មានមនុស្សមកបំពានចាក់ដីលុបទំនប់មេទឹកឃុំតាសាលស្រុកឱរ៉ាល់ខេត្តកំពង់ស្ពឺយកធ្វើកម្មសិទ្ធអាជ្ញាធរប៉ក់ល្វើយ

ប្រធា នាធិបតី បារាំងសន្យានឹងជួយសម្រួលផ្ដល់ឯកសារផ្សេងៗដល់កម្ពុជា-ថៃ សម្រាប់ដំណើរការទៅកាន់តុលាការយុតិ្តធម៌អន្តរជាតិ ICJ?

ការចរចាពន្ធបដិការ កម្ពុជា-អាមេរិក បានត្រឹមឯកភាពលើបញ្ញត្តិជាច្រើនមិនទាន់បានផលអីទេ

កម្ពុជាវៀតណាមព្រមព្រៀងគ្នាយកពន្ធសូន្យលើ់មុខទំនិញ២៨មុខ!

អភិបាលរងស្រុកជុំគិរី ទៅរៀបការប្រពន្ធថ្មី ខណៈមិនទាន់លែងលះដាច់

នគរបាលខេត្តព្រះសីហនុ ឃាត់ឡាន Raptor ដែលមានប្រវត្តិស្មុកស្មាញ បានហើយ !

ច្រកទ្វារព្រំដែន ប៉ែកខាងកើត ( កម្ពុជា-វៀតណាម ) ប្រជា ពលរដ្ឋខ្មែរសប្បាយនឹងការលេងល្បែងសុីសងជល់មាន់យ៉ាងគគ្រឹកគគ្រេងក្នុងកាសុីណូ Casino Hotel Hero 777 ឯ ច្រកទ្វារព្រំដែនប៉ែកខាងលិច ( កម្ពុជា- ថៃ )ប្រជាពលរដ្ឋ ភ័យព្រួយនឹងការផ្ទុះអាវុធបាញ់ប្រយុទ្ធគ្នារវាងកងទ័ពថៃ និង កងទ័ពខ្មែរ

ជាច្រើនទៀត

ចំនួនអ្នកទស្សនា

ថ្ងៃនេះ 2307 នាក់

ម្សិលមិញ 4343 នាក់

សរុប 17073356 នាក់

ចូលរួមបុណ្យសពសម្តេចប៉ាបនៅបុរីវ៉ាទីកង់លោក ត្រាំ និងលោក ហ្សេលេនស្គី ជួបមុខគ្នាផ្ទាល់បង្ហាញក្តីសង្ឃឹមដូចគ្នា

30-May-2025 / ព័ត៌មានអន្តរជាតិ

រ៉ូម, អ៉ីតាលី៖ ប្រធានាធិបតីអាមេរិក លោក ដូណាល់ ត្រាំ និងប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានជួបគ្នាផ្ទាល់មុខជាថ្មី គ្រាដែរអ្នកទាំងពីរទៅចូលរួមព្រះរាជពិធីបុណ្យសពសម្តេចប៉ាប ហ្វ្រង់ស៉ីស ក្នុងទីក្រុងរ៉ូម ប្រទេសអ៉ីតាលីនាថ្ងៃសៅរ៍ ទី២៦ ខែមេសា។ a trum zelenskya

ទីភ្នាក់ងារសារព័ត៌មាន Reutersឲ្យដឹងថា៖អ្នកនាំពាក្យការិយាល័យរបស់ លោក ហ្សេលេនស្គី និយាយថា មេដឹកនាំទាំងពីរបានជជែកគ្នា នៅឯវិហារ St. Peter's Basilica រយៈពេលប្រហែល ១៥នាទី ដោយយល់ព្រមឱ្យមានជំនួបលើកទីពីរនៅពេលក្រោយ។ លោក Steven Cheung ប្រធានក្រុមការងារផ្នែកទំនាក់ទំនងនៃសេតវិមាន បានឱ្យដឹងថា លោកប្រធានាធិបតី ត្រាំ និងលោកប្រធានាធិបតី ហ្សេលេនស្គី បានជួបគ្នាជាលក្ខណៈឯកជនហើយមានការពិភាក្សាប្រកបដោយផ្លែផ្កា។

