វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2691 នាក់
ម្សិលមិញ 5544 នាក់
សរុប 13943788 នាក់
កំពង់ធំ៖នៅព្រឹកថ្ងៃទី១៧ ខែវិច្ឆិកា ឆ្នាំ២០២០ សមត្ថកិច្ចរាជអាវុធហត្ថខេត្តកំពង់ធំ បានឃាត់ខ្លួនលោក ម៉ៅ ប៊ុនធូ នាយកទីចាត់ការអន្តរវិស័យសាលាខេត្តកំពង់ធំ ពាក់ព័ន្ធករណីប៉ុនប៉ង មនុស្សឃាត លើលោក សាយ វាសនា ព្រះរាជអាជ្ញារងនៃអយ្យការអមសាលាដំបូងខេត្តកំពង់ធំ ។
ប្រភពពីសមត្តកិច្ចឲ្យដឹងថា៖កាលពីយប់ថ្ងៃទី១៦ ខែវិច្ឆិកា ឆ្នាំ២០២០ វេលាម៉ោងជាង៩យប់ នៅភោជនីយដ្ឋានជ្រោះពេជ្រចិន្តា បន្ទប់ «កែប» មានលោក សាយ វាសនា ព្រះរាជអាជ្ញារង រួមជាមួយលោក ហង្ស ថុល មេបញ្ជាការកងរាជអាវុធហត្ថខេត្តកំពង់ធំ, លោក ឃុន ប៊ុនហូ មេបញ្ជាការរងកងរាជអាវុធហត្ថខេត្តកំពង់ធំ, លោក ព្រហ្ម វាសនា អនុប្រធានមន្ទីរស្រាវជ្រាវព័ត៌មានសន្តិសុខកងរាជអាវុហត្ថខេត្តកំពង់ធំ, ឈ្មោះ លី យ៉ាស៊ីន និង ឈ្មោះ ព្រាម ហាក់ កំពុងផឹកស៊ីចុកអាហារសាមគ្គីជុំគ្នា ។
ជនសង្ស័យដែលនៅបន្ទប់ជិតគ្នាជាមួយអភិបាលខេត្តក៏បានចេញមកធ្វើសកម្មភាពគម្រាមតែ បន្ទាប់ពីធ្វើសកម្មភាពមិនបានសម្រេច ក៏ធ្វើអាកប្បកិរិយា ស្រវឹង ធ្វើដូចមិនដឹងរឿងអី(នេះបើតាមសមត្តកិច្ច?)។ ករណីយ៍នេះមានព័ត៌មានខ្សឹបខ្សៀវថាជនសងស្ស័យ បានចងគំនុំនឹងលោក សាយ វាសនា ដោយហេតុថាលោក សាយ វាសនា បានទទួលបន្ទុក ក្នុងសំណុំរឿងដែលជនសង្ស័យបានដឹកនាំកម្លាំងគ្មានបញ្ជារពីព្រះរាជអាជ្ញា ចុះទៅចាប់គ្រឿងចក្ររបស់ឈ្មោះ ជុត ថាន ដែលមានច្បាប់អនុញ្ញាតត្រឹមត្រូវពីអភិបាលខេត្ត និងមន្ទីរជំនាញពាក់ព័ន្ធ ក្នុងពេលដែលខ្លួនមិនមាននីតិសម្បទាជាមន្ត្រីនគរបាលយុត្តិធម៌ ។រឿងនេះធ្លាក់ក្នុងដៃចាត់ការរបស់លោកសាយ វាសនា ។
ជនសង្ស័យបានស្នើសុំលោក សាយ វាសនា កុំចាត់ការតែលោក សាយ វាសនា បានអនុវត្តនីតិវិធីច្បាប់ ដោយហេតុថា ឈ្មោះ ជុត ថាន មិនព្រមចរចា ហើយជនល្មើសគុំគួនតាំងពីពេលនោះមករហូត ។បញ្ហានេះ លោក ស៊ិន វីរៈ ព្រះរាជអាជ្ញាអមសាលាដំបូងខេត្តកំពង់ធំ ក៏បានចុះទៅកន្លែងកើតហេតុភ្លាមៗ ហើយបញ្ជាអោយកម្លាំងអាវុធហត្ថឃាត់ខ្លួន ជនល្មើសក្នុង បទល្មើសជាក់ស្តែង មកបញ្ជាការកងរាជអាវុធហត្ថខេត្តកំពង់ធំ ដើម្បីកសាងសំណុំរឿងបន្តតាមនីតិវិធី .។
ទោះបីយ៉ាងណារឿងមួយនេះនៅរសៀលថ្ងៃទី១៧ ខែវិច្ឆិកា ឆ្នាំ២០២០ រដ្ឋមន្ត្រីក្រសួងយុត្តិធម៍ លោក កើត រិទ្ធ បានចេញលិខិតជម្រាបមកព្រះរាជអាជ្ញានៃអយ្យការអមសាលាដំបូងខេត្តកំពង់ធំ អំពីការផ្ទេរសមត្ថកិច្ចលើសំណុំរឿងព្រហ្មទណ្ឌលេខ៨៨៧ ចុះថ្ងៃទី១៧ ខែវិច្ឆិកា ឆ្នាំ២០២០ របស់ អយ្យការអមសាលាដំបូងខេត្តកំពង់ធំ ទៅអយ្យការអមសាលាដំបូងខេត្តសៀមរាបវិញកុំឲ្យមានភាពលម្អៀង។
យោងតាមមាត្រា ១៩ នៃច្បាប់ស្តីពីការរៀបចំអង្គការតុលាការ។ សំណុំរឿងព្រហ្មទណ្ឌលេខ៨៨៧ ចុះថ្ងៃទី១៧ ខែវិច្ឆិកា ឆ្នាំ២០២០ របស់អយ្យការអមសាលាដំបូងខេត្ត កំពង់ធំ។លោករដ្ឋមន្ត្រីបានលើកឡើងថា៖ ខ្ញុំសូម លោកព្រះរាជអាជ្ញា ជ្រាបថា អយ្យការអមសាលាដំបូងខេត្ត កំពង់ធំបានទទួលចាត់ការសំណុំរឿងព្រហ្មទណ្ឌលេខ៨៨៧ ចុះថ្ងៃទី ១៧ ខែវិច្ឆិកា ឆ្នាំ២០២០ ដែលមានជនសង្ស័យ ឈ្មោះ ម៉ៅ ប៊ុនធូ បច្ចុប្បន្នជានាយកទីចាត់ការអន្តរវិស័យនៃសាលាខេត្តកំពង់ធំ និងមានជងរងគ្រោះឈ្មោះ សាយ វាសនា ជាព្រះរាជអាជ្ញារងនៃអយ្យការអមសាលាដំបូងខេត្តកំពង់ធំ។
ដើម្បីធានាប្រយោជន៍សាធារណៈ និងដំណើរការល្អនៃយុត្តិធម៌តុលាការ និងដោយអនុវត្តតាមមាត្រា ១៩ នៃច្បាប់ស្តីពីការរៀបចំអង្គការតុលាការ ក្រសួងយុត្តិធម៌សម្រេចផ្ទេរសមត្ថកិច្ចក្នុងការចាត់ការរឿងក្តីខាងលើ ពី អយ្យការអមសាលាដំបូងខេត្តកំពង់ធំ ទៅអយ្យការអមសាលាដំបូងខេត្តសៀមរាប។