប្រធានាធិបតីជាប់ឆ្នោតលោក ចូ បៃដិនបណ្តាលឲ្យមាការប៉ះទង្គិះគ្នាបណ្តាលឲ្យមនុស្ស៤នាក់ស្លាប់ ហើយមានបាតុករ៥២នាក់ត្រូវបានចាប់ខ្លួនផងដែរ។បេីតាមការបញ្ជាក់ពីប៉ូលីសអាមេរិក ក៏បានរកឃើញ គ្រាប់បែកច្នៃចំនួន០២គ្រាប់ នៅក្បែរគណៈកម្មាធិការជាតិបក្សប្រជាធិបតេយ្យ និងគណៈកម្មាធិការជាតិបក្ស សាធារណរដ្ឋផងដែរ។ ចំណែកនៅ ក្នុងបរិវេណវិមាន Capitol Hill អាជ្ញាធរបានរកឃើញរថយន្តមួយគ្រឿងដែលមានកាំភ្លើងវែងមួយដើម និងគ្រាប់បែកសាំងមួយចំនួន។
នៅយប់ថ្ងៃពុធ រហូតដល់ព្រឹកថ្ងៃព្រហស្បតិ៍ទី០៧ ខែមករានេះ (ម៉ោងនៅវ៉ាស៊ីនតោន) លោកស្រី Muriel Bowser អភិបាលរដ្ឋធានីវ៉ាស៊ីនតោន ឌីស៊ី បានសម្រេចចិត្តអូសបន្លាយការដាក់រដ្ឋធានីមួយនេះក្នុងភាពអាសន្ន រយៈពេល១៥ថ្ងៃ ពោលគឺរហូតដល់ក្រោយលោក ចូ បៃដិន ស្បថចូលកាន់តំណែងជាប្រធានាធិបតីថ្មីរបស់សហរដ្ឋអាមេរិក នៅថ្ងៃទី២០ ខែមករានេះ។បើតាមទីភ្នាក់ងារព័ត៌មានចិនស៊ីនហួ នៅថ្ងៃព្រហស្បតិ៍ ទី០៧ ខែមករាឆ្នាំ២០២១ បានចុះផ្សាយការប្រកាសដាក់ចេញបទបញ្ជាថ្មីខាងលើរបស់លោកស្រី Muriel Bowser កើតមានឡើង បន្ទាប់ពីលោកស្រី បានប្រកាសដាក់បម្រាមគោចរលើរដ្ឋធានីវ៉ាស៊ីនតោន ឆ្លើយតបទៅនឹងភាពចលាចល នៅឯវិមានសភាអាមេរិក។
លោកស្រី យូស៊ូឡា វ៉ុន ដឺ ឡេយ៉េន (Ursula von der Leyen) ប្រធានគណៈកម្មការសហភាពអឺរ៉ុប (European Commission) នៅយប់ថ្ងៃពុធ (ពេលវេលានៅព្រុចសែល) បានអំពាវនាវឲ្យមានការផ្ទេរអំណាចដោយសន្តិវិធី នៅសហរដ្ឋអាមេរិក បន្ទាប់ពីបាតុកម្មអុកឡុកវិមានសភាអាមេរិក នៅក្នុងរដ្ឋធានីវ៉ាស៊ីនតោន បានផ្ទុះឡើងដ៏ហិង្សាបំផុត។លោកស្រីប្រធានគណៈកម្មការអឺរ៉ុប ដោយលើកឡើងយ៉ាងដូច្នេះថា៖ «ការផ្ទេរអំណាចដោយសន្តិវិធី គឺជាស្នូល… លោក ចូ បៃដិន បានឈ្នះឆ្នោតហើយ»។ ការថ្លែងរបស់លោកស្រី Leyen បែបនេះបានកើតមានឡើង ក្រោយពីនាយករដ្ឋមន្ត្រីអង់គ្លេសលោក បូរីស ចនសុន ហៅការធ្វើបាតុកម្មអុកឡុកសភាអាមេរិកនោះថាជា «ឈុតឆាកដ៏គួរឲ្យស្អប់ខ្ពើម»។
ក្រោយពីកើតមានព្រិត្តិការណ៍អុកឡូករដ្ឋសភាអាមេរិកមកមានមន្ត្រីជាច្រើនរូបនៅសេតវិមានបានសម្រេចលាលែងចេញពីតំណែង ដោយមិនចង់ជាប់ឈ្មោះអាក្រក់ថាគាំទ្រលោកត្រាំក្នុងសកម្មភាពតវ៉ាប្រឆាំងនឹងរដ្ឋសភានោះទេ ។ ការលាលែងកើតឡើងក្រោយពេលអ្នកគាំទ្រលោកត្រាំ អុកឡុករដ្ឋសភាធ្វើឲ្យរាំងស្ទះកិច្ចប្រជុំ។
សារព័ត៌មាន CNN បានដកស្រង់សម្តីមន្ត្រីសេតវិមានដែលបានឲ្យដឹងថា លេខាព័ត៌មាននៅសេតវិមាន Stephanie Grisham បានដាក់លិខិតលាលែងចេញពីតំណែងភ្លាមៗ។ ក្រៅពីនេះនៅមានលេខាសេតវិមានទទួលបន្ទុកសង្គម Anna Cristina “Rickie” ក៏បានដាក់លិខិតលាលែងពីតំណែងផងដែរ។
លោកស្រីAnna Cristina “Rickie” និង Niceta ជាមន្ត្រីដែលបម្រើការយូរបំផុតនៅសេតវិមានក្នុងរដ្ឋកាលរបស់ប្រធានាធិបតីដូណាល់ ត្រាំ ។ ចំណែកលេខាព័ត៌មានសេតវិមានលោកស្រី Sarah Matthew បានលាលែងចេញពីតំណែងនៅយប់ថ្ងៃទី៦ខែមករាឆ្នាំ២០២១។
លោកស្រីបានលើកឡើងថា «ខ្ញុំពិតជារីករាយដែលបានធ្វើការជាមួយប្រធានាធិបតីដូណាល់ ត្រាំ ប៉ុន្តែអ្វីដែលខ្ញុំបានឃើញថ្ងៃនេះ ធ្វើឲ្យខ្ញុំបារម្ភយ៉ាងខ្លាំង»។ លោកស្រីបន្តទៀតថា«ទឹកដីរបស់យើងត្រូវការផ្លាស់ប្តូរអំណាចដោយសន្តិភាព មិនត្រូវមានអំពើហិង្សាកើតឡើងបែបនេះឡើយ។អ្នកដែលបង្ហាញភាពមិនគាំទ្រលោកត្រាំមុនគេគឺលោកអនុប្រធានាធិបតីម៉ៃផែន( Mike Pence)តាមរយៈចេញបញ្ជាឲ្យសមត្តកិច្ចទប់ស្កាត់បាតុករនិងប្រកាសពីជ័យជំនះរបស់លោកបៃដិននៅក្នុងសភា៕