លោកដូណាល់ ត្រាំ បានបង្ហោះសារលើបណ្តាញសង្គម Trust Social ដោយលោកបានសរសេរថា៖ លោកពូទីនគ្មានហេតុផលអ្វីទាល់តែសោះ ដែលត្រូវទៅបាញ់ប្លោងគ្រាប់ សម្លាប់ជីវិតប្រជាជនស៊ីវីលអ៊ុយក្រែន ប៉ុន្មានថ្ងៃកន្លងមកនេះ។ លោកត្រាំ សរសេរបន្តថា៖ ចំណុចនេះបានធ្វើឲ្យលោកគិតថា ប្រហែលជាលោកពូទីនមិនចង់ឈប់ធ្វើសង្គ្រាមនោះទេ ហើយលោកពូទីនប្រហែលជាកំពុងតែបោកបញ្ឆោតរូបលោកឲ្យចេះតែដើរតាម។ បើអ៊ីចឹងមែន គឺត្រូវតែរកវិធីផ្សេងហើយ ដើម្បីដោះស្រាយ។

ប្រធានាធិបតី អ៊ុយក្រែន លោក Volodymyr Zelensky បានបង្ហោះសារក្រោយជំនួបនោះ ដែលមានន័យថា៖«ជាការប្រជុំល្អ។ យើងបានពិភាក្សាច្រើនម្នាក់ទល់ម្នាក់។ សង្ឃឹមថានឹងទទួលបានលទ្ធផលលើអ្វីគ្រប់យ៉ាងដែលយើងបានរ៉ាប់រង។ ការពារជីវិតប្រជាជនយើង។ បទឈប់បាញ់ពេញលេញ និងគ្មានលក្ខខណ្ឌ។ សន្តិភាពដែលអាចទុកចិត្តបាន និងស្ថិតស្ថេរដែលនឹងការពារមិនឱ្យមានសង្គ្រាមមួយទៀតផ្ទុះឡើងទៀត។ កិច្ចប្រជុំជានិមិត្តរូបដ៏សំខាន់ដែលមានសក្តានុពលក្លាយជាប្រវត្តិសាស្ត្រ ប្រសិនបើយើងសម្រេចបានលទ្ធផលរួមគ្នា។ សូមអរគុណលោកប្រធានាធិបតី Donald J. Trump»។

ប្រធានាធិបតីអាមេរិក លោក ដូណាល់ ត្រាំ បានអះអាងថា រុស្ស៉ីនិងអ៊ុយក្រែន កំពុងខិតតែជិតមែនទៀតហើយ ក្នុងការសម្រេចបានកិច្ចព្រមព្រៀងឈប់បាញ់ បន្ទាប់ពីបេសកជនរបស់លោក បានជួបពិភាក្សាជាថ្មីម្តងទៀត ជាមួយប្រធានាធិបតីរុស្ស៉ី លោក វ្ល៉ាឌីមៀ ពូទីន នៅទីក្រុងមូស្គូ កាលពីថ្ងៃសុក្រ ទី២៥ ខែមេសា។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។បន្ទាប់ពីទៅដល់ទីក្រុងរ៉ូមកាលពីយប់ថ្ងៃសុក្រ ដើម្បីចូលរួមព្រះរាជពិធីបុណ្យសពរបស់សម្តេចប៉ាប ហ្វ្រងស៉ីស លោក ត្រាំ បានបង្ហោះសារថា រុស្ស៉ីនិងអ៊ុយក្រែន កំពុងខិតកាន់តែទៅជិតការសម្រេចបានកិច្ចព្រមព្រៀងឈប់បាញ់មួយ ហើយភាគីទាំងពីរនាពេលនេះ គួរតែជួបមុខគ្នាផ្ទាល់ក្នុងកម្រិតខ្ពស់ ដើម្បីសម្រេចរឿងនោះជាស្ថាពរ ខណៈចំណុចធំៗភាគច្រើន ត្រូវបានឯកភាពគ្នារួចហើយ។

បើតាមវិមានក្រឹមឡាំង កិច្ចសន្ទនារវាងបេសកជនលោក ត្រាំ គឺលោក Steve Witkoff និងលោក ពូទីន គឺរួមមានទាំងការជជែកអំពីលទ្ធភាពនៃការចាប់ផ្តើមឡើងវិញ នូវការចរចាដោយផ្ទាល់រវាងទីក្រុងកៀវនិងទីក្រុងមូស្គូ។ វិមានក្រឹមឡាំង បានបន្ថែមថា ជំនួបថ្មីចុងក្រោយនេះ បាននាំឱ្យគោលជំហររបស់រុស្ស៉ីនិងអាមេរិក ជុំវិញបញ្ហាអ៊ុយក្រែន កាន់តែខិតកៀកគ្នា។គួរបញ្ជាក់ថា រុស្ស៉ីនិងអ៊ុយក្រែន មិនបានបើកកិច្ចពិភាក្សាដោយផ្ទាល់ជុំវិញជម្លោះឡើយ ចាប់តាំងពីអំឡុងពេលប៉ុន្មានសប្តាហ៍ដំបូង នៃការផ្ទុះឡើងនូវសង្គ្រាមឈ្លានពានរបស់ទីក្រុងមូស្គូ កាលពីខែកុម្ភៈ ឆ្នាំ២០២២។

