វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4167 នាក់
ម្សិលមិញ 5304 នាក់
សរុប 14143693 នាក់
វៀតណាម៖ ក្រុមហ៊ុនឱសថក្នុងស្រុកមួយបានចាប់ផ្តើមសាកល្បងចាក់វ៉ាក់សាំងបង្ការជំងឺកូវីដ ទៅលើក្រុមអ្នកស្ម័គ្រចិត្តនៅក្នុងទីក្រុងហាណូយនៅថ្ងៃព្រហស្បតិ៍ ទី១៧ ធ្នូក្នុងពេលដែលបណ្តាប្រទេសនានាជុំវិញពិភពលោកកំពុងទន្ទឹងរងចាំទទួលបានវ៉ាក់សាំងយ៉ាងអន្ទះសា។ នេះ បើតាមការឲ្យដឹងពីខាងអ្នកតំណាងក្រុមហ៊ុនណាណូកូវ៉ាក់។
មន្ទីរពិសោធន៍វៀតណាមបានចាក់ សាកល្បងការចាក់វ៉ាក់សាំងប្រឆាំងកូវីដទៅលើមនុស្សនេះមានឈ្មោះថា ណាណូកូវ៉ាក់ (Nanocovax) និងស្ថិតនៅក្នុងចំណោមមន្ទីរពិសោធន៍ចំនួន៤ ដែលកំពុងតែសិក្សាស្រាវជ្រាវផលិតថ្នាំវ៉ាក់សាំងនៅក្នុងប្រទេសវៀតណាម។ ប្រសិនបោះជោគជ័យ ថ្នាំវ៉ាក់សាំងរបស់ណាណូកូវ៉ាក់ នឹងមានតម្លៃប្រមាណ ៥ ដុល្លារក្នុងមួយដូស។ ក្រុមអ្នកស្ម័គ្រចិត្តចំនួន ៣ នាក់បានទទួលការចាក់ថ្នាំបង្ការរួចហើយនៅថ្ងៃព្រហស្បតិ៍។ បន្ទាប់មកទៀត ពួកគេនឹងត្រូវទទួលការត្រួតពិនិត្យតាមដានរយៈពេល ៧២ ម៉ោងនៅឯសាកលវិទ្យាល័យពេទ្យយោធាវៀតណាម។
ក្រសួងសុខាភិបាលវៀតណាមបានឲ្យដឹងថា៖ មានអ្នកស្ម័គ្រចិត្តសរុបចំនួន ៦០ នាក់ នឹងទទួលការចាក់វ៉ាក់សាំង នៅដំណាក់កាលដំបូងនៃការធ្វើតេស្តសាកល្បង។ លោកឌូ គូយែត (Do Quyet) នាយកសាកលវិទ្យាល័យពេទ្យយោធា វៀតណាម បាននិយាយថា បុគ្គលិកពេទ្យជំនាញ បានត្រៀមខ្លួនរួចជាស្រេច ក្នុងករណីដែលអ្នកស្មគ្រ័ចិត្តណាម្នាក់រងផលប៉ះពាល់អ្វីពីឥទ្ធិពលនៃថ្នាំវ៉ាក់សាំង។
គួរជ្រាបថា វៀតណាមគឺជាប្រទេសមួយដែលទទួលបានការកោតសរសើរពីពិភពលោក ចំពោះការចាត់វិធានការប្រកបដោយប្រសិទ្ធភាពដើម្បីប្រយុទ្ធប្រឆាំងនឹងការរីករាលដាលនៃជំងឺកូវីដ១៩។ វៀតណាមមានប្រជាជនសរុបទាំងអស់ប្រមាណ ៩៧ លាននាក់ ក៏ប៉ុន្តែរហូតមកទល់នឹងសព្វថ្ងៃនេះ អ្នកឆ្លងកូវីដនៅវៀតណាមមានតែជាង ១ ៤០០ នាក់ និងមានស្លាប់ត្រឹមតែ ៣៥ នាក់ប៉ុណ្ណោះ។ផ្ទុយពីប្រទេសវៀតណាមនាយករដ្ឋមន្ត្រីកម្ពុជាសម្តេចតេជោហ៊ុនសែនដែលប្រមូលលុយជំនួយបានប្រមាណ៤០លានដុល្លារអាមេរិកសម្រាប់ទិញវ៉ាកសាំងប្រឆាំងកូវិតបានប្រកាសថាសម្តេចមិនយកប្រជាជនខ្មែរធ្វើជាឧបករណ៍ពិសោធន៍នោះតេ!?។