វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1499 នាក់
ម្សិលមិញ 10264 នាក់
សរុប 14140681 នាក់
សៀមរាប៖លេបថ្នាំរបស់គ្លីនិកឯកជនឈ្មោះស៊ី អិល ស៊ី មានទីតាំង ក្នុងភូមិចំបក់ហែរ ឃុំពួក ស្រុកពួក ខេត្តសៀមរាបពីល្ងាចព្រឹកឡើងរឹងឆ្កឺត។តែមន្ត្រីនៃមន្ទីរសុខាភិបាលខេត្តថា៖ អ្នកជំងឺមិនបានលេបថ្នាំដែលគ្លីនិកផ្តល់អោយនោះទេ?។
ជនរងគ្រោះ ដែលស្លាប់ព្រោះលេបថ្នាំមានឈ្មោះហ៊ាន់ ធន់ ភេទស្រី អាយុជាង៣០ឆ្នាំ នៅភូមិគោកដូង ឃុំត្រីញរ័ ស្រុកពួក ខេត្តសៀមរាប។
មន្ត្រីសុខាភិបាលស្រុកអង្គរជុំ បានអោយព័ត៌មានដឹងថា៖ តាមការសាកសួររបស់លោក ជនរងគ្រោះ ជាអ្នកជំងឺធ្លាប់ទៅព្យាបាលនៅគ្លីនិកខាងលើ។ កាលថ្ងៃទី២០ខែ ឧសភា បានទៅសម្រាកព្យាបាល៣យប់ហើយក៏ចាកចេញ ដោយទទួលយកថ្នាំទៅលេប។
លុះថ្ងៃទី២៣ខែ ឧសភាឆ្នាំ២០២១ បានទៅទទួលថ្នាំពីគ្លីនិកខាងលើយកទៅលេបទៀត ហើយវេលាទាបភ្លឺចូលថ្ងៃទី២៤ខែដដែលក៏បានស្លាប់។
ទាក់ទងរឿងចុះស្រាវជ្រាវលោកប្រធានការិយាល័យសុខាភិបាលស្រុកថា៖ ការចុះស្រាវជ្រាវ អំពីករណីមនុស្សស្លាប់ របស់មន្ទីរសុខាភិបាលខេត្ត មិនមានការសហការពីខាងលោក. គណ:គ្រូពេទ្យ និងគ្រូពេទ្យអមតុលាការនោះឡើយ។ ទោះជាយ៉ាងណា ម្ចាស់គ្លីនិកខាងលើ បានយកលុយ១០លានរៀលអោយទៅសាច់ញាតិជនរងគ្រោះផងដែរ។ថៅកែគ្លីនិកមិនបានផ្តល់បទសម្ភាសន៍រឿងនេះទេ។
ស្ត្រីឈ្មោះឡាំ ស្រីលក្ខ ដែលត្រូវជាប្អូនថ្លៃជនរង គ្រោះ បានបញ្ជាក់ថា មុនបងថ្លៃស្លាប់ រូបគាត់ជាអ្នកឌុបទៅបើកថ្នាំពីគ្លីនិក ស៊ី អិល ស៊ី នៅថ្ងៃទី២៣ខែ ឧសភាឆ្នាំ២០២១នេះ។ បន្ទាប់ពីបើកថ្នាំហើយ នៅម៉ោងជាង៧យប់ថ្ងៃដដែល បង (ជនរងគ្រោះ) បានលេបថ្នាំ នៅម៉ោង១១យប់ក៏ចូលដេករៀងខ្លួន លុះម៉ោងជាង៤ភ្លឺ ស្រាប់តែបងថ្លៃស្លាប់តែម្តង តែមិនដឹងថា មូលហេតុអ្វីនោះទេ។ក្នុងករណីនេះ លោក ក្រុស សារ៉ាត់ ប្រធានមន្ទីរសុខាភិបាលខេត្តស្ងាត់ក្នុងរឿងនេះ។តែលោកស្រី លី វណ្ណ: ប្រធានការិយាល័យនិយ័តកម្មនិងឱសថ គ្រឿងសំអាងនៃមន្ទីសុខាភិបាលខេត្តសៀមរាប ប្រាប់ថា តាមការស្រាវជ្រាវរបស់លោកស្រី ជនរងគ្រោះ មិនបានលេបថ្នាំដែលគ្លីនិកផ្តលឲ្យទេ។តែមិនប្រាប់ថាមកពីមូលហេតុអីឡើយ។(ដកស្រងពីកាសែតតាមដាន)