ទាក់ទិននិងការចារចារបញ្ចប់សង្គ្រាមនេះដឺរថ្លែងក្នុងកិច្ចសម្ភាសជាមួយ BBC នៅថ្ងៃសុក្រទី២៥ខែមេសាឆ្នាំ២០២៥ អភិបាលក្រុងកៀវ លោកVitali Klitschko ទទួលស្គាល់ថា អ៊ុយក្រែន ប្រហែលជាត្រូវព្រមបាត់ទឹកដីហើយ ដើម្បីសន្តិភាព។ក្នុងនាមជាមន្ត្រីជាន់ខ្ពស់មួយរូប ដែលហ៊ានសារភាពជាសាធារណៈអំពីការបាត់បង់ទឹកដី, លោក Klitschko និយាយថា ខ្លួនលោកផ្ទាល់ជាអ្នកទទួលខុសត្រូវចំពោះរដ្ឋធានីកៀវ ហើយម្យ៉ាងវិញទៀតលោកប្រធានាធិបតី វ៉ូឡូឌីមៀរ ហ្សេលេនស្គី ក៏អាចនឹងបង្ខំចិត្តទទួលយកដំណោះស្រាយដ៏ឈឺចាប់ ដើម្បីរកសន្តិភាពជូនប្រជាជនដែរ។

ការអត្ថាធិប្បាយរបស់លោក Klitschko នេះទៀតសោត កើតឡើង២ថ្ងៃបន្ទាប់ពីប្រធានាធិបតីអាមេរិក ដូណាល់ ត្រាំ ព្រមានថា អ៊ុយក្រែន អាចបាត់ប្រទេសទាំងមូលតែម្តង បើលោក ហ្សេលេនស្គី នៅតែរឹងទទឹងមិនព្រមចូលតុចរចាជាមួយរុស្ស៊ី។ក្នុងសារបង្ហោះលើបណ្តាញសង្គម Truth Social កាលពីថ្ងៃពុធទី២៣ខែមេសាឆ្នាំ២០២៥ លោកត្រាំ ថែមទាំងចោទប្រកាន់ប្រធានាធិបតីអ៊ុយក្រែនជាសាធារណៈថា បានធ្វើឲ្យខូចដល់កិច្ចចរចាសន្តិភាព ព្រោះតែការបដិសេធទទួលស្គាល់តំបន់គ្រីមៀថាជារបស់រុស្ស៊ីផងដែរ។

ជាប្រតិកម្មតបទៅប្រធានាធិបតីអាមេរិក, លោកហ្សេលេនស្គី ក៏បង្ហោះសេចក្តីប្រកាសឆ្នាំ២០១៨ ដែលរដ្ឋបាលអាណត្តិទីមួយរបស់លោក ត្រាំ ប្រឆាំងការកាត់យកឧបទ្វីបនេះពីសំណាក់រុស្ស៊ី។តាមរយៈបណ្តាញសង្គម X កាលពីថ្ងៃព្រហស្បតិ៍ទី២៤ខែមេសាឆ្នាំ២០២៥ លោក ហ្សេលេនស្គី បានបង្ហោះសេចក្តីប្រកាសគ្រីមៀឆ្នាំ២០១៨ ធ្វើឡើងដោយអតីតរដ្ឋមន្ត្រីការបរទេសអាមេរិក Mike Pompeo ដែលមានខ្លឹមសារសំខាន់ថា «សហរដ្ឋអាមេរិក សូមច្រានចោលការប៉ុនប៉ងដាក់បញ្ចូលឧបទ្វីបគ្រីមៀ ជារបស់រុស្ស៊ី ហើយសន្យារក្សាគោលនយោបាយនេះ រហូតដល់បូរណភាពទឹកដីរបស់អ៊ុយក្រែនត្រូវបានស្ដារឡើងវិញ»។ភ្ជាប់ជាមួយសេចក្តីប្រកាសនោះ លោក ហ្សេលេនស្គី ក៏សរសេរ Caption ផងដែរថា «អ៊ុយក្រែន តែងតែធ្វើសកម្មភាពស្របតាមរដ្ឋធម្មនុញ្ញរបស់ខ្លួនជានិច្ច ហើយយើងប្រាកដណាស់ថា ដៃគូរបស់យើង ជាពិសេសសហរដ្ឋអាមេរិក នឹងធ្វើសកម្មភាពស្របតាមការសម្រេចចិត្តដ៏រឹងមាំរបស់ខ្លួន»។ a putine invoice a trum ze;lensky